مطبات صناعية فى وسط الطريق الصحراوى ؟؟؟؟؟؟؟

فوجئت يوم الخميس اللى فات وانا ماشى فى طريق مصر اسكندرية الصحراوى وبعد حوالى 10كم من البوابات بوجود مجموعة من المطبات الصناعة موجودة فى وسط الطريق ؟؟:confused:

مجموعة بمعنى 5 مطبات وبينهم مسافة وخمسة تانيين ومسافة وكمان خمسة

وللأسف اللى مش عارف ان فيه مطبات فى المكان العجيب ده بيفاجأ بيهم واما ياخدهم كلهم او يضرب لخمة
المصيبة بقى انك تلاقى اللى قدامك فجأة :eek: وانت ماشى على 100 مثلا ضرب فرامل فى وسط الطريق.
وطبعا اثار ده واضحة عند المطبات من فوانيس مكسرة، واكيد عربيات مكسرة كمان اللى ما اسعدنيش الحظ انى اقابل منهم وقت مرورى من المنطقة.

حد بقى يعرف مين اللى ابتدع الفكرة الجهنمية دى وايه الغرض منهم؟؟:rolleyes:

على فكرة فى طريق العودة كان فيه مجموعة مماثلة فى مكان تانى !

اكيد احد المسئولين ليه هدف من كده

اقتباس:

---

اكيد احد المسئولين ليه هدف من كده

---

يمكن علشان عيون القط خلصت عالكاوتش والعفشة قرروا يتجهوا للفوانيس والصاج

المطبات الصناعيه دي
و العلامات الضوئيه دي
خاصه بمشروع تحويل الطريق الصحراوي لطريق حر

الاماكن اللي فيها التحويله دي حيتعمل تحت منها انفاق للمشاه و السيارات و تقاطعات حره
بعد مرحله التقاطعات الحره حتيجي مرحله الاسفلت و العلامات

أكيد واحد من كبار موردي قطع الغيار
ولسه ياما هنشوف

المطبات دي اتعملت من يجي 4 سنين
وكانت سبب في كميه من الحوادث يمكن لا تقل عن 3/4 حوادث اسبوعيا
اكتر من 10 مقطورات اتقلبو ومنهم كان محمل بمواد شديده احتراق
كان فيها ناس ماتت
وناس خرجت باصابات وعاهات مستديمه
ولكن الجهبذ اللي اخترع الفكره
واضح انه شايفها اثبتت نجاج منقطع النظير
وعملت كل المطلوب منها
زيه زي العبقري اللي اخترع موضوع التقاطعات الحره في مدينه نصر
الله يحرقهم

ولنــــــــــــــــــــــ ـا الله

اقتباس:

---

أكيد واحد من كبار موردي قطع الغيار
ولسه ياما هنشوف

---

اعتقد في الحاله دي انه يا حانوتي
يا مورد اجهزة تكميليه

لو عاوز تعرف مدي نجاحهم في اصابة الهدف انظر بعد المطب بعدة امتار
ح تشوف آثار ارتطام السيارات اللي أخدت المطب بسرعة وطارت لفوووووق واتهبدت في الأرض بعد عدة امتار من المطب
ح تلاقي آثار احتكاك شفة السيارات والكارتيرات والأكسدامات بالارض شكله كئيب
ربنا يسترها معانا جميعا

من امتى الموضوع دة
هو فى مطبات قبل البوابات على طول
بس بعديها دى جديدة لانج
ولا بعد بوابة اسكندرية الطريق مقفول ماعدا حارة واحدة
لسة مش عارفين يقفشوا تاجر المخدرات ياعينى

يبقى انت اكيد اكيد اكيد في مصر

اقتباس:

---

المشاركة الأصلية كتبت بواسطة Migo123

المطبات دي اتعملت من يجي 4 سنين
وكانت سبب في كميه من الحوادث يمكن لا تقل عن 3/4 حوادث اسبوعيا

---

انت كده تقصد المطبات اللى قبل ميدان الرماية وانت داخل على القاهرة.
انما اللى بقول عليهم دول فى اتجاه اللى رايح اسكندرية وبعد البوابات ب10 كم
وانا معدى من الطريق من كام شهر ماكانش فبه حاجة

