هو سعر الحالات النظيفة اعتقد يبدأ من 58 و 60 ألف بس لو هتجيب حاجه نظيفة وهتدفع فيها زيادة شويه ليك مانصحكش تبيعها بعد فترة قريبة خصوصاً بعد ماتكون صرفت عليها عشان أكيد مش هتجيب اللى دفعته يعنى لو ناوى تخليها معك لمدة كذا سنه يبقى تمام وفي الأخر سعرها هيكون موقعش كثير لو حبيت تبيع، ولو ربنا كرمك بحالة كويسة هتحس انك راكب عربية موديل حديث ومش هتفكر تبيعها غير لو هتركب زيرو مثلاً وبالتوفيق يا باشااقتباس:
المشاركة الأصلية كتبت بواسطة houbaz
و انا مش قصدي اقولك علي السوبارو علي فكره ابدا ... انا بقولك في حاحاجات كثير في حدودالمبلغ ده يعني فتح شويه جال البحث ممكن تلاقيي حاجه افضل .. ( علي فكره انا كنت اول ما فكرت اركب كنت بفكر في السيفيك 92 الي ان استقريت علي السوبارو بعد بحث )
كلام جميل كلام معقول مقدرش اقول عليه حاجة :) متشكر اوى يا باشا على تعبك معايا، و ان شاء الله لما اشوف العربية اجى احكيلكم على التجربة و ربنا يكرم..اقتباس:
المشاركة الأصلية كتبت بواسطة m_nabil
يا باشا هوا انا اطول اركب سوبارو :) متشكر لاهتمامك و فعلا لو ما لقيتش هوندا حالتها نضيفة و فى نفس الوقت سعرها معقول هفتح مجال البحث..اقتباس:
المشاركة الأصلية كتبت بواسطة kazzaz
سؤال فنى يا رجالة، ال vtec اللى فى موديل ال vti بيفتح عند كام لفة.. و هل بيفرق فى سحب العربية زى ال SiR؟ يعنى العربية بتتحول ولا مش اوى كده، واحد صاحبى كان بيقولى كأنه SiR صغير :)
و ياريت لو حد عارف كود الموتور يقول، عشان على النت فى كذا كود و مواصفتهم قريبة من بعد زى d16z7 و d16y8 و انا معرفش اللى بتنزل مصر بتنزل بايه فيهم..
بعد ما دورت على النت، لقيت ال vtec بيفتح على 5500 rpm، و هو فعلا baby SiR :)
كلام سليم واللى بتنزل في مصر بيكون كود المكنة D16y6 هو نفسه الـ D16y8
انا اتفرجت على العربية امبارح، هيا شكلها نضيف من بره والصالون حالته ممتازة بفرش الفابريكا، بس الموتور كان فى صوت زنة كده زى ما يكون جايب بنز الله اعلم بس ما استريحتلوش و تغيير لونها الاصلى من زيتى ل فضى معجبنيش برضه.. صاحبها كان ماسك فى 65 قلتله دا بعيد اوى عن سعر السوق قالى اخرها 64، قلتله برضه بعيد و اتكلت على الله.. و مازال البحث مستمرا..