بعد تركيب رشاشات الأكسنت

**popahly** · 15-04-2010 04:51 PM

السلام عليكم ورحمة الله وبركاته تحيه طيبة لأخوانا المحترمين اللى قسم الدايو

عندى مشكلة كدا حبيت اخد رأيكم فيها،،، بعد مركبت رشاشات الأكسنت عند محمد عبده العربية بسم الله ما شاء الله اتظبطت وبقت تمام وجربت السحب بقى زى الفل بس فيه حاجة ساعات بتحصل اما اكبس شوية بنزين جامد بحس ان العربية سحبت وتخنق مرة واحدة مش عارف ايه السبب كنت متوقع انها تكون بوجيهات علشان مكنتش غيرت البوجيهات بعد الرشاشات الاكسنت وطلعت مهببة كدا وركبت الجداد وبرضوا نفس العملية موجودة فدا ممكن يكون عيب رشاشات ولا ايه مع انها بتدور من أول تكة ومفيش ريحة بنزين نى ولا حاجة زى زمان فى الرشاشات القديمة،، وللعلم لسه كنت مغير فلتر بنزين...
أرجوا المساعدة وشكرا

**dr.hany** · 15-04-2010 07:20 PM

يمكن تكون الرشاشات عاوزه تتنضف

استعمل منظف الرشاشات كده

**popahly** · 15-04-2010 07:38 PM

المشاركة الأصلية كتبت بواسطة dr.hany

يمكن تكون الرشاشات عاوزه تتنضف

استعمل منظف الرشاشات كده

والله يا دكتور اول حاجة عملتها بعد ما اكتشفت الموضوع دا حطيت المنظف على تفويلة ولسه لحد دلوقتى ممونتش من بعدها بس التانك خلاص قرب

**MMamdouh** · 15-04-2010 07:48 PM

اعتقد دة طبيعى مع رشاشات الاكسنت... معظم اللى ركبوها قالوا ان فيه خنقة مع الضغط المفاجىء للبنزين

MMamdouh

**memoo305** · 15-04-2010 10:16 PM

المشاركة الأصلية كتبت بواسطة mmamdouh

اعتقد دة طبيعى مع رشاشات الاكسنت... معظم اللى ركبوها قالوا ان فيه خنقة مع الضغط المفاجىء للبنزين

mmamdouh

+11111111111111111

**popahly** · 16-04-2010 01:21 AM

المشاركة الأصلية كتبت بواسطة mmamdouh

اعتقد دة طبيعى مع رشاشات الاكسنت... معظم اللى ركبوها قالوا ان فيه خنقة مع الضغط المفاجىء للبنزين

mmamdouh

بص يا جنرال هى مش بتحصل معايا بإستمرار طبعا دى بصورة متقطعة لأنى مبفركش بالعربية جامد ولا بقرص عليها ولا بحرق بس انا ساعات اما بكون طالع من زحمة جامدة وفى خرم ابرة فاضى بحاول اقرص فيه علشان اخلع من الزحمة وساعتها بتحصل الخنقة دى انما كسحب العربية الحمد لله فرقت كتير عن الرشاشات القديمة

المشاركة الأصلية كتبت بواسطة dr.hany

بالمناسبة.....بتعمل مع حضرتك كام فى الصفيحه

عشان اقارن بالرشاشات اللى معايا. اكسنت برضه

بص يا دكترة هو انا الصراحة معرفتش احسبها لانى مسافرتش بيها خالص قبل كدا وبعدين انا مشاويرى كلها داخل المدينة فصعب انى احكم على استهلاك البنزين بس فى الغالب انا بقدر البنزين اللى بستهلكه مع كل تفويلة ياعنى على قدر مشاويرى القليلة والثابتة يومياُ الاستهلاك فرق للأحسن طبعا ومثلا انا كنت بفول وبتقعد معايا حوالى ثلاث اسابيع كدا دلوقتى على نفس القدر من المشاوير دى بقيت امون بعد حوالى ثلاث اسابيع وكام يوم زيادة ياعنى دا على قدر علمى ياعنى انا الصراحة مبعرفش احسب استهلاك البنزين الا طبعا اما اضرب بيها مشوار سفر واحكم.

**mahdyez** · 16-04-2010 02:07 AM

الموضوع فعلا بيحصل معايا بالظبط هل دة علشان رشاشات استيراد طيب لو رشاشات اكسنت جديدة هل تعمل كده

**popahly** · 16-04-2010 02:40 AM

المشاركة الأصلية كتبت بواسطة mahdyez

الموضوع فعلا بيحصل معايا بالظبط هل دة علشان رشاشات استيراد طيب لو رشاشات اكسنت جديدة هل تعمل كده

برضوا عندك كدا يا اخ مهدى رشاشات اكسنت ونفس الموضوع؟

طيب الدكتور هانى لسه كان مركبهم ياترى ايه الوضع معاك ؟

**m_arazik** · 16-04-2010 11:32 AM

البوجيهات مهببه ده ممكن يكون حساس شكمان بايظ .. شيك عليه كده وشوف

-

الموضوع: بعد تركيب رشاشات الأكسنت

LinkBack

أدوات الموضوع

عرض

بعد تركيب رشاشات الأكسنت - انشر الموضوع فى :

-

-

-

-

-

-

-

المواضيع المتشابهه

خاص بملاك الأكسنت

اخر التطورات بعد تركيب (رشاشات الاكسنت)

سعر الأكسنت

سعر رشاشات الأكسنت الا صلي1500 أرجو النصيحة

سعر رشاشات الأكسنت الا صلي1500 أرجو النصيحة

الكلمات الدلالية لهذا الموضوع

المفضلات

المفضلات

ضوابط المشاركة