ايوه صحيح انا في يوم 30-12 اللي فات كنت في مزارع دينا وقلت اروح اقعد في الريست بليل لقيت بيعملو في الطريق وقافلينه مفيش غير حاره واحده شغاله يدوبك تعدي عربيه نقل بالظبط وفي في النص كام مطب كده وانا حتي استغربت جدا ساعتها وفعلا ربنا ستر لان كان مفيش اي عمود نور وفقط العواكس وكان الواحد بيجري بتاع 180 وفجأه لقيت الدنيا وقفت وحاره واحده واولها مطب وفي النص كام مطب واخرها مطب
ربنا يستر بينا في البلد اللي عايزه تموتنا بالعافيه لولا ان لينا اجل

مفيش فايدة البلد دى فى الضياع

اقتباس:

---

المشاركة الأصلية كتبت بواسطة analyzer

اكيد احد المسئولين ليه هدف من كده

---

I dont think this is funny! sorry

ااااااااااااااااااااااااا ااااااااااااااااااااااه
حرام بجد

:cool:

اقتباس:

---

المشاركة الأصلية كتبت بواسطة ahmedsrs

مفيش فايدة البلد دى فى الضياع

---

سعد باشا كان قاريها من زمان :cool:

استاذى الفاضل h_hezzah شكرا ليك بجد ان حضرتك نبهت الاعضاء فى المننتدى على وجود هذة المطبات فى الطريق والتى تعتبر بمثابة مطبات موت لان كل اللى هيكون مسافر مش هيكون عارف واكيد هيكون بيجرى انا انا اشاء اللة مسافر القاهرة يوم الحميس انا جاى من اسكندرية كنت عاوز حضرتك تقولى تقريبا مكان المطبات دى فين على الطريق خصوصا وانا جاى من اسكندرية للقاهرة وشكرا جزيلا وربنا يحمينا كلنا من كل سوء وشكرا جزيلا يافندم

ان شاء الله وليست اللة
نرجوا تحري الدقة عند كتابة لفظ الجلاله
الادارة (1)

اقتباس:

---

المشاركة الأصلية كتبت بواسطة pampino

استاذى الفاضل h_hezzah شكرا ليك بجد ان حضرتك نبهت الاعضاء فى المننتدى على وجود هذة المطبات فى الطريق والتى تعتبر بمثابة مطبات موت لان كل اللى هيكون مسافر مش هيكون عارف واكيد هيكون بيجرى انا انا اشاء اللة مسافر القاهرة يوم الحميس انا جاى من اسكندرية كنت عاوز حضرتك تقولى تقريبا مكان المطبات دى فين على الطريق خصوصا وانا جاى من اسكندرية للقاهرة وشكرا جزيلا وربنا يحمينا كلنا من كل سوء وشكرا جزيلا يافندم

---

lمكانها تقريبا 5-10 كم قبل البوابات وانت متجه للقاهرة. وفيه زيهم تقريبا فى نفس المنطقة فى الاتجاه اللى رايح اسكندرية.
بس انا كان مشوارى لغاية السليمانية بس، فوارد انه يكون الموضوع ده متكرر فى اماكن تانية.

أظن يا جماعة إن الموضوع دة لية علاقة بنقل البوابات لأن المفروض البوابات سيتم نقلها حوالى 15 كيلو تقريبا يعنى للكيلو 50 على ما اتذكر و إن شاء اللة فية محور اخر موازى لمحور 6 اكتوبر سيتم عملة قريبا قريب من البوابات الحالية بعد نقلها طبعا و لذلك ممكن يكونوا عملوا المطبات دى بداية لنقل البوابات و عندئذ سيكون مكان المطبات بعد البوابات الجديدة لكن انا ارى إنهم عملوها بدرى فكان المفروض تبقى بعد نقل البوابات دة لو كان اللى أنا قلتة فعلا هوة اللى فى بالهم

حازم باشا سبقنى
بس حاكد كلام البشمهندس حازم بالصور
ده كان يوم الجمعة 18/1/2008

في بس معلومة جديدة..
دول مش بس بعد البوانبات ب 10 كبلو..
المصيبة ان في بعد حوالي 60 كيلو كمان.. اللي قالي عليهم واحد قريبي شغال في وادي النطرون..
هو عدهم لقاهم كام بقي..؟؟!!
متتخضوش.. *** 19*** مطب ورا بعض..
وزارة النقل عاملة مفاجأة في الطريق.. تهريج زبالين..

