هل تشجع صناعة بلدك ؟ وما هي شروطك لتشجيع صناعة بلدك؟؟

**Chicco** · 21-01-2008 07:57 AM

\/ \/ \/ \/
أنا في تورونتو برضه و إن شاء الله أكلمك في أقرب فرصة و معرفة خير بإذن الله و أهي فرصة أكملك قايمة المنتجات المصرية اللي أحبطتني ;)

**douha_wise** · 21-01-2008 08:17 AM

المشاركة الأصلية كتبت بواسطة جندى مجند

أنا اخترت "نعم لو كانت جيدة حتى لو أقل من المستورد بقليل" لكن عايز أضيف عليها شرط واحد: ان السعر يكون أقل من المستورد -- يعنى مثلاً لو حضرتك جيت تشترى بلوفر مصرى تلاقى حاجة من اتنين: إما ان ذوقه كويس و خامته حلوة و السعر طالع فى العلالى جداً جداً أو ذوقه ردئ و خامته رديئة و سعره معقول (مش حأقول رخيص لأنى مشفتش بلوفر مصرى رخيص) -- قارن الكلام دة بأى دولة عربية حضرتك بتلاقى فيها أذواق راقية جداً و خامات ممتازة و أسعار معقولة جداً ... يبقى اللى حاصل ان مصنعى الملابس فى مصر بيستغلوا الحماية اللى بيديهالهم القانون فى انتاج منتج ردئ أو منتج مبالغ جداً فى سعره ... يبقى ايه اللى يخلينى أشجع واحد بيضحك عليا و بيخدعنى فى السعر أو الجودة؟؟؟

على الجانب الآخر هناك منتجات مصرية ممتازة و اللى أنا جربته منها تجربة شخصية و لمدة عدة سنوات: تليفزيونات و ثلاجات توشيبا، أطقم الصحى أيديال استاندرد و ديورافيت (بتحصل أحياناً بعض المشاكل لكن خدمة الدعم الفنى ممتازة و سريعة و بيتم تغيير قطع الغيار مجاناً من غير حتى ما يطلب الاطلاع على فاتورة الشراء أو تاريخ الضمان) و بوتاجازات كريازى (برضة بتحصل مشاكل لكن الدعم الفنى ممتاز) ... و المنتجات دى يعتبر سعرها بالنسبة للمثيل المستورد منافس جداً و حتى لو جودة التشطيب أقل قليلاً فتوفير بضعة آلاف من الجنيهات فى المقابل يعتبر صفقة رابحة.

+1
نفس الكلام كت عايز أقولة و انا اخترت نفس الإختيار لأن بجد لو كان المنتج معمول من خامات مصرية نظرا لتوفر أكثر الخامات الطبيعية بمصر مثل الصوف و القطن و الحديد و خلافة يعنى لا نستورد هذة الخامات إذن لماذا الأسعار فى اشياء كثيرة كالملابس تضاهى المستورد رغم إنها اقل فى التقفيل
الغرض من تشجيع المنتج المصرى هو النهوض بالصناعة المصرية خاصة إن معظمها يسيطر عليها النظام الراسمالى أى شركات القطاع الخاص فلماذا يستغلنا اصحاب تلك المصانع يجب عليهم ايضا أن يراعوا أننا شعب يعانى اقتصاديا و يقللوا من مكاسبهم الكبيرة و انا مع هذا احب بلدى رغم ما فيها من عيوب و ليس هذا ذنب البلد و لكنها ذنوب الناس التى تعيش بها و سأختار الصناعة المحترمة و اشجعها حتى لو اقل من المستورد و بسعر تنافسى

**sab3aawy** · 21-01-2008 08:56 AM

انا لما اشترى منتج مصرى ب10 جنيه فانا عارف ان فيه حوالى 6-7 جنيه من العشرة هتلف تانى جوة البلد و3 هتخرج برة ومن ال7 دول فيه جزء كبير جدا من الفلوس هيفتح بيوت ناس زييى

