طبعا الاخطاء اكتر من ان تحصي لكن اكثر شيء بيحرق دمي هو الناس اللي بتسوق بالليل وطافيه النور
آل يعني بيوفر
وفاكر انه طالما هو شايف من غير نور يبقي النور مالوش لازمة
طبعا الاخطاء اكتر من ان تحصي لكن اكثر شيء بيحرق دمي هو الناس اللي بتسوق بالليل وطافيه النور
آل يعني بيوفر
وفاكر انه طالما هو شايف من غير نور يبقي النور مالوش لازمة
انا اكتر حاجة بتشلنى هى السير فى عكس اتجاه الطريق
دى السفالة بعينها
انى ابقى ماشى على الطريق السريع خاصة الزراعى وييجى واحد من يمينى او شمالى ويحطلى كبوته امامى مرة واحده والمسافة لا تسمح يعنى بيجبرنى ادوس فرامل بس فى الحقيقه انا مبدوس وبكبس عليه وكمان ازنقه واوقفه واهزقه شويه وبعدين امشى .
حسبي الله و نعم الوكيل
فعلا انا مع حضرتك انا بشوف مهازل علي الصحراوي كل اسبوع
اخر مره حصل الله كنا خايفين منه
الباشا سايق بعربيه لوري
و محمل حموله خشب عامله زي الكرش باظه من كل اتجاه
و تقريبا مكتفي ان ساعته بتنور
و هيونداي اكسيل قديم هوبا طخ بم
فعلا من اكتر الحاجات اللي بتغيظني علي الطريق
ان واحد فى الحارة اللى جنبك يقف قدامة واحد يقوم ببساطة رامى عليك عشان يسلك نفسة بدل ما يقف
MMamdouh
ان في ناس في اليو تيرن لازم لما تيجي تلف تلف من نص الشارع ده حاجه مستفزه بغباوه
وكمان لما تلاقي السائق بيكلم اللي جنبه وعمال يشاور بأيده من الشباك
هو طبعا مش قاصده يشاور للسيارات اللي حوله لكن الكلام كان سخن شوية وكان بيحاول يمثل الموقف اللي بيحكية بالتفصيل
واللي حوله مش مهم...... يتحرقوا
هو الاخطاء اللى تنرفز كتير ... وفى شوارع مصر الاخطاء اكبر من انها تنرفز .. يعنى ممكن الواحد يتشل وهو سايق .. ده حتى فى اخطاء بتبقى جديده لانج وليها حقوق ملكيه فكريه فى مصر خد عندك:
1- الاتوبيسات والميكروباصات اللى "بتركن" فى نص الشارع (وساعات على الشمال) علشان تنزل الركاب
2- لورى مطفى النور على طريق سريع عشان فاتورة الكهرباء جاتله عاليه!!!
3- عربيه كارو توقف الشارع كله علشان الحمار بيتزحلق على الاسفلت وهو بيعدى من اقصى اليمين لاقصى الشمال
4- الباشا اللى يكسر عليك ببوز العربيه وانتو فى اشاره علشان يطلع قبلك
5- الناس اللى بتعدى اى طريق فى اى وقت من غير حتى ما يبصوا عليك ولما تفرمل مره واحده تتشتم لانهم مش عارفين انت "مستعجل على ايه ... وراك الديوان ياخى؟"
6- واحد راكن فى نص الشارع قدام تسيباس وسايب العربيه خالص والعسكرى لما قلتله قاللى معلهش اصل مافيش مكان يركن !!!! العسكرى نفسه كان مشغول بيطلع عربيه من الركنه وبياخد حسنته !!!!!!!!
7- غير طبعا حبايبنا بتوع التوك توك اللى ماسكين الشمال على طول وبيكسروا فى اى وقت لاى اتجاه
على فكره .. كل ده حصللى فى 10 ايام بس فى آخر اجازه جيت فيها مصر ... ومش عارف هانوصل لفين فى مصر بعد كده
لما تكون طالع كوبرى و تلاقى كلة راجع عليك بضهرة !!!!!
