ما هي اكثر أخطاء القيادة التي تستفزك في الشارع المصري

**casperinoo** · 21-01-2008 02:12 AM

اكتر حاجه بتخنقني
ياااه ده كل حاجه
شوارع مكسره
عساكر مرور لا تعليق
الناس اللي في شارع بيتمشو في نص الطريق
التوكتوك ربنا يخده
وسواقين الميكروبصات والغرز اللي بيعملوها
سواقين الاتوبيسات البلطجه...ولما يبقي واقف بيحمل وميمشيش من المحطه غير لما ياخد شماله وملوش دعوه بالي جي من وره

ان اتخنقت مش هكتب حاجه تاني

**fahd_628** · 21-01-2008 02:25 AM

انا اكتر حاجة بتغيظنى ببساطة فهلوة المصريين

**ahmed** · 21-01-2008 02:42 AM

لما يكون كوبرى اكتوبر واقف او اى كوبرى والاقى عربيه راجعه بظهرها ونازلة من الكوبرى عشان زحمه طيب ازااااااااااااااى يعنى تعمل كده بالذمه مش احنا اللى دهنا الهوا دوكو اكيد احنا مادام بنعمل كده

**3mr Farrag** · 21-01-2008 02:50 AM

انا مش هاينفع بصراحه اقول اي اللي بيضايقني....
لأن ببساطه مش هيكفيني صفحه علي الاقل اكتب فيها...
بس ليه تعليق و ياريت استاذ توت ما يزعلش مني.....
انك بتشتم دايما و بالاخص اللي بياخدوا غرز......
و انا هقولك انا باااااااااااااخد غرز......
يمكن في الاول كنت لسه جايب العربيه و مقضيها هبل شويه.....
بس دلوقتي نادر لما باخد غرز غير لما اكون متاخر جدااااااااا.....او في ناس شللل قدامي
يعني بصراحه لو هنتكلم علي الناس البتجيب الضغط في الشارع.....يبقي لازم اخد غرز منهم....
يعني مايكونش اتنين ما يتقلش عليهم غير بهايم....و احد ماشي علي الشمال و الزفت التاني ماشي في النص...
و اللاتنين بيتمختاروا......و طززززززززززز في اللي وراهم.....و يكون الشارع فاضي قدامهم ..
و توعد تعمل كلاكسات و رعاش وولا حد هنا.......
بعدين تقولي اللي بياخدوا غرز قلالات الادب......
يعني اروح يتنا في ساعه بدل و اخدها في تلت ساعه علشان ما اكونش قليل الادب!!!!!!!!!!!!!!!!!!!!!!!!!!!!!!!!!!!!!!!! !!
و الله انا يمكن اجيلي الضغط قريب....من اللي بشوفوا....دانا بقيت كل مانا سايق ببقي هشد في شعري

**Kisho** · 21-01-2008 03:34 AM

انا اكتر حاجه فعلا بتحرق دمى
و بتخلى نافوخى يغلى
واحد مقعد ابنه على حجره و هو سايق
قال ايه علشان الولد يبقى مبسوط و ضحكته من الودن للودن
فرمله واحده شديده و الاب الى فرحان بأبنه هيبقى هو السبب فى المصيبه الى هاتجرى للولد بثقل جسمه مع دركسيون العربيه

فعلا انا لو كان بأيدى كنت حكمت عليه بالسجن بسبب الاهمال و عدم تحمل المسئوليه
او بالموت رميا بالبلغ (الجزم) فى ميدان عااااااااااااااااام :):):)

**MoToRiZeR** · 21-01-2008 03:51 AM

الغرز .. لسة واحد واخد غرزة من قدامي وقعت قلبي لأن انا كنت لسة بفكر في ساعتها اعدي من الاوتوبيس اللي جنبي و لولا اني اتأخرت ثانية كنا لبسنا في بعض و بطريقة عنيفة

و من الحاجات اللي بتضايقني برده اما يبقي الطريق واقف و تلاقي واحد من الحارة اللي جنبك حدف عليك ويمكن يجرحلك الاكصدام عشان بس يكسب اتنين سنتيمتر من الارض مع ان الطريق واقف اصلا ..

و سواقين الميكروباص طبعا لا تعليق .. بيقف وقت و مكان ما هوا عايز و يطلع وقت ماهو عايز برده

بس اكتر حاجة بتخنقني عموما في الشارع هي الزحمة ..انا اما بيبقي عندي مشوار ما بين الساعة 2 و الساعة9 بالليل بفكر الف مرة قبل ما انزل .. و طبعا دي اصلا اهم فترة في اليوم لذلك بقيت احصر مشوايري في الجامعة اللي بتخلص بدري .. ولو هخرج اخرج بعد 11 !

