صوت خبط فى الكاوتش القدمانى اليمين بعد حوده حاده

مشكله لسه حصلالى الناهرده
و انا فى الشغل بتاعى فى المنطقه الحره حودت مره واحده جامد اوى يمين على سرعه عاليه
المهم الموضوع عدى على خير
و بعد كده لما روحت البيت لاقيت عربيتي العجوزه لما بهدى اوى علشان اركن و اكسر الدركسيون لاخر حاجه على اليمين و اطلع لقدام بالرااحه اوى بسمع صوت حتكاك و خشونه خفيفه كده عمرى ماسمعتها قبل كده منها
المهم بعد ماركنت نزلت و مسكت الكاوتش اليمين القدامى من فوق و شديته من فوق جامد عليا فبسمع صوت خبط
ياترى ايه ده
انا شاكك انه يكون بلى عجل (بس اللى اعرفه ان بلى العجل بيعمل صوت على سرعه البطئيه و انا ماعنديش ده ) او مجرد تربيط للعفشه
و يتكلف كام و ايه عواقبه لو استنيت عليه شويه ؟؟؟
انا اصلى مش عاوز اروح للميكانيكي و يدخلنى فى حوار ملهوش لزمه

متابع باهتمام...

هو ماحدش عارف و لا ايه؟؟؟؟

ممكن يكون الكوبلن
عموما لازم تروح للعفشجي

اقتباس:

---

المشاركة الأصلية كتبت بواسطة romeo_6887

ممكن يكون الكوبلن
عموما لازم تروح للعفشجي

---

انا عربيتي مافيهاش كبالن اصلا
هى دفع خلفى :ma:

ممكن فعلا يكون بيض العجل او جلب المقصات ملصت شوية انت ممكن ترفع العربية بالكريك و تبص على المقص و البيضة و العربية فعلا دفع خلفى و اخر الكورولا الدفع الخلفى

اقتباس:

---

المشاركة الأصلية كتبت بواسطة ahmed galal

ممكن فعلا يكون بيض العجل او جلب المقصات ملصت شوية انت ممكن ترفع العربية بالكريك و تبص على المقص و البيضة و العربية فعلا دفع خلفى و اخر الكورولا الدفع الخلفى

---

يعنى الحوار كده حيرسى انى اربط عفشه بس ؟؟
و لا حغير حاجه و تككلف كام تقريبا
و هل فيه ضرر لو اجلتها اسبوعين مثلا ؟؟؟ علشان العمليه مزنقه دلوقتى
انا بجرى بيها جامد على فكره و بصراحه خايف لحسن مره واحده تتفك و انا بجرى

اقتباس:

---

المشاركة الأصلية كتبت بواسطة khaled_sabry

يعنى الحوار كده حيرسى انى اربط عفشه بس ؟؟
و لا حغير حاجه و تككلف كام تقريبا
و هل فيه ضرر لو اجلتها اسبوعين مثلا ؟؟؟ علشان العمليه مزنقه دلوقتى
انا بجرى بيها جامد على فكره و بصراحه خايف لحسن مره واحده تتفك و انا بجرى

---

انت بس اهم حاجة تعرف المشكلة فين و تبص على العربية بنفسك او حد يبص عليها عشان ما تخاطرش لو فيه مشكلة و انت بتقول بتجرى و لو لا سمح الله بيض عجل او جلب مقصات الموضوع ممكن اخره يبقا 200 جنيه و ممكن حاجة و هاتتعدل و ما تخدش 10 جنيه بس انت اعرف الاول ايه اللى فى العربية و ربنا يفرجها ان شاء الله

اقتباس:

---

المشاركة الأصلية كتبت بواسطة ahmed galal

انت بس اهم حاجة تعرف المشكلة فين و تبص على العربية بنفسك او حد يبص عليها عشان ما تخاطرش لو فيه مشكلة و انت بتقول بتجرى و لو لا سمح الله بيض عجل او جلب مقصات الموضوع ممكن اخره يبقا 200 جنيه و ممكن حاجة و هاتتعدل و ما تخدش 10 جنيه بس انت اعرف الاول ايه اللى فى العربية و ربنا يفرجها ان شاء الله