الشارع المصري كله يشل
أنا مشفتش حاجة صح خالص و بتاتا
و السواقة في مصر من أكتر الحاجات اللي مكرهاني في البلد
بس أكتر حاجة بتخنقني
الغرز و أصحابها قلالاة الأدب
و فعلا أنا بكره السواقة في مصر جدا و كرهت العربيات كمان بسبب الطريق المصري
أنا عندي حاجات كتير بس حقول بعضها مع العلم إن كلها بتكرر معايا يوميا :
1-أي واحدة سايقة في الشارع سواء غلطانة ولا لأ بتستفزني جدا
2-الناس الأغبية إلي بتركن على الشمال مرة والله كنت حعمل حادثة مميتة بسبب الموضوع ده بس ربنا ستر
3-الناس إلي ماشيين براحة على الشمال وآجي أكبسلهم ميرضوش يعدوني برضه
4-سواق الميكروباص إلي أول مايشوف زبون يجي من أقصى الشمال لأقصى اليمين وللأسف هي دي مشكلة الحشيش
5-طبعا زي ماذكرتو الشاحنات إلي بتمشي من غير نور خصوصا على الطرق السريعة
6- الستات إلي بيلفوا من غير إشارة وللأسف نسبتهم 100%
7-الناس إلي بتعدي الشارع بدون مبالاة ومرة خبط ست بسبب الموضوع بس كنت فرملت شوية
8- الستات إلي بيمشوا يطوحوا في الشارع
9- سواقين التاكسي إلي بيعدوا 20 زبون وبرضه مابيركبوش حد
10-إلي شاري باجيرو ب 600 ألف وفرحان ميعرفش إنه دافع ثلاث أرباع المبلغ جمارك
11-إلي يعمل يوترن وبدل مايمشي بعد اللفة يقعد يتسارع نص ساعة عشان يوصل لسرعة 60 ويكون عطل جيش وراه
12- طولت لسان الشعب المصري
13- أما يكون يوترن إتجاه واحد ويجي واحد بالعكس عشان يوفر مسافة
14-الناس البيئة إلي بتشتري عربيات نضيفة ويظبتوها تزبيط ميكروباصي ويخلوا شكلها أعفن من ال 128 مع إحترامي لأصحابها
15-سواقين الميكروباص إلي عشان يوفرو وقت يلفوا من أقصى اليمين
16-الناس إلي بيمشوا براحة جدا في نص الشارع وقافلينة ومش عارف أعدي منهم
17- الستات إلي بيقطوا الطرق الفرعية للرئيسة من غير مايشوفوا فاضي ولا لأ
الترلات ثم الترلات فى الصرق السريعة و بيمشو على الشمال ببطا
اللى بيغرز من اليمين
مفيش حد عندة صبر و اياكش يولع
بصراحة يا أخت علا الرجالة والستات بيعملو اخطاء تفرس لكن نسبة الستات اكتر بكتيييييير
طب خد دي .. البلد الوحيده اللي النقل يلزم : اليمين .. و الشمال .. و منتصف الطريق .. و فوق العربيات كمان :d
انا اكتر حاجة بتشلنى لما واحد يكسر عليه و يلبسنى فى مطب على الطريق
بصراحة لو وقع تحت أيدى ساعتها حفرمه
و لا تعليق على سواقه الستات!!!!!!!!!!
الناس اللى بتعدى الشارع من غير متبص و تتخبط و الناس كلها تتعاطف معاها و تطلعك غلطان
مرة خبط واحد راكب عجله الشارع كله قعد يشتم فيا اللى شاف و اللى مشافش
و يقعدو يحللو الحادثه و هم و لا شافو حاجه دى اكتر حاجه مقرفه
............