لكن لما اشترى منتج مستورد بعشرة جنيه فأنا عارف ان 7 من ال 10 هتخرج برة و3 هتلف جوة هى مكسب صاحب التوكيل وقيمة الجمارك فقط ومفيش واحد بيشتغل بإيده استفاد من شرائى للمنتج ده

والحمد لله ده مش كلام بقوله لكن بطبقه ، يعنى انا بدور على افضل منتج مصرى يؤدى لى الغرض علشان اشجع التجويد فى الإنتاج، وعلى هذا الأساس انا كل الأجهزة فى بيتى صناعة محلية (على سبيل المثال : توشيبا، يونيفيرسال، كريازى،كارير،جولدى، زانوسى، أوليمبيك)وكل اثاث بيتى صناعة محلية وكل السيارات الزيرو اللى اشتريتها فى حياتى كانت صناعة محلية (لانوس، شاهين، صنى) وحتى العربيات المستعلمة اللى اشتريتها (10 سيارات) كانت كلها صناعة محلى ما عدا 2 فقط (فولكس فاجن بيتلز و فيات 132)

**ahmed_3omda** · 21-01-2008 09:48 AM

المشاركة الأصلية كتبت بواسطة mosso

انا اخترت " نعم مهما كانت جودتها حتى لو رديئة "
اهو على الاقل يبقى زيتنا في دقيقنا و احنا بايدنا بنكبّر بعض
طب ده انا مستني مصر تصنع بس " آله حاسبه " و انا هشتريها حتى لو بتجمع و تطرح غلط

رد حضرتك عجبني وفعلا لسه ماعملناش اله حاسبه علشان نصنع سياره محترمه :D :D :D :D

**Mohamed_Hegazy** · 21-01-2008 12:38 PM

اجدع سلام للاستاذ توت والاستاذ سبعاوى وا/شيكو وجميع الشباب المتحمس وان شاء اللة الخير باقى فى هذا البلد طول مافية ناس غيورين عليها زيكم وهما دول صمام الامان فعلا

**wawoo** · 22-01-2008 01:26 AM

المشاركة الأصلية كتبت بواسطة Chicco

- بوتاجاز تكنوجاز مكملش سنة و باظ فيه الاشعال الذاتي و بعد سنتين إنخلع مفصل الفرن من غير ما حد يجي جنبه
- سخان يانكرز المصانع الحربية فرقع أول ما إتركب و جبنا الصيانة و غيروا وحدة الاشعال
- غسالة ملابس زانوسي موتورها اتحرق بعد تلات سنين
- مشغل أقراص CD جولدي بيشتغل مرة و خمسين لأ
ده غير الهدوم الشايطة و الالوان اللي بتبهت و الجزم اللي بتفك إلخ إلخ

سخان غاز انتاج المصانع الحربية انتاج1970 , مازل يعمل حتى الان مع تغير الاخزاء اللتىتتلف .
جهاز تلفزيزن تجميع مصرى انتاج 1990 مازل يعمل حتى الان.
دفاية زيت كربائية تعمل بكفائة منزة 10 سنوات
ثلاجة ايديال انتاج السبعينات مازلت تعمل حتى الان بالرغم بعد التلفيات الناتجة عن الزمن
طقم حمام مصرى مازال يعمل بكفئة برغم استخدام سنين .
مكنسة كهربائية مازلت تعمل بكفائة جيدة

هذة بعض نمازج اجهزة معمرة مازل الكثيرمنها يعمل بكفائة . الحقيقة العبرة بالاستخدام و مدىالمحافظة علىالجهازو عمل الصيانة المناسبة لة فى الوقت المناسب,والحفاظ علية و طريقة استعمالها,

المنتج المصرىاذا كان جيد الصنع فهو لا يختلف عن اى منتج اخر هى بس عقدة الخواجة اللى ليسة مسيطرة

ملحوظة الغسالة مستوردة لان الغسالة من المهم ان تكون من اجود الخامات :)

ان اللة يحب اذا عملا احدكم عمل ان يتقنة هى دىالرسالة اللى نحب توصل للشباب اذا كل واحد اتقن عملة مهما كان صغير , حنشوف مصردى بلد تانيةخالص , و اعتقد الجيل الجديد بدائت توصلة المعلومة دى .

