الموضوع: فين فلتر التكييف فى البيكانتو

بص يا سيدي
انا فكيت فلتر تكييف البكانتو من خلال مشاركه زميل لينا على المنتدي
فلتر التكييف هتلاقيه ورا درج التابلوه
افتح الدرج وانزل من العربيه
افتح الباب اليمين و اقعد على ركبك
وارب الدرج بحيث انك تدخل ايدك فيه بالعافيه
هتلاقي كوتشتين على الجنب
في الناحيه اليمين و الناحيه الشمال للدرج
زقهم من بره الدرج لجوه ما تحاولش تطلعهم من جوه الدرج
هتلاقي الكاوتشه بدأت تطلع و ليها حته بلاستكه زي اللسان كده معشقه في الدرج شدها بشويش عشان الكاوتشه ما تتقطعش
انت كده حررت فتحه الدرج بعد ما شلت الكاوتشتين
هتلاقي باه جوه حته كده على اليمين سيبك منها
بص للجزء اللي على الشمال
هتلاقيه كده عامل زي كوره الجبنه الفلمنك
هتلاقي فيه حته بلاستيك كده ماشيه عليها من بره و ليها لسانين لسان يمين و لسان شمال
هتبدأ بفك اللسان اليمين بسحبه من طرفه ثم تزقه شمال شويه عشان تفك التعشيقه بتاعه اللسان الشمال هتلاقي الحته البلاستيك طلعت في ايدك على شكل حرفين ال ا______ا
وراها على طول هتلاقي الفلتر حته كده زغيره ليها لسان نزلها لتحت و بعدبن اسحبه لبره
هتلاقي على البادب بتاعه سهم ليه لراس ده مهم انه يعرفك انهوا سطح اللي تحت و انهوا السطح العلوي بتاع الفلتر
نظفه بالهوا دخله في المجرا بتاعته تاني
و شوف راس السهم لتحت و بعدين طلع الفلتر لفوق في المجرا بتاعته
رجع اللسان البلاستيك مكانه
ورجعع الكاوتشتين مكانهم
دخل الجلده باللسان البلاستيك بتاعه بجنب شويه و كانها عموديه على الدرج و زقها لقدام هتلاقيها ركبت على طول
و عيش حياتك
انا بعمل الحكايه دي كل ما بغير زيت العربيه بفك للراجل فلتر التكييف و اديهولوا ينضفوا و سلملي على التوكيل