لا انا اقولكم حاجه جديده من الناس مش من العربيات انك تبقى ماشى على سرعتك مع العربيات الى حوليك وباش مهندس معدى الشارع ميستناش لا هو بيعدى ملهوش دعوه بالعربيات
هو بس بيرفع ايده ويعدى وكانه بيقولك وقف ياعم (ده على اساس انه بيلعب جيم)
هو انا مش معدى وقفوا انتوا بقى وبكل برود ومتلقيش حل غير انك تفرمل وساعتها
ممكن الى وراك لو منتبهش يلبس فيك الحل التانى وهو العملى انك تشيله
اما عن قياده النساء للسيارات فحدث ولا حرج انا اول ما اتعلمت سواقه
التحذير الاول كان خلى بالك من سواقين الاتوبيسات وقبلهم الستات
اكتر حاجه بتخنقني
ياااه ده كل حاجه
شوارع مكسره
عساكر مرور لا تعليق
الناس اللي في شارع بيتمشو في نص الطريق
التوكتوك ربنا يخده
وسواقين الميكروبصات والغرز اللي بيعملوها
سواقين الاتوبيسات البلطجه...ولما يبقي واقف بيحمل وميمشيش من المحطه غير لما ياخد شماله وملوش دعوه بالي جي من وره
ان اتخنقت مش هكتب حاجه تاني
انا اكتر حاجة بتغيظنى ببساطة فهلوة المصريين
لما يكون كوبرى اكتوبر واقف او اى كوبرى والاقى عربيه راجعه بظهرها ونازلة من الكوبرى عشان زحمه طيب ازااااااااااااااى يعنى تعمل كده بالذمه مش احنا اللى دهنا الهوا دوكو اكيد احنا مادام بنعمل كده
انا مش هاينفع بصراحه اقول اي اللي بيضايقني....
لأن ببساطه مش هيكفيني صفحه علي الاقل اكتب فيها...
بس ليه تعليق و ياريت استاذ توت ما يزعلش مني.....
انك بتشتم دايما و بالاخص اللي بياخدوا غرز......
و انا هقولك انا باااااااااااااخد غرز......
يمكن في الاول كنت لسه جايب العربيه و مقضيها هبل شويه.....
بس دلوقتي نادر لما باخد غرز غير لما اكون متاخر جدااااااااا.....او في ناس شللل قدامي
يعني بصراحه لو هنتكلم علي الناس البتجيب الضغط في الشارع.....يبقي لازم اخد غرز منهم....
يعني مايكونش اتنين ما يتقلش عليهم غير بهايم....و احد ماشي علي الشمال و الزفت التاني ماشي في النص...
و اللاتنين بيتمختاروا......و طززززززززززز في اللي وراهم.....و يكون الشارع فاضي قدامهم ..
و توعد تعمل كلاكسات و رعاش وولا حد هنا.......
بعدين تقولي اللي بياخدوا غرز قلالات الادب......
يعني اروح يتنا في ساعه بدل و اخدها في تلت ساعه علشان ما اكونش قليل الادب!!!!!!!!!!!!!!!!!!!!!!!!!!!!!!!!!!!!!!!! !!
و الله انا يمكن اجيلي الضغط قريب....من اللي بشوفوا....دانا بقيت كل مانا سايق ببقي هشد في شعري
انا اكتر حاجه فعلا بتحرق دمى
و بتخلى نافوخى يغلى
واحد مقعد ابنه على حجره و هو سايق
قال ايه علشان الولد يبقى مبسوط و ضحكته من الودن للودن
فرمله واحده شديده و الاب الى فرحان بأبنه هيبقى هو السبب فى المصيبه الى هاتجرى للولد بثقل جسمه مع دركسيون العربيه
فعلا انا لو كان بأيدى كنت حكمت عليه بالسجن بسبب الاهمال و عدم تحمل المسئوليه
او بالموت رميا بالبلغ (الجزم) فى ميدان عااااااااااااااااام :):):)
الغرز .. لسة واحد واخد غرزة من قدامي وقعت قلبي لأن انا كنت لسة بفكر في ساعتها اعدي من الاوتوبيس اللي جنبي و لولا اني اتأخرت ثانية كنا لبسنا في بعض و بطريقة عنيفة
و من الحاجات اللي بتضايقني برده اما يبقي الطريق واقف و تلاقي واحد من الحارة اللي جنبك حدف عليك ويمكن يجرحلك الاكصدام عشان بس يكسب اتنين سنتيمتر من الارض مع ان الطريق واقف اصلا ..