اقتباس:

---

المشاركة الأصلية كتبت بواسطة Ahmad Allawy

في بس معلومة جديدة..
دول مش بس بعد البوانبات ب 10 كبلو..
المصيبة ان في بعد حوالي 60 كيلو كمان.. اللي قالي عليهم واحد قريبي شغال في وادي النطرون..
هو عدهم لقاهم كام بقي..؟؟!!
متتخضوش.. *** 19*** مطب ورا بعض..
وزارة النقل عاملة مفاجأة في الطريق.. تهريج زبالين..

---

و الله الزبالين كده مظلومين، دول غلابة و ما بيهشوش، صلتهم الوحيدة بالموضوع يكمن تكون انهم هيبتدوا يقفوا عند المطبات دى علشان يسترزقوا لما العربيات تهدى لأن كل اشارات مصر بقت كاملة العدد من شحاتين لزبالين لحرامية.

و منه لله اللى وصل الناس لكدة

و مننا لله علشان ساكتين على كده

دي جديدة لاننا لما كنا في مقابلة مزارع دينا ماكنتش موجودة
انا لو منك يا هاني ومعايا الصور كنت كلمت معتز الدمرداش على قناة المحور وعرفنا السبب

يا جماعة الطريق فيه تحويلة زي اللي في المحور بعد بوابات القاهرة بحوالي 50 كيلو.
أنا لسة راجع من الاسكندريه السبت بس بصراحة كان في انوار و تحذيرات كتير قبل المطبات و التحوياة بمسافة. وعلى فكرة المطبات صغيرة زي الي على الطريق قبل ميدان الرماية انا كنت باخدهم على 80-90 عادي.
2

اقتباس:

---

المشاركة الأصلية كتبت بواسطة MOsama

يا جماعة الطريق فيه تحويلة زي اللي في المحور بعد بوابات القاهرة بحوالي 50 كيلو.
أنا لسة راجع من الاسكندريه السبت بس بصراحة كان في انوار و تحذيرات كتير قبل المطبات و التحوياة بمسافة. وعلى فكرة المطبات صغيرة زي الي على الطريق قبل ميدان الرماية انا كنت باخدهم على 80-90 عادي.
2

---

كلام حضرتك مظبوط 100 فى 100

انا رحت اسكندرية الجمعة ورجعت السبت

بس المشكلة ان فيه سيارات تتوقف نهائى وتاخد المطب على الاول وده بتخلى كل العربيات الى وراها تفرمل جامد

والاهم من كده انك تحاول تخليك فى الشمال وتبص فى المراية كويس ومتخليش وراك عربية نقل

والله خير حافظ

كريم باشا : فكرتك كويسة وبحاول أوصل لبريدهم الإلكترونى
--------
على فكرة المطبات تتاخد على 80 و100 كمان ومش حتحس بحاجة
لكن من الأفضل التهدئة
لأن العربية هى اللى حتتأثر سواء مساعدين او شاسيه

انا اضريت افرمل واخدهم علي الهادى عشان المحروس الصغنن كان نايم ورا و لما بخدهم بسرعه بيصحى من الخضه بس وانا هادي علي المطبات دي كان هيشيلنى نقل جاى صاروخ من ورايا الا ان ربنا ستر و الحمدلله

المطبات الصناعيه دي
و العلامات الضوئيه دي
خاصه بمشروع تحويل الطريق الصحراوي لطريق حر

الاماكن اللي فيها التحويله دي حيتعمل تحت منها انفاق للمشاه و السيارات و تقاطعات حره
بعد مرحله التقاطعات الحره حتيجي مرحله الاسفلت و العلامات( اقتباس )


فعلا كلام سليم 100% وقد تم الاعلان عن هذا الامر عن طريق المهندس محلب رئيس مجلس ادارة المقاولين العرب التى ستقوم بتحويل الطريق الصحراوى الى طريق حر

الف شكر على الافادة يا استاذ حازم

ربنا يلعن طرق مصر كلها من أولها لآخرها ويلعن إلي مبوظ الطرق

انا شايف ان السبب الرئيسى لموضوع المطبات ده
مواجهة الزيادة السكانية&زيادة السيارات الرهيبة عشان كدة الحكومة بدأت بأصحاب السيارات
تحطلهم كام مطب محترم يقصف عمرهم و عمر عربياتهم
و يبقوا كده ضربوا عصفورين بحجر