يا جماعة انا شايف ان النقاش محترم و الناس فاهمة وواعية كويس
بارك الله فيكم كلكم
عرض للطباعة
يا جماعة انا شايف ان النقاش محترم و الناس فاهمة وواعية كويس
بارك الله فيكم كلكم
يا استاذ نوبى انا اللى قصدته بالتشبيه مش ان العلماء كلاب...
انا اللى قصدته ان عمرو خالد مش بيهتم بالكلام اللى بيتقال عليه...
واتمنى انك تكتب الايه ده فى اقتباسات لمعظم المشاركات فى الموضوع....عشان كل واحد ياخد باله هو بيقول ايه...واحد بيقول ضال مضل واخطاؤه فاحشة والتانى بيقول كثير الزلات و ........الخ
وكل واحد شايف فى نفسه القدره على انه يحاسب الناس...
وياريت عن حق...
بغض النظر عن اى حاجة انا مش بفضل الكلام الهجومى والتسرع فى الاحكام وتقفيل الدماغ على رأى وعدم الالتفات او الانصات لأى رأى اخر...
وكل واحد مش بيحب عمرو خالد يدخل ويقول اللى فى قلبه لأنها بقت ميغة...ومحدش عامل اعتبار لأى حاجة...الكلمة اللى فى نفسه بيقولها وطظ فى اى حاجة تانى....مش مهم ..المهم انه قال اللى عنده....
والغريب ان فى صمت مطبق من الادارة ومفيش اى رد فعل....ولو كان الكلام بين الاهلى والزمالك كان حيبقى فى اعضاء موقوفين وواخدين انذارات...
انا مش بقول ان كل الناس لازم تكون بتحب عمرو خالد...كل اللى عايزه ان يكون فى حيادية فى الكلام والرأى...انت مش بتحبه على عينى وراسى...قول كده بس بأدب...عبر عن رأيك بأسلوب كويس..ومطلعش فيه عبر الدنيا والدين....
مفيش حد فينا مش بيغلط..ولما بيغلط محدش بيعلق المشانق زى ما حصل هنا...
وكل اللى بيتكلم بيمثل بعمرو خالد على انه مصدر فساد وانحلال الشباب وانه السبب فى التخلف اللى احنا فيه....كأن كل واحد زعلان من حد بدل ما يشتمه دخل يشتم فى عمرو خالد...
ولو كان غلط فهو بيقول انه غلط مش بيكابر وده موجود فى فيديوهات اعضاء رفعوها....
وكل واحد شايف الشيوخ اللى هو بيسمعلهم على انهم ملايكة...وان كلمتهم سيف على الرقبة....
احنا كلنا بشر وحتى الشيوخ بتغلط لانهم بشر...
ولو الشيوخ والدعاة عايزين ينصحوا بعض فأفتكر ان ده يبقى بينهم وبين بعض مش اطلع فى برنامج واقول فلان بيقول ويعيد ويزيد..وازاى ؟؟؟!! وليه ؟؟؟!!! وكيف سولت له نفسه ؟؟!!!
وفى الاخر يتقال على عمرو خالد انه بتاع شو ومنظرة.....
وبالنسبة للأخد برأى العلماء ففى الزمن الغريب اللى احنا فيه ده...
القراّن والاحاديث وتفسيراتهم هم مصدرى الوحيد..ولو معرفتش حسأل واحد اثق فى ((تفكيره))..
تحياتى....
هؤلاء العلماء اهل ثقة, و شهد على علمهم الكثير
و عندما ينصح الاستاذ عمرو خالد من هؤلاء العلماء و ينبه على أخطائه لعله يصلحها (مع العلم ان التنبيه كان في السر خصوصا من الشيخ وجدي غنيم) و جب عليهم ان يحذروا العامة من أخطائه في العلن
خصوصا ان تلك الاخطاء لا يختلف عليها أحد
مع العلم اني كنت من محبيه و كنت ادافع عنه كثيرا, و ارى ان مسلكه الاجتماعي اصلح له كثيرا من من طريق الدعوة
+111111111111111111
عشان الشيخ وجدي في مرة قال انه ياما نصحه من كذا و كذا و كذا
و انه اما عمرو خالد زار البحرين و الشيخ وجدي كان هناك اتفقا على اللقاء
و عمرو خالد نكث وعده بدون ان يعتذر حتى
و انه كلمه كذا مرة في المواضيع دي
و التاني يقول حاضر و نعم و يستمر في ضلاله
لذا وجب تحذير العامة .........
يارجالة إسمحوا لى أقول رأيى
عمرو خالد زى الجراح اللى على قد حاله واللى عمل عمليات لناس كتير وشفاها الله لكنه أوقع نفسه فى عمليات لا يحيط بها علما فأضر بأصحابها فأثار ذلك كبار الجراحين فحذروا الناس من جراحاته.
فلا يمكن أن نلوم الجراحين المهرة على تحذيرهم الناس ولا يمكن أن نغض الطرف عن جراح غير ماهر لا يعترف بذلك ويدخل بنفسه فى مواقف لا يحيط بأبعادها بما يضر المريض وأهله.
أما الناس فلا نستطيع لومهم لأنهم لن يستطيعوا وحدهم التفرقة
لو حد فينا سمع إن فلان الفلانى عالج واحد من الزايدة وبقى كويس ياترى هتروح له بأى حالة معقدة بدون سؤال عنه؟
للأسف الوضع فى الدين أخطر من الأمثلة اللى ذكرتها فى الطب بكثير.