اسعار قطع غيار سكودا فيفوريت

**hamahomo** · 19-12-2010 12:11 AM

الاخ samehabc1
موضوع المكنة الاستيراد بتبقى مش مضمونة حالتها اية والحمد لله العمرة تمت تمام وتقريبا بنفس سعر الماتور الاستيراد
والله انا مش عارف ماتور المية بتاع الرشاشات بكام لو عرفت حقولك
انا معاك لازم سير الكتينة يتغير اول ميشخلل وصوتة بيبقى عالي اثناء الدوارة بس عمرة اطول من الكاوتش
والله انا كنت ناوي اجيب الاصلي بس ساعة العمرة ملقتش غير الفيكا وبعد الاستخدام شايفة كويسة وبعدين يا جماعة انا عايز حد يقولي تعرف الاصلي زاي متقوليش الكارتونة ولا العلبة بتاعتها ولا الرسمة اللي على العلبة انا شفت الاصلي سواء كاتينة طقم عمرة مش مكتوب بلد الصنع هو لو الماني المانيا حتتكسف تكتب صنع المانيا او صنع التشيك
اسعار بعض قطع الغيار
ترس البندكس (المارش) اصلي ................175 جنية والصيني 85 جنية
ترس فيلام صيني...............................70 جنية

**hamahomo** · 19-12-2010 12:14 AM

انا نسيت اعتذر على التاخير في الرد

**samehabc1** · 19-12-2010 10:53 PM

تمام يا صديقى فعلا احنا مش عرفين الصينى من الالمانى اللى يعرفها التاجر و طبعا هناك قله من التجار معندهمش ضمير فى النقطة ديه بالاخص ( عن تجربة )
تصدق انا كمان ركبت كتينه فيكا صينى و مكنتش اعرف انها صينى التاجر بتاع قطع الغيار الله لا يباركله بعهالى على اساس انها كورى و بكام 100 ج و بعد فتره بالصدفه البحته عرفت ان فيكا اساسا شركة صينية و كمان عرفت ان سعرها ارخص من كده و عرفت ايضا ان الكتينه الالمانى عاملة 130ج ( من محل قطع غيار محترم جدا جدا فى شارع دمش )
انت عارف الحاجه الوحيده اللى تخيلك تعمر المتور و متجبش استيراد حاجه و حده ( من وجهه نظرى ) هى تكلفة لا تساوى تكلفة الدوران حولين الورق بتاع الماتور الجديد من التاجر الى ادارة الافراجات الجمركيه و بعدين تروح تاسئل عليه فى المرور و بعدين تفحص بيه
و انا اسف على التطويل عليك

**hamahomo** · 22-12-2010 11:33 PM

الاخ samehabc1 مفيش تطويل ولا حاجة
انت فعلا عندك حق هو التاجر اللي عارف قطعة الغيار الاصلي من الصيني بس انا لحد دلوقتي مشفتش قطعة غيار محفور عليها صنع في المانيا او التشيك هو بيقول صيني او اصلي والاتنين مش مكتوب عليهم حاجة
وفعلا عندك حق ان العمرة اسهل من تخليص الورق بتاع الماتور الاستيراد