**Chicco** · 22-01-2008 05:29 AM

و لكن يبدوا إن حظ حضرتك سيئ جدا مع قائمة المنتجات المذكورة لأني جربت أغلبها و لم أواجه أي مشاكل على الاطلاق
و صدقني هو حظك بس اللي وحش

الحمد لله على كل حال يمكن حظي وحش فعلا مع المنتجات المصرية

ده حتى في كندا بدور على المنتجات المصرية القليلة اللي بتوصل هنا بمنكاش و بشتريها بالغالي و بعملها دعاية وسط معارفي العرب بس مافيش فايدة لازم حاجة تكسف في كل حاجة.... و ساعات حاجة بسيطة بس بتبوظ الطبخة كلها

الحقيقة العبرة بالاستخدام و مدى المحافظة علىالجهاز و عمل الصيانة المناسبة لة فى الوقت المناسب,والحفاظ علية و طريقة استعمالها, المنتج المصرىاذا كان جيد الصنع فهو لا يختلف عن اى منتج اخر هى بس عقدة الخواجة اللى ليسة مسيطرة

ماشي يا عم Wawoo هو أنا برضه أكيد غشيم و مش عارف استخدم الاجهزة المصرية المعقدة

المصريين أحسن من كل البشر و منتجاتنا أحسن من كل المنتجات و مش محتاجين لا نحسن و لا نتطور و بلاش ننقد ولا نشتكي عشان عقدة الخواجة !!!

عمرنا ما حنعرف نحسن من نفسنا غير لم نعترف بغلطاتنا و نصلحها انما التغطية على المشاكل اخرتها اللي إنت شايفه حواليك في كل جوانب حياتنا :(

**brown-eyes** · 22-01-2008 01:12 PM

؟؟؟؟؟؟؟؟؟؟؟؟

**brown-eyes** · 22-01-2008 01:14 PM

بصراحة من غير اي تحيذ انا مع الاخ chicco انا جربت كذا منتج مصري وحتي صيني وحظي كان وحش جدا بصراحة الصناعة المصري فينيش سيء جدا توكييل او ضمان اسواء احنا ممكن ناخد النتج المصري بس ييكون جودته جيدة او مقبولة حتي يعني انا ماشجعش صناعة بلدي واضحي بحياتي ياجماعة الموضوع بقي نفسيا ماحدش بياخد حقه في البلد دي عشان كده ماحدش بيدي حاجة حقها . ده رايي وياريت ماكونش ضايقت حد بس حبيت اقول رايي الواحد مابيصدق يلاقي ناس بتفهم يتكلم معاهم :) (احنا مشكلتا في مصر ان احنا بنصلح المشكلة الصغيرة بمشكلة اكبر :( )

-

مشاهدة نتائج الإستطلاع: هل تشجع (تشتري) الصناعة الوطنية المصرية

الموضوع: هل تشجع صناعة بلدك ؟ وما هي شروطك لتشجيع صناعة بلدك؟؟

LinkBack

أدوات الموضوع

عرض

-

-

-

-

المواضيع المتشابهه

حملة دعم اطارات النسر (شجع منتجات بلدك)

مبادرة استثمر ولو 100 جنيه وحافظ على اقتصاد بلدك

من النهاردة دي بلدك انت

ممكن تعمل إيه عشان بلدك؟؟

الكلمات الدلالية لهذا الموضوع

المفضلات

المفضلات

ضوابط المشاركة