سلام الله عليكم
الناس اللي مبيرحموش سياراتهم يمين وشمال ولف ودوران
الأسكودا أوكتافيا عاملة إيه معاكم
إحكولنا عن المشاكل هل هي كثيرة أم عادية
وما أحوال المواتير 1600 سي سي مع الأوكتافيا اللي بتصد في الصخر
لأني وأنا سايق ساعات بشوف أوكتافيا طيران من جانبي وكأنها أسد
بقول سبحان الله رغم وزنها وصاجها إلا انها رائعة وأثبتت نفسها في فترة وجيزة
من الأخر ما رأيكم في إعتمادية الأكتافيا ومحركاتها؟
وجزاكم الله خيرا
شوف يا سيدي الفاضل.أنا واحد من الناس بحمد الله سبحانه و تعالي وليا الفخر إني أمتلك العربية دي.هي a4 موديل 98.
العربية دي مظلومة جدا في مصر.علي الرغم من إنها قمة في الإعتمادية.علي سبيل المثال أنا بسافر بيها كل يومين إسماعيلية بحكم دراستي هناك ( إدعيلي بالنجاح لأني قعدت كتير ) المهم إنها بسم الله ما شاء الله معندهاش مشكلة وعلي الرغم من وزنها زي ما حضرتك قولت.و كمان فات عليها 12 سنة بطولهم.معندهاش مشاكل تجيب الـ 200.و ناهيك عن الثبات طبعا.هي عربية جميلة جدا و متينة جدا و إعتمادية عالية جدا.لو حضرتك مثلا قارنت بينها و بين نفس فئتها في نفس الموديل زي الأوبل فيكترا مثلا.هتلاقي إن الأوكتافيا أقوي وأكثر إعتمادية.
الله ينور عليك يا غالياقتباس:
المشاركة الأصلية كتبت بواسطة inspiron
أنت كدة قطعتلي الشك في الكمين ههههههه
أنت حببتني في العربية أكثر
ألف شكر
بارك الله لك فيها
قصدك قطعتلك الشورت في البسين.ههههههه
ربنا يخليك يا باشا.
ههههههههههههههه الله يكرمك
اقتباس:
المشاركة الأصلية كتبت بواسطة الصيداح
اقتباس:
المشاركة الأصلية كتبت بواسطة inspiron
ههههههههههههههه موتونى من الضحك و الله :36_1_1[1]:
و زى ما انت قولت بتلاقى اسد معدى من جنبك كفايه الكلمه ديه :Ta_clap[1]:
بصراحة ممتازاة جدا وتصعب عليك المقارنة بأى سيارة أخرى
عربية اكثر من رائعة بجد وتقدر تعتمد عليها وعلى اد ان وزنها تقيل انما لما تديها بنزين عمرها ما بتقول لا هاتلقيها بتسحب معاك وبتجرى غير بقى الثبات بتاعها ما شاء الله بجد وحش فى الثبات
العربية ممتازة و الدليل انتشارها فى مصر و دى ميزة كبيرة علشان قطع الغيار و الكماليات
تمام شكرا للجميع على المرور
ممكن اعرف هى مظلومة من ناحية ايهاقتباس:
المشاركة الأصلية كتبت بواسطة inspiron
جامد جدااااااااااااااااااااااا ااااااااااااااا الاوكتافيا
شكرا لمشاركتكم جميعا
وبانتظار بقية ملاك الأوكتافيا
دايما تلاقي واحد يقولك الفيكترا b دي برقبتها.واللي يقولك هي عربية كويسة بس جنب الفيكترا b لا حاسب ( كانت عندي و بيعتها والحمدلله إني خلصت منها ) .واللي يعصبك أوي بقي تلاقي واحد يقولك الأوكتافيا a4 دي متعبة في صيانتها وحاجتها غالية علي عكس البورا (( مع إن الإتنين توأم يا ناس :I_angr1[1]: و مفيهومش مشاكل )) لو واحد مثلا حطني في وضع مقارنة ما بين الأوكتافيا a4 والفيكترا b طبعا هختار الأوكتافيا..لييه..لأن إيه الحكمة في إني أركب عربية أنا عارف إنها تقفيل مصري ( وما أدراك ما التقفيل المصري ) وأقول للناس وسع للألماني..وأنا قصادي عربية تانية ألماني برده و تقفيل تشيكي ( مهما كان هما أحسن من المصريين ) وكل حته فيها vw,audi,seat,made in germany.إيه الحكمة في إني أركب عربية أنا عارف إن تكييفها إبن تيييييييييييت و في عيب شنيع وهو وجود الخراطيم بجانب شجرة الشكمان. وقصادي عربية تكييفها زي الفل ( مفتري ).وعندك بقي الناس الأفاضل اللي يقولك كماليات الفيكترا أعلي.وده بأمارة عدم وجود شبابيك كهربة في الخلف وكذلك عدم وجود فتحة سقف.ويقولك عندك إنت في الأوكتافيا الشاشة اللي موجودة في الفيكترا (علما بإن الشاشة دي لو سيبت العربية في الشمس يوم هتلاقيها باظت.وطبعا ميعرفش إن الأوكتافيا فيها نفس الشاشة دي بس علي أصغر وموجودة أسفل عداد الـ rbm.وتسمع فجأة إن عوامل الأمان في الفيكترا أعلي ( بأمارة عدم وجود الـ air bag ).وتسمع إن موتور الفيكترا أقوي من الأوكتافيا وبيحقق سرعة أعلي.وأخيرا واحد يقول إن توكيل سكودا وخدمته سيئة ( وهو ربنا مبتليه يا عيني بمنص الجبار ).كلااااااااااااااااام كتيييييير يوضحلك فعلا العربية مظلومة إزاي.اقتباس:
