استكمالا لموضوع تركيب فلتر هواء اسبور للسيريون (للمهتمين يعني )
السلام عليكم ورحمه الله وبركاته
بصوا يا جماعه دلوقتي انا ان شاء الله فاضلي 100 كيلو على صيانه ال 20 الف
طبعا صيانه ال20 دي فيها بند تغيير فلتر الهواء
وبما اني مستخسر في هذا الفلتر 160 ده غير الضريبه ومصنعيه التركيب يعني 200 جنيه مثلا
فقلت اجيب فلتر اسبور احسن لعده اسباب
اولا الفلتر الاسبور مش بيحتاج يتغير غير على فترات طوييييييييله
ثانيا سهل التنضيف وبيتغسل ويبقى زي الجديد تاني مش زي الخيشه اللي حاطينها دي
ثالثا طبعا الاداء الافضل والصوت الرياضي الجامد قوي (الكلام ده بناءا على كلام واحد معانا هنا مركب فلتر اسبور في الخباثه ):O_stupid[1]:
ولهذه الاسباب الموضوع شعشع من جديد في دماغي وناوي عليه ان شاء الله وعشان كده سخنت وروحت نازل من شويه وجايب العده وفاتح الكابوت وواخد نفس عميييق :fun_36_3_4[1]: وروحت شايل الفلتر الاصلي بغطاءه وسميت الله وروتح فاكك المسامير بتاعت العلبه وهوووووووووووب لقيت الشكل بقه كده بعد ما شيلت علبه الفلتر كلهااا بحالها بمالها
http://img52.imageshack.us/img52/3361/15042010176.jpg
دي صوره البوابه اللي راكب عليها علبه الفلتر واللي بتسحب الهواء وتدخله للموتور
واللي ان شاء الله هنركب عليها الفلتر الاسبور عن طريق ماسوره استانلس او كاوتش (افضل انها كاوتش وهقول السبب قدام )طرف منها راكب على البوابه وطرف تاني في اخره الفلتر الاسبوووورر
وكده نبقى عدينا اول مشكله (بالنسبه ليه انا) وهي الخوف والرهبه من المجهول :O_stupid[1]:
قصدي من فك العلبه بتاعت الفلتر :POINTIy2[2]:
نيجي لتاني مشكله كنت هتجنن منها وهي حساس الهوااء اللي بيقيس كميه الهواء الداخل للموتور عشان يظبط كميه البنزين والاحتراق وكده وده انا مكونتش عارف هو فين بس انا سميت الله وقلت يا انا يا هو وفوجئت انه موجود وقاعد في جمب وغلبان خاالص بس انا اللي مكونتش مركز زماان فماشوفتوش
ودي صوره الحساس الاموووووور بعد ما طلعته من جحره
http://img684.imageshack.us/img684/3337/15042010177.jpg
طيب الحساس الامورده فين جحره بققققه ؟؟
ادي صوره لجحر الحساس الفتحه اللي عليها السهم دي طبعا الصوره دي للفتحه من جوه والحساس زي ما شوفناه في الصوره التانيه له بوزر او سن وهوراكب في العلبه من بره وبوزو ده داخل لجوه العلبه عن طريق الفتحه دي
ادي الصوره
http://img682.imageshack.us/img682/7236/15042010178.jpg
طيب هنركبه ازاي الامور ده مهو لازم يركب قبل البوابه عشان يقيس كميه الهواء الدالخه للموتور
طبع هنركبه في الماسوره اللي هنركبها اللي انا قلت انها تبقى كاوتش ليه بقه اولا عشان العربيه اصلا بتبقه نازله كاوتش والكاوتش مش بيسخن زي الاستانلس فمش هتسخن الهواء اللي داخل للموتور فيكون الاداء افضل
ثانيا عشن الحساس لما نيجي نركبه يبقى سهل علينا نفتح له فتحه على مقاسه في الكاوتش عكس الاستانلس هتبقى القطع فيها صعب ده غير انها كمان مكلفه وغاليه الا اذا بقه جبت ماسوره استانلس جاهزه وفيها مكان للحساس على طول (زي ما صاحبنا ما عمل كده في الخباثه برده )
طيب ايه تاني هنلاقيه معانا واحنا بنشيل علبه الفلتر
هنلاقي فيشتين راكبين على حرف العلبه فقط يعني مش متوصلين بالعلبه وملهومش لازمه معانا غير انهم متثبتين فقط على العلبه دي
دي صوره الفيشه الاولى
http://img691.imageshack.us/img691/6452/15042010179.jpg
ودي متثبته كبس او ضغط على علبه الفلتر بس سبحان الله لما فكيتها من العلبه لقيت انهم عاملين فيها مكان لمسامير :11: زي ميكونوا عارفين ان الناس هتركب فلتر هوا اسبور فبيسهلوا عليهم الموضوع وعاملين حسابهم في اماكن المسامير
ودي صوره الفيشه التانيه
http://img689.imageshack.us/img689/7131/15042010180.jpg
ودي زي ما شايفين متثبته بمسماريين على حرف العلبه برده
طيب هنعمل فيهم ايه الفيشتين دول ونقبتهم فييييين :F_eyeb1[1]:
هنعمل زي الراجل الامور ده اللي في الصوره دي
http://img411.imageshack.us/img411/804/filter.jpg
السهم رقم 1 ده الحساس بتاع الهواء وهو راكب
السهم 2 بيشاور على الحديده اللي حطينها عشان نثبت الفيشتين
السهم 3 بيشاو على الفيشه الاولى اللي كانت متثبته كبس وفيها مكان للمسامير
السهم 4 بيشاور على الفيشه التانيه
وهتبقى دي الصةره النهائيه ان شاء الله زي اللي في الصوره اللي فوق :F_eyeb1[1]:
حاجه بسيطه ايه رأيكم بقه
اي تعليق او استفسار معاكم عشان ننقاش بس التركيب قبل ما اتوكل على الله واركبه :brn: