ما هو وجه استفادتك الشخصيه من الانترنت(استخدامات الانترنت بالنسبالك)

موضوع خطر علي بالي وانا بتكلم مع واحد صاحبي

ايه استخدامات كل واحد فينا للنت

انا عن نفسي بعتمد عليه اعتماد كلي

في شغلي واساسي جدا (لان ادارتي في مكان مختلف ولازم ابعت واستلم الشغل عن طريق النت)

في كلامي مع ناس قرايبي في دول تانيه(بصفه شبه يوميه يعني يستحيل يحصل لو مفيش نت)

داونلود لملفات باحجام عبيطه وكبيره

في حياتي لو محتاج اي معلومه في اي موضوع يخطر ببالكم بجيبها من النت (بس طبعا مع التاكيد علي مصدرها)

ده طبعا غير الاخبار والذي منه

نقطه كمان صاحبي كلمني فيها

وهيا نقطة اشتراكك الشهري

وهل انتا حاسس انك بتحقق الاستفاده القصوي من الاشتراك ده؟؟

انا كانت اجابتي اني بستفاد باكتر بكتيييييييييييييييييير من اشتراكي الشهري

ولو هيتضاعف لضعفين وتلاته هبقي برضه لسا باستفاد استفاده كامله وقصوي

لو النت فصل عندي ساعه كل حاجه بتتاثر

ومستحيل اقدر استغني عنه يوم

عايز بقي اسمع راي كل واحد فيكم

A.Yakout

فعلا موضوع مهم جدا
انا بستخدم النت فى كتير من شغل الكليه عندى
ابحاث - معلومات عن المواد اللى بدرسها - التكنولوجى الحديث فى مجال دراستى
دا غير القرايب والاصحاب اللى مبعرفش اكلمهم واتواصل معاهم الا على النت
معرفه الاخبار لانى مش بلاقى وقت اتفرج على التلفزيون

كل حاجة بقت أونلاين يابوحميد

حتي الحياة الأجتماعية بقدر كبير للأسف

الموضوع دة بجد جه على الجرح اوى

انا باستخدمة فى كل حاجة تقريبا اة والله


اخبار البلد والعالم كلة من على النت مش باشوف التلفزيون
ابحاث وتحضير الدروس
اصحابى فين وفين لما باشوفهم
اما على الماسنجر 24 ساعة مع بعض
لما اكون متدايق من اى حاجة فى الكلية او البيت تلاقينى فى ثوانى بقيت على الكمبيوتر وبافضفض عنها
الصبح وانا باغير هدومى وباجهز للنزول تلاقينى فاتح النت وباتابع الى فاتنى وانا نايم
وغير كدة انا شخصية غير اجتماعية بمعنى انى مش باعرف اكون صداقات بس على النت الموضوع بيكون اسهل بكتيير ومع الوقت الصداقات دى بنتقل من الحيز الافتراضى الى العالم الحقيقى زى مابيحصل فى مقابلات المنتدى مثلا
كل ما احتاج معلومة عن العربية .التليفون.الكلية .اسعار اى حاجة تلاقينى على النت قبل ما انزل السوق

وحاجات كتيييييييييييييييير


وبجد موضوع حلو يا احمد

الموضوع ده كان رسالة الماجستير بتاعتي
"استخدامات الجمهور المصري لشبكة الإنترنت "
سجلت الرسالة 1999
وأجيزت 2003
وجاءت في 850 صفحة من القطع المتوسط
وللعلم كانت أول رسالة جامعية يتم تسجيلها في الإنترنت
وبما إن الموضوع كبير
فللأسف مش هاقدر اختصره في مجموعة جمل
تقبلوا خالص مودتي

فى دراستى لأن الجامعه عندى بتعتمد بشكل كبير على الدراسه عند بعد سواء فى التواصل مع الدكاتره او مقررات معينه او تسليم مشاريع و ابحاث وخلافه على النت

فى شغلى سواء كان مع منشورات لأنه اسرع واسهل فى توصيل الشغل او على مواقع على النت شغال عليها

بعتمد عليه بشكل كلى فى شغلى ويعتبر مصدر معلوماتى الاول والاكثر اهميه

وسيله الترفيه الاولى من افلام لبرامج لمسلسلات لصور بجانب الاخبار اليوميه وليه دور كبير فى حياتى الاجتماعيه وعرفت من خلاله فعلا احسن ناس عرفتهم فى حياتى ومن خلاله كونت عده صداقات اعتز بيها جدا

اخيرا فرصه متاحه للتواصل مع اقربائى خارج مصر كل حين واخر وفرصه للتواصل مع اصحابى حين الحاجه ( على فترات متباعده جدا )

بستفيد منه طبعا كل الاستفاده وكام ساعه من غيره أزمه بالنسبه لى وفى اوقات معينه ممكن يبقى كارثه

أول مابدأت استخدم النت كان فى الشات على الهوت ميل والياهو وما الى ذلك . وبعد كده استخدمته فى دراستى وكنت بدور على أبحاث معينة وبعد كده توسعت فى استخدام النت فى معرفة كل شيئ يحدث حول العالم من اقتصاد وتكنولوجيا ورياضة وتاريخ مصر والعالم (وعلى فكرة أنا بحب أوى اعرف تاريخ العالم أيام الحرب العالمية الثانية وتاريخ مصر أيضا فى فترة الملك فاروق والريس جمال عبد الناصر لحد العصر الذى نحن فيه الأن وأى شيئ أستفيد منه فى زيادة معلوماتى العامة والدينية وبجد يا جماعة أنا استفد جدا جدا جدا من النت فى أشياء كثيرة كنت أجهلها :Ta_clap[1]:

شكر للجميع علي الاهتمام

وعذرا لتاخري في الرد بس ده لظروف شخصيه

اقتباس:

---

المشاركة الأصلية كتبت بواسطة د.أحمد سمير

الموضوع ده كان رسالة الماجستير بتاعتي
"استخدامات الجمهور المصري لشبكة الإنترنت "
سجلت الرسالة 1999
وأجيزت 2003
وجاءت في 850 صفحة من القطع المتوسط
وللعلم كانت أول رسالة جامعية يتم تسجيلها في الإنترنت
وبما إن الموضوع كبير
فللأسف مش هاقدر اختصره في مجموعة جمل
تقبلوا خالص مودتي

---

شرف ليا كبير يا دكتور تشريفك لموضوعي وياريت لو حضرتك تكلمنا ولو علي جزء صغير من رسالة حضرتك

لان اكيد النت من 10 سنين يختلف عن دلوقت

A.Yakout

انا باستخدم النت في كل شيء
ارسال واستقبال كافة شيء يتعلق بالشغل .....
معرفة كل جديد في مجال العمل
البحث عن كل حاجة
بأكلم قرايبي صوت وصورة ( ده اصلا اللي خلاني ادخل عالم النت من كام سنة )
باعرف الاخبار
... بادخل على نايل موتورز ...... طول مانا ع النت
...
لكن بصراحة انا بسبب النت فقدت كتير من علاقاتي الاجتماعية خارج النت
بقيت شبه منطوي وقاعد اكتب واكلم شوية الحديد والبلاستك دول طول الوقت .... هو كدة مش جنون برضه ؟؟؟؟

النت مفيد جدا" جدا" للناس اللى بتستخدمه صح .
فى الدراسه وفى كل شئ .

لكن بصراحة انا بسبب النت فقدت كتير من علاقاتي الاجتماعية خارج النت
بقيت شبه منطوي وقاعد اكتب واكلم شوية الحديد والبلاستك دول طول الوقت .... هو كدة مش جنون برضه ؟؟؟؟[/quote]

+1111111111111111111

في الفضفضة والرغي الهادف ايا كانت صورة

بصورة رسمية فلمقالات والتحقيقات

او اجتماعية مع اصحابي واقاربي

او بصورة نفسية لما بتخنق بفتح مسنجرين بايميلين مختلفين واكلم نفسي وافضفض معاها

واهم استخدام من وجهة نظر ماما الكشف عن فواتير التليفونات

النت مش إستفادة .. النت اصبح حياة



- انا بستخدم النت في التواصل مع والدي خارج مصر

- بذاكر عالنت ...(كان اية بس اللي فتح عليا موضوع الـoracle ده!! :majd(4): )
- بسمع راديو على النت (BBC)

- بتابع إهتماماتي زي السيارات على النت (نايــــل موتورز) و اهو برضه تواصل اجتماعي..

- ترفيه... أفلام + Top Gear ..

- تواصل إجتماعي (facebook, msn)

- .... اكيد فيه اكتر من كدا