و سواقين الميكروباص طبعا لا تعليق .. بيقف وقت و مكان ما هوا عايز و يطلع وقت ماهو عايز برده
بس اكتر حاجة بتخنقني عموما في الشارع هي الزحمة ..انا اما بيبقي عندي مشوار ما بين الساعة 2 و الساعة9 بالليل بفكر الف مرة قبل ما انزل .. و طبعا دي اصلا اهم فترة في اليوم لذلك بقيت احصر مشوايري في الجامعة اللي بتخلص بدري .. ولو هخرج اخرج بعد 11 !
الأغبياء اللى بيخلوا المرايات الجانبيه مقفوله علشان خايفين عليها او شاطرين اكتر من اللزم
كأن الشركه اللى صنعت المريات الجانبيه حمير وهو اللى بيفهم
اكتر حاجه تنرفزني
1. اي واحد راكب عربيه و لمبات الفرامل الخلفيه مش شغاله ياااااه بيبقي هاين عليا انزل اضربه.
2.شارع اتجاهين رايح جاي و تلاقي واحده واقف قدامك قابل واحد صاحبه بالصدفه قعدو يتكلمو مع بعض
3.الشوارع كلها مكسره كاننا في حاله حرب او دمار و الواحد بيفكر الف مره قبل ما ينزل
4.وحد ماسك الشمال و ماشي بالراحه و عمال يتكلم في التليفون(طب طالما انت مش بتعرف تتكلم و انت سايق بتعمل كده ليه و تعطل اللي وراك)
5.سواقين التاكسي و الميكروباص ما عدا فئه قليله محترمه منهم.بس دول الحمد لله بعرف اتعامل معاهم كويس و بعلمهم الادب .
بس كفايه كده:)
بعيد عندكم فى الاسؤا كمان
واحدة ربنا يكرمها يارب ماشاء الله كانت راكبيه عربيه المفروض انها زيرو بس برضه للاسف واخدة مجموعه من الخبطات متتعملش فى عربيه بتاعه مدرسه سواقه
المهم الهانم ماشيه اقصى اليمين وجنبها تفرع يمين برضه وهى ماشا الله ملتزمه بالمرور وقواعدة ومشغله الاشارة يمين برضه
وبقدرة قادر جابت الشارع من يمينه لشماله ودخلت شمال مش يمين قمه فى الذكاء والعبقريه
:d:d:dمش هقول الشارع كله كان بيقول عليها ايه علشان عيب
تانى حاجه اللى بينزل يتعلم السواقه عز الضهر سواء فى عربيته او مدرسه مرور
والناس اللى فى الهرم عارفيين عربيات التعليم بتاعه احترس ممنوع الاقتراب
واقفين فى اشارة ممله بتاعه مشعل واشارة رزله وعايون نعدى قبل ميقفلها تانى
:dوالانسه ولا المدام مش عارفه تدور وتطلع والنتيجه الحجتميه اننا استننيا اما يفتح الاشارة تانى مع سواق تاكسى ابن حلال ركنلها العربيه عاى جنب وقلها روحى مواصلات احسن
انا مش ضد ان الواحد يتعلم فى الهرم او اى مكان
بس مش لازم تنزل الساعه 3 الضهر تتعلم تطلع اولانى فى شارع زحمه عيب قوى
ثالتا ارخم حاجه فى الدنيا العسكرى الذكى اللى بيكلبش عربيه علشان واقفه صف تالت دة بيدل على الذكاء انه كلبشها لا منه مشى الطريق ولا منه ساب صاحبها ياخدها ودى اكتر حاجه تغيظ بصراحه
