السلام عليكم ،،
الاخوة الافاضل : كنت عاوز اعرف الوصول لنادي سموحه الرياضي بالاسكندرية ، وانا قادم من طريق القاهرة الاسكندرية الصحراوي .. ولكم جزيل الشكر ..
عرض للطباعة
السلام عليكم ،،
الاخوة الافاضل : كنت عاوز اعرف الوصول لنادي سموحه الرياضي بالاسكندرية ، وانا قادم من طريق القاهرة الاسكندرية الصحراوي .. ولكم جزيل الشكر ..
بص يا باشا
إن شاء الله توصل الإسكندرية عن طريق الصحراوى لحد كافور و داون تاون و تفضل ماشى لحد ما تلاقى كوبرى صينية محرم بك ، تمسك يمين و تاخد يمين قبل مطلع الكوبرى و تتجه نحو سموحة ... تخليك ماشى تلاقى المطار على يمينك ، حتعدى على كام مطب كده و بعدين السكة توسع و تلاقى مرسيدس على شمالك تمسك شمال و تاخد الصينية اللى بعدها ناحية جرين بلازا و تمشى الطريق ده تلاقى جرين بلازا على شمالك تفضل ماشى تلاقى كوبرى تطلعه و تنزله تلاقى نادى الجياد على يمينك تفضل ماشى جنب سوره لحد ما تلاقى صينية تفضل مكمل يمين موازى للسور تلاقى نفس السور بقى سور نادى سموحة ، حتعدى على مطب و التانى و تلاقى بوباة السيارات على يمينك .
و بالتوفيق
بص يا باشا وركز معايا
حوصفهالك بالبلدي كده علشان معنديش خرايط حاليا اوضحلك عليها
بعد ما تطلع كوبري محرم بيك في نهايه الصحراوي وبعد كارفور
وتنزل منه حتبقي في طريق قنال السويس
تمشي فيه
شويه حتلاقي كوبري او نفق زي ما فيه ناس بتسميه ب4 فتحات ماشي بعرض الطريق
اول فتحه يمين سيبك منها
ادخل من تحت تاني فتحه
وبعد كده تفضل ماسك يمينك
حتلاقي الطريق بيفرع تاني
تدخل يمين حتلاقي الطريق بيطلع لفوق
في اخره حتلاقي نفسك في شارع ابوقير (يمين برضه)
تفضل ماشي فيه شويه لحد ما تلاقي تقاطع كبير وعلي اوله بنزينه
حتدخل يمين مع العربيات من قبل البنزينه
ده الطريق اللي بيدخلك علي سموحه
في اخره حتزل نفق صغير وتلف صينيه وتدخل شمال وتمشي مع العربيات في اخره حتوصل لنادي سموحه
علي فكره الوصفه دي كلها مش اكتر من 6 كيلو متر
واي حد حتساله وانت ماشي حيقولك تدخل منين المكان ساهل وميتوهش
الشكر الجزيل للاخوة الافاضل اللي ردوا علي استفساري ولكم تحياتي