**Nasser** · 21-01-2008 04:13 AM

الأغبياء اللى بيخلوا المرايات الجانبيه مقفوله علشان خايفين عليها او شاطرين اكتر من اللزم
كأن الشركه اللى صنعت المريات الجانبيه حمير وهو اللى بيفهم

**hazem_khidr** · 21-01-2008 04:14 AM

اكتر حاجه تنرفزني
1. اي واحد راكب عربيه و لمبات الفرامل الخلفيه مش شغاله ياااااه بيبقي هاين عليا انزل اضربه.
2.شارع اتجاهين رايح جاي و تلاقي واحده واقف قدامك قابل واحد صاحبه بالصدفه قعدو يتكلمو مع بعض
3.الشوارع كلها مكسره كاننا في حاله حرب او دمار و الواحد بيفكر الف مره قبل ما ينزل
4.وحد ماسك الشمال و ماشي بالراحه و عمال يتكلم في التليفون(طب طالما انت مش بتعرف تتكلم و انت سايق بتعمل كده ليه و تعطل اللي وراك)
5.سواقين التاكسي و الميكروباص ما عدا فئه قليله محترمه منهم.بس دول الحمد لله بعرف اتعامل معاهم كويس و بعلمهم الادب .
بس كفايه كده:)

**Dr_Mido** · 21-01-2008 04:14 AM

بعيد عندكم فى الاسؤا كمان
واحدة ربنا يكرمها يارب ماشاء الله كانت راكبيه عربيه المفروض انها زيرو بس برضه للاسف واخدة مجموعه من الخبطات متتعملش فى عربيه بتاعه مدرسه سواقه
المهم الهانم ماشيه اقصى اليمين وجنبها تفرع يمين برضه وهى ماشا الله ملتزمه بالمرور وقواعدة ومشغله الاشارة يمين برضه
وبقدرة قادر جابت الشارع من يمينه لشماله ودخلت شمال مش يمين قمه فى الذكاء والعبقريه
:d:d:dمش هقول الشارع كله كان بيقول عليها ايه علشان عيب

تانى حاجه اللى بينزل يتعلم السواقه عز الضهر سواء فى عربيته او مدرسه مرور
والناس اللى فى الهرم عارفيين عربيات التعليم بتاعه احترس ممنوع الاقتراب
واقفين فى اشارة ممله بتاعه مشعل واشارة رزله وعايون نعدى قبل ميقفلها تانى
:dوالانسه ولا المدام مش عارفه تدور وتطلع والنتيجه الحجتميه اننا استننيا اما يفتح الاشارة تانى مع سواق تاكسى ابن حلال ركنلها العربيه عاى جنب وقلها روحى مواصلات احسن
انا مش ضد ان الواحد يتعلم فى الهرم او اى مكان
بس مش لازم تنزل الساعه 3 الضهر تتعلم تطلع اولانى فى شارع زحمه عيب قوى

ثالتا ارخم حاجه فى الدنيا العسكرى الذكى اللى بيكلبش عربيه علشان واقفه صف تالت دة بيدل على الذكاء انه كلبشها لا منه مشى الطريق ولا منه ساب صاحبها ياخدها ودى اكتر حاجه تغيظ بصراحه
:Dحصلت فى وسط البلد قبل كدة وصاحب العربيه فضل بتاع ربع ساعه يدور على حد يفكهاله

**أبو ياسين** · 21-01-2008 09:11 AM

بمناسبه سواقه الستات
واحده ست ماشيه بعربيه 128 و رايا و الطريق زحمه اصلا يعنى ماشيين على 20 بالكتير المهم الطريق وقف و انا شايفها من المرايا مش وخده بالها وطبعا حكيت فى الاكسدام
شوريتلى بايديها و انا عارف انها خبطه بسيطه منزلتش حته
و طبعا الطريق مشى و وقف تانى و طبعا خبططنى تانى
ركنت على جنب و عديتها و مشيت انا وراها خفت تخبطنى تانى
ودى مش اول مره تحصل حصلتلى قبل كده مرتين

الموضوع: ما هي اكثر أخطاء القيادة التي تستفزك في الشارع المصري

LinkBack

أدوات الموضوع

عرض

-

-

-

-

-

المواضيع المتشابهه

أخطاء يقع فيها مبتديء القيادة

أخطاء اثناء القيادة للمبتدئين

طرائف في الشارع المصري

في الشارع المصري

ما هو اكثر شئ مزعلكم من الشارع المصرى ؟

الكلمات الدلالية لهذا الموضوع

المفضلات

المفضلات

ضوابط المشاركة