:Dحصلت فى وسط البلد قبل كدة وصاحب العربيه فضل بتاع ربع ساعه يدور على حد يفكهاله
بمناسبه سواقه الستات
واحده ست ماشيه بعربيه 128 و رايا و الطريق زحمه اصلا يعنى ماشيين على 20 بالكتير المهم الطريق وقف و انا شايفها من المرايا مش وخده بالها وطبعا حكيت فى الاكسدام
شوريتلى بايديها و انا عارف انها خبطه بسيطه منزلتش حته
و طبعا الطريق مشى و وقف تانى و طبعا خبططنى تانى
ركنت على جنب و عديتها و مشيت انا وراها خفت تخبطنى تانى
ودى مش اول مره تحصل حصلتلى قبل كده مرتين
بص، انت تشوفلك عقد عمل فى السعودية هتنبسط أوى
يا عم الستات مضايقينك فى ايه بس، يعنى غلطانة وفهمناها، لكن لو مش غلطانة تستفزك ليه؟
الست اللى بتسوق بتحل مشاكل كتير جدا فى بيتها،وبتشيل هم كتير جدا عن زوجها او ابوها، لكن الرك فى الأول وفى الآخر على اللى علمها علمها إزاى
اكتر ما يستفزني فعلا سواقة التريلات على الشمال سواء بسرعات عالية او متوسطة
خاصة لما يكونوا اتنين وبيشدوا مع بعض
تحس ان التهريج فيه غباوة
ولما تقلبلهم نور او كلاكس وما ادراكم ما كلاكس الكرولا (اكتر كلاكس مزعج في فئة العربيات الجديدة)
ولا حياة لمن تنادي
اخرها امبارح قادتني الظروف لزيارة عائلية في اخر شارع الهرم
من بيتي في اخر جسر السويس مسافة حوالي 50 كم
قررت اطلع ناصح واخد الدائري-فعلا الطريق زي الفل وواسع و4 حارات بس الاربعة تلاتة منهم تريلات
فضلت متمالك اعصابي لحد ما واحد من اللي بيجري على الدائري بسرعة 120 وعلى الشمال بهدلي العربية الزلط الصغير
وكانت القشة
جبتة من اليمين وطلعت قدامة ومن عند كارفور تقريبا لحد منزل البحر الاعظم وانا مروقة ومضحك علية الطريق كله
لا عارف يطلع من اليمين ولا من الشمال لحد ما لم نفسه وجاب ورا لاني كنت ممشية 60
فعلا بقت بلد السواقة فيها مغامرة وانك تروح بيتكم كانك رجعت من معركة حربية
تعليق صغير علي الناس اللي بتمشي عكس..
المصيبة لما تلاقي واحد ماشي عكس.. وكمان منور النور في وشك..
والله انا بانور النور العالي وبافضل ضاربه في وشه لحد ما يمشي من قدامي..
والحاجة الجديدة اللي منتشرة بعبط في المقطم للناس اللي ساكنة هناك هتلاقيهم بيشدوا في شعرهم منها ..
العربيات اللي بتلف في اليو ترن الغلط.. يعني مش بتاعته.. بيلف في بتاعت الاتجاه التاني..
دي انا باموت منها بصراحة.. مش باقدر امسك نفسي عن الشتيمة..
ربنا يعافينا..
