أخر أخبار صحراوي إسكندرية

**ZALABANY** · 15-04-2010 12:31 PM

سافرت الجمعه اللي فاتت الطريق زفت واتلدعت رادار على 128 وكل اللي كان ماشي علي الطريق ودخل على اللجنة في الوقت ده كان متصور ده غير انه باليل سخيف جدا ومظلم خلوا بالكم

**mragh** · 25-04-2010 01:44 AM

أنا كتير بحاول أمشي علي ٦٠ في التحويلات بس بلائي كل العربيات اللي وريا هتخبطني

**Mostafa.Mahran** · 25-04-2010 01:56 AM

المشاركة الأصلية كتبت بواسطة mragh

أنا كتير بحاول أمشي علي ٦٠ في التحويلات بس بلائي كل العربيات اللي وريا هتخبطني

التحويلات لازم تجرى فيها علشان هم حارتين بس ولازم تنجز نفسك

**omaroof** · 25-04-2010 02:23 AM

التحويلات زى الزفت مشيت على الطريق ده من 3 اسابيع وبعدين الغلاسه بيخدو برضه ال4 جنيه رغم ان نصف الطريق ماشيه على الطريق القديم والتحويلات
وبعدين فى حد عاقل حايمشى على طريق سريع 60 برضه
هى الحكومه دى عاوزه ايه

**ابوهاشم** · 25-04-2010 02:27 AM

انا فاكر واحنا رايحين مقابلة اسكندريه اللى فاتت
قابلنا 4 ردارات فى الطريق

**pesso** · 25-04-2010 02:47 AM

السفر بسرعه هاديه والالتزام بقواعد المرور من اسباب تحضر المجتمعات ورقيها لكن هنا فى مصر لو حبيت تمشى بالسرعه القانونيه او تنتظر واحد بيعدى على رجله لايمكن اللى وراك يرحمك وهات يا كلاكسات ويخليك يا اما تجرى علشان يعدى يا اما تدهس اللى معدى علشان برده هو يستريح ..اصبحت السواقه فى مصر بلا أخلاق بالمره وربنا يهدى الناس

**Amrrr** · 26-04-2010 04:22 PM

المشاركة الأصلية كتبت بواسطة pesso

السفر بسرعه هاديه والالتزام بقواعد المرور من اسباب تحضر المجتمعات ورقيها لكن هنا فى مصر لو حبيت تمشى بالسرعه القانونيه او تنتظر واحد بيعدى على رجله لايمكن اللى وراك يرحمك وهات يا كلاكسات ويخليك يا اما تجرى علشان يعدى يا اما تدهس اللى معدى علشان برده هو يستريح ..اصبحت السواقه فى مصر بلا أخلاق بالمره وربنا يهدى الناس

كان سواق تاكسي ورايا وقدامي ست كبيرة بتعدي ومن كتر ماهي ست مسنة انا وقفت ومش اديت حتى كلاكس هو بقى بيزمر وطالع من ورايا على الشعرة !!! ومش عاجبه طبعا وبيبصلي بأرف اوي فشاورتله عالست !! تعليقه : اديها كلاكس واكبس عليها !!! هي بقى لما حست باللي بيحصل اتخضت لما لقيتني وراها - عشان ماكنتشي بتعدي بالعرض وماشية بميل شوية- وقالتلي وهي بتشوح مش تدي قلاقص - تقصد كلاكس طبعا - وطلعت انا وحشششششششششش

موضوع الرادار كويس ونفسي يبقى في كل طرق مصر جوة وبرة واللي بيجري يصرف عالحكومة

عشان انا من وجهة نظري المتواضعة ان معظم الحوادث - ان ماكانشي كلها - بسبب السرعة الزيادة مع رخص بتطلع في البيت الموضوع يبقى خطر

**Imhotep** · 26-04-2010 04:32 PM

يالله خلى الناس تلتزم شوية و عقبال الدائرى كده ما يتملى رادارات هوا كمان عشان الناس تلتزم بالذات النقل

**Samir Elshahawy** · 26-04-2010 06:10 PM

هما بيستعدوا لزبائن الصيف ياريت يكون فيه رادار واحد بس علي الدائري اللي مليان حوادث كل يوم

**Imhotep** · 26-04-2010 06:15 PM

المشاركة الأصلية كتبت بواسطة se_coralsea

هما بيستعدوا لزبائن الصيف ياريت يكون فيه رادار واحد بس علي الدائري اللي مليان حوادث كل يوم

ما هو مليان حوادث عشان يا فرعون ايه اللى فرعنك قال ملقيتش حد يردنى لكن لو اللدع على ودنه زى المحور كله هيبقى زى الالف لان احنا فينا ناس تخاف متختشيش بالذات الطايفة اللى زى بتوع النقل و الميكروباص طايفة عايزة الحرق و هى سبب البلاوى كلها

الموضوع: أخر أخبار صحراوي إسكندرية

LinkBack

أدوات الموضوع

عرض

-

-

-

-

المواضيع المتشابهه

شط إسكندرية

استفسار عن صحراوي اسكندرية

قطار "صحراوي" بين القاهرة والإسكندرية

الطريق الي المعمورة ـ الاسكندرية ـ صحراوي

أنا بكره في إسكندرية

الكلمات الدلالية لهذا الموضوع

المفضلات

المفضلات

ضوابط المشاركة