الموضوع: سعر لوجان الأصلي بعد عبورها الجمارك المصرية تخيل حجم المكاسب!!!

المشاركة الأصلية كتبت بواسطة ahlsonah

السلام عليكم ورحمة الله وبركاته
جاء في ملحق السيارات أخبار اليوم السبت 10\4\2010
في عدد السيارات المفرج عنها في الجمارك المصرية خلال فبراير 2010 في قسم الرينو أن 569 سيارة لوجان دخلت الأراضي المصرية عبر الجمارك قيمتهم 23 مليون و 447 ألف و 784 جنيها مصريا لا غير وطبعا لا جمارك عليها بموجب إتفاقيت أغادير.
فلو حسبنا سعر السيارة الواحدة منهم يكون تقريبا 41,210 جنيها مصريا
فتخيل حجم المكاسب التي يحصل عليها التوكيل أنا أرى أنه مبالغ فيها جدا جدا
و طبعا هذه السيارات التي عبرت يوجد منها البيسك و الهاف و الفول أوبشن يعني ليس كلها بيسك
فحتى لو قيل أن هذا من غير الضريبة ال 15% و مصاريف أخرى فالمكسب مبالغ فيه أيضا

يعني 41 الف

بعد 15% ضريبة تبقى 47.4

بعد 3% رسم تنمية تبقى 49 تقريبا

اما هما يبقوا كسبانين 19 الف جنيه حضرتك مستكترهم؟

طيب و يصرف منين شحن و تفريغ و نقل و مخازن و تريلات و سواقين و اعلانات و اراض بالفدادين لمراكز الصيانة و معدات بالملايين لمركز الصيانة و موظفين تسويق و مبيعات و مهندسين و محاسبين و غيره

ده التاجر اللي بيبيع لك عربية خليجي من غير لا ضمان و لا غيره بيبقى كسبان كده و اكتر كمان و الا كان يقفل المحل اصلا !!!!!

المشاركة الأصلية كتبت بواسطة most_h

على أعتبار ان 569 عربية دولا جميع فئات اللوجان

متوسط سعر السيارة طبقا للحسابات دة 41,210

وبحساب متوسط فئات اللوجان هنا يطلع السعر 83,572

مش شيفين ان المتوسط عالى شوية؟

حضرتك ازاي حسبت المتوسط 83 الف؟ يعني المتوسط اعلى من اغلى فئة ازاي؟

68 الف (فول) + 64 الف (هاف) + 60 الف (بيزيك) = 192

على 3 = 64 ..... يعني المتوسط هنا 64 الف ..... و متوسط السعر بتاع العربيات المستوردة 41 الف .....

مع العلم ان المتوسط مش حسبة دقيقة لان اصلا ممكن الشحنة المفرج عنها كان اغلبيتها مثلا فول مش هاف و لا بيزيك !

المشاركة الأصلية كتبت بواسطة amrdiab

ربنا يبارك لهم هما باعوا واحنا اشترينا وكله بامر الله

بالظبط ...... محدش ضرب حد على ايده ..... و هو لازم يكسب هو مش فاتحها سبيل و لا جمعية خيرية ..... مش عارف الناس ليه مش فاهمة فقه البيع