الموضوع: ايه الاقتراحات لو هتعمل خطوبتك عائلي ؟

المشاركة الأصلية كتبت بواسطة أبو صلاح

ايه نظام السفاري ده وخصوصا بالليل ؟
ياريت توضحلي
:e_braces[1]:

دا كافية حلو علي اول طريق مصر اسكندرية الصحراوي
عند كارفور
وفيه جنبه كافيهات تانية برضه

وقعدته حلوة بتبقي هوا شوية
بس في اليومين دول مش هتبقي سقعة اكيد
يعني اتوقع الجو هيكون حلو

وفيه سندوتشات وبيتزا وكل المشروبات
والجو لذيذ
ومنيمم اتشارج 35 تقريبا
في الحدود دي

ولو علي النيل
عندك الي اعرفه هابي دولفين في شارع عبد العزيز ال سعود
وبرضه نفس النظام اكل ومشروبات
وتقريبا المنيمم في نفس الحدود

او ممكن زي ما ايس قالت اي باخرة علي النيل
لان جو النيل في اليوم دا بيبقي حلو

أبو الافكار وصل يا جدعااااااااان

قول وقسم وسمعني افكارك في الاماكن

وسؤال تاني هو العروسين في اليوم ده بيكونوا جعانين علشان لو كده يبقى لازم المكان يكون مناسب لقعدة ولعشاء فاخر

طيب عندك روتانا كافية ومطعم مشويات ستوديو مصر راقى جداااا وسعرة معقول وعلى النيل فى مركب مكسيم

شوف معلومات عنة فى الموضوع دة فى الصفحة رقم 11 فى الرد رقم 103
http://www.nilemotors.net/Nile/139577-a-11.html

وعندك فى كافية لوكيشن (بتاع مصطفى قمر ) فى جامعة الدول
تقريبا ب 80 ج المينيمام للفرد ...ممكن تكلموهوم وتقولوهم على ميعاد وتحجزوا عدد الترابيزات والكراسى الى محتاجينها وممكن يعملو ليكم تخفيض من 5 : 10 % على حسن الطلبات والعدد
وطبعا انتوا هاتحددوا الطلبات ...يعنى هاتختاروا اكلة خفيفة ومشروب فى حدود ال 80 ج


وعندك الاوتوبيس النهرى ...بيطلع من قدام فندق شهرزاد فى العجوزة كل يوم الجولة تقريبا ساعتين مش فاكر والله بس تقريبا من 7 : 9 والاكل فية سعرة حلوة وبيمشى فى النيل ومن جوة راقى ونضيف
وهاتبقى تكلفة الفرد من 60 ج : 00000 على حسب ماتختاروا
وطبعا بيكون فية فرقة للرقص الشعبى والفلكلور وتقريبا الفرد الواحد اوبن بوفية 100 ج


وعندك سلسلة كافيهات ومطاعم سبيكترا بيقبلوا المجموعات ....ممكن تتفقوا معاهم على عدد معين والسعر انتوا تحددوة وهاتبقى حلوة


وفية سوليدير الى فى اول جامعة الدول فى ميدان سفنكس ولية فرع تانى اول الصحراوى قبل كارفور

والمنيمام بتاعة 3 ايام فى الاسبوع ب 35 وال 4 ايام التانية ب 70

اتصلوا وشوفوا الايام الى ب 35 والقعدة هناك لذيذة جدااااااا وحاجتة حلوة وعندهم دى جى



والحاجة الجملية الى فى دماغى ...( علشانك انت بس )

هيا الفكرة شبابية شوية بس لذيذة

انكم تشوفوا اوتوبيس سياحى كبير ال 50 راكب مكيف وكدة
وتركبوا كلكم فية ومحدش يروح بعربيتة
وتعلقوا فية من جوة الزينة والصور والسماعات والاغانى ويبقى جامد مووووت وتخلية يطلع بيكم على اليكس
وطول الطريق هيصة ولعب
وتوصلوا هناك على اى مطعم الاسكندرانية يرشحوة ليكم تتغدوا او تتعشوا وترجعوا والجو اليومين دول لذيذ جدااا

وفى العجمى انا ارشحلك ابو رية للمشويات
وابو صابر للاسماك ( اسعارة سخنة شوية ...بس دة يوم العمر )

وطبعا طول الطريق فى الباص لعب وهيصة وهزار ونكت واغانى وكدة


وتلزقوا على الاوتوبيس ستيكر كبير فية حاجة زى

اسماء العروسين
او
just 4 married
يارب اكون كتبتها صح

او

only 4 us

وشوية قلوب ويبقى تمام

والسعر مش عارف بكام بصراحة ...


وهافكر واقولك

المشاركة الأصلية كتبت بواسطة أحمد كمال

احسن حاجة يعملها انه يصرف نظر و يعقل

هههههههههههههههه احنا مش كنا عاوزين نقلد الحاج متولى ههههههههههههه

فى كذا باخرة نيلية ممكن ابقى اقول لحضرتك اساميهم عشان ميبقاش اعلان ولو عنده استعداد يدفع فى كذا فندق حلووووين اوووى ممكن يقضى اليوم هناك