الموضوع: اخلص فيها ولا ايه.....؟

العربيه واضح انها كويسه و كلام السمكرى يطمئن للبودى و لكن..... الكشف عليها مش عند ميكانيكى و لازم يكون فى التوكيل و بالنسبه للتابلوه لو صاحبها محافظ عليها فى العادى لازم يكون التابلوه نظيف لان دى المانى مش كورى ولا صينى يعنى معموله للزمن و ثانيا ممكن يكون متغير و نصيحتى خللى بتاع سروجى يبص لك عليه ليكون متغير و لو متغير توقع اى شيئ و سؤالى (انت واثق فى السمكرى ده ؟؟)

المشاركة الأصلية كتبت بواسطة mexmarine

العربيه واضح انها كويسه و كلام السمكرى يطمئن للبودى و لكن..... الكشف عليها مش عند ميكانيكى و لازم يكون فى التوكيل و بالنسبه للتابلوه لو صاحبها محافظ عليها فى العادى لازم يكون التابلوه نظيف لان دى المانى مش كورى ولا صينى يعنى معموله للزمن و ثانيا ممكن يكون متغير و نصيحتى خللى بتاع سروجى يبص لك عليه ليكون متغير و لو متغير توقع اى شيئ و سؤالى (انت واثق فى السمكرى ده ؟؟)

شكرا لاستجابه حضرتك السريعه
المشكله اني من اسيوط وحكايه التوكيل دي بعيده شويه هو فيه كام ورشه بيقيسوا الموتور بالكمبيوتر ممكن اروحلهم

في حكايه التابلوه معاك حق بس اللي يجنن اني شفت عربيه فكترا97 شركه بره وجوه التابلوه حالته نظيفه بس كنت تحس انه مر عليه 12 سنه مع ان صاحبها كان رافعها 5 سنين "امر محير مش كده"
اما السمكري فده معرفتي ومصدقش حاله العربيه من نضافتها وان صاحب العربيه هو اللي قالي علي حكايه الرش دي وانا مجبتش سيره للسمكري بس هو عرفها ونزل تحت العربيه وشاف ان مفيش احسن من كده
بس هي لو بالحاله دي تعمل كام

بالحالة دلى لو طالب أقل من 45 بص عليها تانى دى تعمل 48 ل 50 ممكن تزيد
و بالنسبة لبلية الكاتينة فأنت كدا كدا هتغيرها هى و سير الكاتينة و السير العمومى و البوجيهات و الفلاتر أول ما هتاخدها يعنى فكك من بلية الكاتينة دى

انا عايز اعرف 79 الف كيلو ازاى واضح طبعا ان احتمال كبير يكون مغير الطبلوة ولاعب فى العداد بنسبة تفوق 95% حتى تثبت العكس انت تخدها على التوكيل تعمل فحص كامل بالكلهات دية العربية ضغط المتور بتعها مش هيقل باى حال من الاحوال عن 11/13 غير كدة ملعوب فيها بس انت خدها التوكيل هيعملك كشف على كل حاجة عشان تتطمن واعملها صيانة 50 الف كيلو للمتور عشان تمشى مطمن