خلاص مسافر

**Ahmed Anwer** · 20-01-2008 07:26 PM

تروح و ترجعلنا بألف سلامة يا أ/ إسلام ‘‘

حضرتك من الناس المحترمين اللي الواحد سعد بمعرفتهم ، حتي لو فترة بسيطة ،،،

و قطر فعلآ بلد جميلة ،،

أنا مع الرأي إنك تبيع بعد ماتتأكد من استقرارك هناك ،، بعد شهر أو إثنين ،،،

بصراحة مش شايف فايدة من فلوس مركونة في الجراج ،،

أنتا أولي بيها تستخدمها في حاجة مفيدة تشتري عقارات أو ما شابه ،،

العربيات خسارة علي طول ،، الفلوس احسن منها ،،

و اللانسر ماشاء الله بياعة ( أمال ايه لازمة الجنية الدهب ؟؟ ) و مابتخسرش

بدلآ من شيل همها في الغربة

**إسلام شاهين** · 20-01-2008 07:28 PM

والله يا جماعه أنا عنيا بدمع وأنا عمال أقرأ الردود الجميلة ديه كلها بس يالله كل شيء قسمة ونصيب ومقدر ومكتوب .

أنا فعلا مش ميال لموضوع بيع العربية ده بس واضح برضه إن الرفع غلبة وكده يعني

طيب أنا كنت فكرت في حل تاني وهو :- أخو المدام ساكن في الرحاب ومعاه عربيته ( مش محتاج يعني ) فكرت إني أسيبها عنده على أساس إنه كل أسبوع بالضبط ياخده مشوار حلو رايح جاي ويخلي باله من الصيانات وكده برضه بدال لما أرفع والشغلانه ديه فإيه رأيكوا برضه ؟
ومن ناحية الأمانة هو مايتوصاش يعني مش هبقى قلقان إنها بتعمل مشاوير وكده فهل ده أحسن من الرفع ولا برضه أرفع ؟

**Nader** · 20-01-2008 07:34 PM

لا الحل بتاعك دة يا اسلام طبعاً فضل من الرفع بما انك واثق من الشخص اللي هتسيب العربية معاة. بس المهم متتسبش اسبوعين تلاتة من غير ما تدور العربية.

**ahm177** · 20-01-2008 08:00 PM

خلاص اتوكل على الله ووديها عندة

و ربنا المستعان و تروح و تيجى بالسلامة و سنة كدة و احصلك

**ahmed1981** · 20-01-2008 08:24 PM

ربنا يختارلك الخير
ومتنساش صلاة الإستخارة وصلاة الحاجة ومشورة أهل العلم والدين والوالدين
وترجع بألف سلامة

ولو فيه واحد أمين يقدر يعمل بعربيتك مشوارين في الاسبوع وتشتري كلبش للدركسيون يبقى يكلبش بيه العربية يبقى أفضل من رفعها والله أعلم

**ahmed** · 20-01-2008 08:25 PM

تروح وترجع بالسلامة يا اسلام بيك
وانا بعتقد انك بلاش تبيع العربيه يستحسن انك ترفع السيارة لان حضرتك بتنزل شهر فى السنة فبدل ما تلجا للايجار ومشاكلة يبقى عندك عربيتك وبرحتك
تانى حاجه فى الغالب مدة الاعارة اربع سنين وهاترجع فالسيارة هاتكون لسه بحالتها ومش قديمة فخسارة تتباع

على فكرة انا زميلك فى المجلس بس لسه مندوب صغر
ربنا معاك ويقويك على الغربة ويرجعك بالسلامة ان شاء الله ولو احتجت حاجه من المجلس انا موجود

**حماده عزو** · 20-01-2008 08:25 PM

يا باشا أولا تروح وترجع بألف سلامه سالم غانم أن شاء الله
وبالنسبه للعربيه من رأى أنك يا باشا ترفعها علشان متشلش همها وانتا فى الغربه
ومحدش ضامن العربيه وهيا وقفه فى الشارع ممكن يحصلها أيه ............... !

**Hassan Khalil** · 20-01-2008 08:39 PM

تروح و تيجي بالف سلامة و في امان الله و رعايته يا استاذ اسلام ..
طبعا كان نفسي اتعرف علي حضرتك عن قرب قبل ما تسافر بس الظاهر ماليش نصيب ..الحمد لله علي كل حال ..
ربنا يقدر لك كل الخير في سفرك ..و يحقق لك كل ما تتمناه ..

بالنسبة للعربية ..لن ازيد حرفا عما قاله الزملاء الافاضل ..لانهم قالوا كل شئ ..و يبقي لك الاختيار بما يتناسب مع مصلحتك ورؤيتك .

نستودعك الله دينك و امانتك و خواتيم اعمالك ..و تروح و ترجعلنا بالف سلامة

20-01-2008 08:41 PM

تسافر بالسلامه أستاذ اسلام
و ان شاء الله تكون فاتحه خير عليك و كان ليا اصدقاء كتير فى قطر بصراحه مبسوطين و بيقولوا بلد جميله و الناس هناك كويسين .
ان شاء الله تنبسط و متحسش بأى غربه.

و يا ريت لو تسمح لى برأى :
انا بصراحه مع رأى بيع العربيه - هى نوعها ايه و موديل كام؟
ركنه العربيه و لو ليومين بيبوزها و رفعها زى محضرتك قلت غلبه و حتدفع فلوس جراج مش اقل من 200 ج فى الشهر و حترجع ان شاء الله حتلاقى انك محتاج تعمل شغل كتير علشان ترجعها للحياه بعد فتره السبات العميق
و نفترض انك حتكمل لسنتين او 3
فلما حترجع بعد سنه ساعتها حتفكر فى البيع و ترجع تقول ياريتنى بعتها من قبل ما اسافر اهى موديلها قدم سنه و سعرها قل كمان
و لما ترجع ان شاء الله ممكن تفكيرك يتغير و ان شاء الله تشترى موديل و ماركه احسن

طبعا تلائيك دلوقتى بتقول انتى بترغى فى ايه ما انا خلاص حركنها عند اخو المدام
ارجووووووووووك بلاش
بس نصيحه لو عايز تحافظ على صداقه و حب شخص متدخلش الماديات
انت بتقول هو مش محتاج و امين
و حيخرج بيها مشاوير كل اسبوع
طب و ليه و فى الاخر حتلاقى ان كل مشاويره اصبحت بسيارتك و هو يا باع عربيته يا أجرها
و نفترض و بعد الشر و لسوء الحظ انها مركونه فى الشاره تحت بيته و اتخبطت
و الله لو حلف لك انها كانت مركونه و اتخبطت مش حتصدقه
متبعها بحالتها و هى تحت ايدك احسن
و خلى بالك لما حترجع ان شاء الله و تسوقها حتحس انها خلاص مبقتش بتاعتك
اولا قدمت - ثانيا اتغيرت و اتعودت العربيه على اسلوبه و نظافته و سواقته

من الاخر علشان ارهقتك معايا فى حلين
الاول : بيعها بس ممكن يكون البيع بعد شهرين او 3 من سفرك بحيث تكون اطمنت انك ارتحت فى وظيفتك و مبسوط فى البلد و انك ان شاء الله حتستقر هناك و لو السنه
اعمل توكيل للمدام او اللى تشوفه و تبعها ساعتها
الثانى : أجرها لصاله تأخير سيارات لمده سنه
منه مشروع و بعد السنه بيعها و غير برضو

و ربنا يوفقك للخير و صلى استخاره و ربنا ان شاء الله يلهمك الصواب