المشاركة الأصلية كتبت بواسطة Eng.M Mahran
انا متابع كل الاراء لاني بجمع معلومات عن الاوكتافيا
بص يا باشا . اعتقد اني ممكن افيدك لأن العربيه اللي معايا دي هي تالت اوكتافيا a4 اجيبها
اول واحده كانت 2004 بس 2000 سي سي و دي منزلتش مصر (اصل انا عايش بره)
تاني واحده كانت 2003 بس ال 1800 سي سي مع تيربو شارجر و كماليات فوق الخيال و دي كانت من احلي العربيات اللي ركبتها في حياتي ومفيش منها الا عدد محدود لأنها نسخ خاصه و طبعا دي كمان منزلتش مصر
اما التالته فدي اشترتها من كام يوم لما نزلت مصر و بصراحه كنت خايف اشتريها لأني عارف ان العربيه تقيله وان الموتور ال 1600 مش هيكون كويس فيها بس ملقتش حاجه اجيبها احسن منها في حدود الفلوس اللي معايا فتوكلت علي الله و جبت واحده 2006
و شهاده لوجه الله اني اتفاجأت بالعربيه و تسارعها و خصوصا الكيك داون بتعها .فعلا احسن من عربيات كتير اوي بمواتير الهورس باور بتاعها عالي و العربيه خفيفه
اما الثبات فده شئ غير قابل للنقاش او المجادله .بتسوق وانت مطمن
مشكله العربيه دي الوحيده من وجهه نظري ان العفشه نشفه اوي و بتهبد في المطبات
غير كده العربيه مفيش عليها اي كلام و حلال فيها الفلوس
[بصفتى مالك قديم لأوبل فيكترا 1995 2000 سي سي ( كانت مستعملة )
قبل ال100000 ألف كانت محتاجة عفشة وتغير علبة دركسيون وعيوب فى المارش وسنتر لوك الأبواب ولمبة ال abs وتسريب فريون من عدة أماكن وبداية تهييس فى الفيتيس الأوتوماتيك
ومن يناير 2003 إلى يونيو 2008 أوكتافيا A4 من التوكيل ٨٥٠٠٠ كم عند إعادة البيع - فقط إحتاجت لحاجتين أعتقد كل السيارات من هذا الموديل تحتاجهم
1: حساسات البابين الأماميين ( يعنى كمبيوتر العربية لا يعلم إذا كانت الأبواب مفتوحة أو مغلقة ) بدون المساس بالسنتر لوك
2: مروحة الرايداتير الكبيرة وسعرها من 570 إلى حوالى 1000 جنية
من يوليو 2008 أوكتافيا خليجي حتى الآن الحمد للة لا مشاكل غير تغير طنابير الفرامل الأمامية غالبا بسبب تعرضها لماء بارد وهي ساخنة ( الآن 43000 كم )
ياريت أصحاب السيارات اللي معدية 150 و 200000 يدونا خبراتهم لأنى الآن أسكن أكتوبر والمسافات بقت حدث ولا حرج
1: حساسات البابين الأماميين ( يعنى كمبيوتر العربية لا يعلم إذا كانت الأبواب مفتوحة أو مغلقة ) بدون المساس بالسنتر لوك
حضرتك عملت ايه في ال مشكله دي علشان انا عندى الباب اليمين كده
لو حد يقدر يقولى سعر الأوكتافيا 2013 الفئة الاولى سعرها كام دلوقتى بعد إرتفاع الدولاراقتباس:
المشاركة الأصلية كتبت بواسطة mohameduoser
الشهر الماضى كانت ب 182 ألف
انا مش هقول غييييير كلمتييين
عربيه متكلفه
على الاخر
عربية ممتازة فوق الوصف
العربية معايا من الزيرو ٢٠٠٣ والي الان ما شاء اللة
العداد عامل ٢٢٠٠٠٠ وبصراحة مش حاسس باي فرق عن يوم ما جبتها
كل اللي بعملة أني بعملها الصياغات الدورية ويجيب قطع الغيار الاصلي وما فيش اية مشاكل والحمد للة
تم تغيير الاسطوانة علي ١٨٠٠٠٠ وجلب المقصات وبارات الدركسيون والكويل للتكييف
وطبعا السيور والزيوت
اية استفسار أنا تحت أمرك
علي فكرة أنا كل مشاوي ري مواقع هندسية في مناطق غير ممهدة