لإن غير أغلاطهم إلي متعودين عليها, أكتر من مرة كنت على حافة الموت وربنا نجاي بأعجوبة كنت ماشي على المحور بسرعة 120 على الشمال وسرحت لمدة ثانيتن (طبعا لإني على الشمال ومش متوقع أي حاجة) وفجأة أفاجأ بسيدة ركنة عربيتها على الشمال وعديتها بالعافية ومرة تنايه ماشي في صلاح سالم وألقى واحدة بترجع بعربيتها في نص الشارع وكنت حلبس بس عدت على خير وغيره وغيره إلخ.... ولزلك جتلي عقدة من سواقت الستات والبنات
الستات بتسوق بنفس مفهوم مشيهم على رجليهم فى مول تجارى... ممكن تقف فى اى وقت عشان تبص على جزمة و تلف الناحية التناية عشان فيه فستان عجبها و مفيش مشاكل... انا مراتى كانت فاكرانى بتحامل على الستات بس بعد ما ركبت معايا كام مشوار كدة اقتنعت بكلامى
مرة كنت ماشى على الدائرى على 90 و لقيت تريللا بتقلبلى نور و اول ما مسكت يمين طلع منى زى الصاروخ و مشوفتوش تانى (انا كنت ماشى 90 خلال كل القصة دى)
و انا رايح للمحامى من اسبوعين لقيت واحد واقف فى نص صلاح سالم قبل مطلع كوبرى الفردوس... الراجل مش بيعدى لكن واااااقف فى نص الشارع
ساعات كتير شارع اتجاهين تلاقى واحد داخل عكس فى الحارة بتاعتك و ساعات بيزل لو موستعتلوش
و التكسجى اللى يمشى يحسس على الطريق عشان يدور على زبون... و لو راكب معاه زبون يبقى عايز يطير من فوقك و يا سلام لو هدى بس عشان يسمع الزبون و انت حاولت تعدية و طلع الزبون مش على هوى الباشا السواق... تلاقية مصر يقفل عليك برضة ولا اكنك راكب تاكس زيه و ختاخد الزباين منه
سواقين الفزب و خاصة بتوع الدلفرى
بصراحة يا جماعة الاجانب قالوها حكمة: قود سيارتك بطريقة دفاعية
drive defensivly
http://www.bumpertalk.com/bt/images/items/BC135A.jpg
MMamdouh
هع هع .. درايف ديفنسيقلي ... تحت شعار ... "السواقه .. بالدراع "
ما ورد في هذا الموضوع مرعب لي لأقصى درجة :eek:
اما انتوا العتاولة في السواقة بتعانوا المعاناة دي.. امال انا لما آجي أسوق هاعمل ايييييييييييييييه؟ و هتعامل مع الأنماط الغريبة من البلطجة المرورية دي ازااااااااااااااي؟ :eek:
اكتر حاجات مقرفة هي عدم فهم الاشارات يعني مثلا كنت مرة بلف شمالو طبعا رجاي على الفرامل من بدري عشان اهدي و مدي اشارة يعني تقريبا كل الاشارات الخلفية منورة جة افندي من ضهري و هوب فرملة تسمع لجنوب سينا و نازل بيزعق فكان لازم افهمة الفارق بين الانسان و القرد ....................واحد تاني النهاردة على طريق المنصورة دمياط و بيلف بس من اقصى اليمين لاقصى الشمال و انا في الشمال جاي على 140كم وكالاكسات ولكن لاحياة لمن تنادي و ربنا سلم بالعافية
بص يا سيدى او حاجة تبقا ماشى وفجأة تلاقى واحد طلع وماشى فى نص الشارع وتديلو
كلاكسات وهو ولا هو هنا والرصيف اليمين والشمال موجود تقريبا المفروض اننا نمشى
عليه بالعربية مش الناس
وساعات تلاقى واحدة سايقة العربية وسرحانة وماشية واحدة واحدة وبتبص على المحلات ومعطلة
الطريق واللى يخنقك اكتر التاكسى والمينى باصات تلاقى المينى باص فجأة يكسر عليك علشان
يقف وتديلو فى كلاكسات ولا هو هنا اما التاكسى يروح واقف فجأة فى اى مكان ولما تكلمو يقولك فى ايه
نسيت اقول على الكارو يبقى ماشي باسلوب غير ادمي مخالف او سادد الشارع تيجي تديلة كالاكس يبصلك بكل احتقار ويشاور بايدة الشمال ويقولك عدي يا بية تبص تلاقية سايبلك متر على شمالة تعدي منة ولا النص نقل مرة كنت معدي بجوار سوق خضار وعربيتين سادين الطريق كالاكسات قام واحد خنيق قالي ربع ساعة و هنخلص يا بية ...........................يا عم اقفل الموضوع دة انا جالي ضغط