---

انا حتجنن
او اتجننت فعلا :8954[1]:
الناهرده الصبح وديتها عند العفشجى ... فى الاول قبل ما اوديها حاولت اكسر الدركيون شمال اوى و امشى باراحه علشان تعمل صوت الخشونه اياه ده ماعملتهوش
قولت ماشى مش مكله روحت للعفشجى ساق العربيه و هبد امها مطبات و حودات و مافيش حاجه برضه
و خليته ينزل يبص عليها من تحت برضه قالى مافيش حاجه

الظاهر الموضوع كله كان تهيأت بقى
ماشى الحمد لله على قد كده بس انا من النوع الموسوس شويه
تفتكرو لو كان فيها جلب مقصات او بيض عجل او اى حاجه تانيه خطيره كان حيبقى سهل ان اى عفشجى يكتشفها ؟؟ و لا عاوزالها واحد كويس ؟؟ خدو بالكم انا بتكلم عن اكتشاف العيب مش تصليحه

انا اصلى اللى خايف منه ان حاجه تحصل وسط ما انا بجرى بيها

بيض المقص بيبقا عليه كوتش و جواه شحم لو اتقطع الكزتش بيبان تحت العربية و تلاقى الشحم منه و كمان جلب المقصات بتبقا مقطوعة و مشققة و العربية تعوم منك و لو كل ده مش موجود يبقا الجزئية ديه ما فيهاش حاجة هوا من كلامك فى الغالب ما فيش حاجة ان شاء الله بردك بص على الجنطين من جوه يمكن اتتنوا فى حتة و لا حاجة و ممكن السوست اللى قدام اتزحزحت من مكانها و رجعت تانى بردك احتمال وارد بس بعيد شوية

اقتباس:

---

المشاركة الأصلية كتبت بواسطة Ahmed Galal

بيض المقص بيبقا عليه كوتش و جواه شحم لو اتقطع الكزتش بيبان تحت العربية و تلاقى الشحم منه و كمان جلب المقصات بتبقا مقطوعة و مشققة و العربية تعوم منك و لو كل ده مش موجود يبقا الجزئية ديه ما فيهاش حاجة هوا من كلامك فى الغالب ما فيش حاجة ان شاء الله بردك بص على الجنطين من جوه يمكن اتتنوا فى حتة و لا حاجة و ممكن السوست اللى قدام اتزحزحت من مكانها و رجعت تانى بردك احتمال وارد بس بعيد شوية

---

العربيه ماكنتشى بتوعم منى على الاطلاق
و ماكنشى فيه اى اختلاف فى ادائها امبارح خالص
كل اللى فيه انى و انا كاسر الدركسيون على الاخر و بطلع بالرااحه و انا بركن حسين بصوت خشونه
هى دى الاعراض الوحيده اللى حصلتلى و انا بسوق
و الناهرده الصبح ماعملتهاش لما طلعت بيها رغم انى حاولت اكتر من مره :I_angr1[1]:
هو بصراحه ممكن يكون موضوع السوست اللى اتزحزحو دول ورجعو لأن دلوقتى مافيش حاجه بجد

خلاص ما تقلقش و ان شاء الله خير لو انت ساكن فى جسر السويس انا ممكن أجى لك و نبص عليها زيادة فى الاطمئنان

اقتباس:

---

المشاركة الأصلية كتبت بواسطة Ahmed Galal

خلاص ما تقلقش و ان شاء الله خير لو انت ساكن فى جسر السويس انا ممكن أجى لك و نبص عليها زيادة فى الاطمئنان

---

الله يخليكي يا باشا الموضوع مش مستاهل
هو الواحد بقى بيجيله تهيأت الظاهر عن العربيات و الصنايعه
ده حتى و الله مراتى من كام يوم بتقولى انى و انا نايم :brn:من يومين تلات كنت بهلوس و بقول دور الموتور و ماتدوريش و جات من دى