الموضوع: هل تشجع صناعة بلدك ؟ وما هي شروطك لتشجيع صناعة بلدك؟؟

المشاركة الأصلية كتبت بواسطة fuad

ياعام Chicco انتة راجل فرنساوى على يابانى الكلام داة ما بمشيش معاك

لا يا عم فؤاد لا أنا ياباني ولا فرنساوي يمكن إنت تركي بس مش واخد بالك ;)
و الموضوع مش للتشكيك في وطنية حد الموضوع هل تشتري منتج مصري برغم كل عيوبه
زاي ما قلت ياما اشتريت و لسة بشتري مصري بس كمية الاحباط اللي الواحد شافها يخليه ينفخ في الزبادي

وانصحك كمان تخخللى طيارة امريكانى صغيورة كدة على ضهر العمارة واول ماتشوفها بتتحرئ طير ياباشا حياتك غالية

مش فاهم قصدك إيه بالظبط يا ريت توضح ........و على فكرة أنا في كندا مش أمريكا

يا بشوات هو احنا عندنا صناعه اساسا ده احنا لا بقى عندنا زراعه ولا صناعه

مين يقول ان المنتج الصينى ((مش بتكلم على السيارات )) مثلا زى اللبس او حتى الولاعه يكون سعرها رخيص جداا وتقفيل اللبس حلو جداا وبسعر رخيص
وتقولى صناعه بلدك
هو احنا عارفين نعمل رغيف عيييش لما هانعمل صناعه
انا مش متحامل على الصناعه الوطنيه بس انا نفسى تكون منافسه للى موجود فى السوق عشان اقدر احط فلوسى فى حاجه كويسه

يأستاذ Chicco انا اكرة تماما اى حد يعيب فى الصناعة المصرية

الموضوع مش حب و كره أو شعارات من نوعية المصريين أهمه
أول خطوة في حل أي مشكلة انك تعترف إن فيه مشكلة !!
لو عايز الناس تفوق يبقى توعيهم بحقوقهم بدل ما احنا واقعين تحت رحمة ناس مستغلين ظروفنا أسوأ إستغلال و بيبيعولنا منتج أقل جودة بسعر أعلى و معتمدين على انغلاق السوق المصري
أكيد عارف إن اتفاقيات السوق الحرة اللي احنا قاعدين نماطل في تنفيذها قربت تخش حيز التنفيذ قولي بأه لو المنتجين المصريين ما حسنوش المنتج بتاعهم إيه اللي حيحصل
مش عيب إن احنا نعيب في الصناعة المصرية لحد ما تتحسن العيب إن نخدع نفسنا و نقول إن مافيش في الامكان أبدع مما كان و خلاص
و نفس السؤال تاني ليه بتطالب المستهلك بالتضحية مع إن المنتج (بضم الميم و كسر التاء) مش عايز يتنازل عن هامش ربحه الضخم

وانتة وشطارتك تنقى الجيد وتستعين بالناس الخبرة دى الخلاصة وكمان لازم يكون عندنا تضحيات فى القدر المعقول مش علشان اى مشكلة تظهر لنا وداه وارد فى اى شيئ نفضل نحطم ونشوة بس داة اللى حابب اقولة

و أدي أمثلة صغيرة على المنتجات المصرية اللي جبتها و حصل فيها مشاكل بسبب عيوب التصنيع و محدش إهتم بأي شكوى للصيانة إلا لما أجيب واسطة
- عربية نصر ١٢٧ مو ٨٢ اشتروها أهلي و طالعة من المصنع فيها عيب في الشاسيه محدش عرف يصلحه و طبعا نصر أخر طناش
- في مستشفى أبو الريش تقريبا سنة ١٩٩٩ أدوية من إنتاج شركة امون كان فيها مشاكل في ظبط الجرعات و لولا إن خدنا بالنا بدري كان حصل ما لا يحمد عقباه
- سخان كهربائي من إنتاج اوليمبيك الكتريك كان كل سنة لازم يفصل و لما تكلم الصيانة يديك معاد بعد اسبوعين الساعة واحدة الضهر
- بوتاجاز تكنوجاز مكملش سنة و باظ فيه الاشعال الذاتي و بعد سنتين إنخلع مفصل الفرن من غير ما حد يجي جنبه
- سخان يانكرز المصانع الحربية فرقع أول ما إتركب و جبنا الصيانة و غيروا وحدة الاشعال
- غسالة ملابس زانوسي موتورها اتحرق بعد تلات سنين
- مشغل أقراص CD جولدي بيشتغل مرة و خمسين لأ
ده غير الهدوم الشايطة و الالوان اللي بتبهت و الجزم اللي بتفك إلخ إلخ

أنا فاهم وجهة نظر حضرتك.... و شعورك نبيل.... لكن للاسف الوحش أكتر من الحلو بكتير و حال البلد من سيء لأسوأ