ازاي اسوق الجين تو اوتوماتيك

**amrmahamad** · 16-04-2010 12:10 AM

قولولي ازاي اشغلها من اول مفتح الباب لغاية لما العربيه تمشي لغاية اما تقف

**ramyar** · 16-04-2010 12:27 AM

من الواضح ان خضرتك لسه مستلم العربيه جديد
الف مبروك
بص يا فندم
حضرتك هتفتح العربيه بي الريموت بي استخدام الزرار الصغير وتدوس عليه من مسافه قريبه ماتنعداش ال 3 او 4 متر وضغطه واحده بس
تاني حاجه تحط المفتاح في الكونتاكن وتلفه هتلاقي لمبات التابلوه نورت هتستني لما لمبات الاتشك تطفي وهتلاقي 3 لمبات موجودين تدور العربيه وكده المرحله الاولي انتهت
هتستني 4 او 5 دقايق لغايه العربيه ما تسخن وبعدين هتدوس علي الفرامل وتدوز زر تعشيق الفتيس الي الاسفل وبعد كده حرك الفتيس الي ال d لو عايز تتحرك لقدام او r لو عايز تتحرك للخلف وتنزل فرامل الايد
وتتكل علي الله و ولما تيي توقف وهتركن العربيه وانتا دايس فراكل هتجيب الفتيس علي p وترفع فرامل اليد وتبطل العربيه وتنزل واقفل السنتر وشكر والف مبروك

**Abo.Mayyam** · 16-04-2010 02:55 AM

المشاركة الأصلية كتبت بواسطة ramyar

من الواضح ان خضرتك لسه مستلم العربيه جديد
الف مبروك
بص يا فندم
حضرتك هتفتح العربيه بي الريموت بي استخدام الزرار الصغير وتدوس عليه من مسافه قريبه ماتنعداش ال 3 او 4 متر وضغطه واحده بس
تاني حاجه تحط المفتاح في الكونتاكن وتلفه هتلاقي لمبات التابلوه نورت هتستني لما لمبات الاتشك تطفي وهتلاقي 3 لمبات موجودين تدور العربيه وكده المرحله الاولي انتهت
هتستني 4 او 5 دقايق لغايه العربيه ما تسخن وبعدين هتدوس علي الفرامل وتدوز زر تعشيق الفتيس الي الاسفل وبعد كده حرك الفتيس الي ال d لو عايز تتحرك لقدام او r لو عايز تتحرك للخلف وتنزل فرامل الايد
وتتكل علي الله و ولما تيي توقف وهتركن العربيه وانتا دايس فراكل هتجيب الفتيس علي p وترفع فرامل اليد وتبطل العربيه وتنزل واقفل السنتر وشكر والف مبروك

أستاذ طول عمر ك يا أخويا رامى باشا

جزاك الله كل خير يا باشا

**ramyar** · 16-04-2010 03:47 AM

والله بتعلم منكم يا هندسه

**amrmahamad** · 18-04-2010 10:47 AM

ايه زر تعشيق الفتيس ده

**Mohamed.Kader** · 18-04-2010 02:33 PM

السلام عليكم
أنا بصراحة بقيت أشوف حجات غريبة فالمنتدى و مش متعود أني أرد فالمواقف اللي ذي دي
عالعموم أشكر العضو Ramyar لسعة صدرة وطول بالو

**ahmedfathi** · 18-04-2010 03:23 PM

المشاركة الأصلية كتبت بواسطة Mohamed.Kader

السلام عليكم
أنا بصراحة بقيت أشوف حجات غريبة فالمنتدى و مش متعود أني أرد فالمواقف اللي ذي دي
عالعموم أشكر العضو Ramyar لسعة صدرة وطول بالو

يا استاذ محمد احنا كلنا كنا كده فى الاول مش عارفين اى حاجه فى اى حاجه وبنتعلم واحده واحده لغايه ما ربنا كرمنا وبقينا نسوق بايد واحده الحمد لله

فلازم نقف جنب اى حد لسه بيتعلم لحد ما ربنا يكرمه ( علم الانسان مالم يعلم )

**eslamkasem** · 18-04-2010 03:36 PM

والله فعلا انتا لما بتكون لسه شاري عربية زيرو بتحس انك وانتا ماسك الدرسكيون بتبقي ناسي السواقه بس شوية بشوية قلبك بيجمد وعلي بركة الله ان شاء الله

ايه زر تعشيق الفتيس ده

دا الزار بتاع الهاند بريك وانتا رافع الهاند لفوق بيبقي طالع لبره كدا تدوس عليه عشان ينزل وتبدا الحركه

**مصطفى_صديق** · 18-04-2010 04:11 PM

ربنا معاك.....وعلى أقل من مهلك

والف مبروووووووك

**Mohamed.Kader** · 18-04-2010 04:26 PM

المشاركة الأصلية كتبت بواسطة ahmedfathi

يا استاذ محمد احنا كلنا كنا كده فى الاول مش عارفين اى حاجه فى اى حاجه وبنتعلم واحده واحده لغايه ما ربنا كرمنا وبقينا نسوق بايد واحده الحمد لله :ta_clap[1]:
فلازم نقف جنب اى حد لسه بيتعلم لحد ما ربنا يكرمه ( علم الانسان مالم يعلم )

العفو طبعا أنا مبتريقاش ولا بتعالا بس في حاجات متجيش سماعية ولا حتى بالرواية مهما أن كانت مفصلة دا مدارس التعليم نفسها مبتعلمش حد بإمتياز فأسبوع لازم حد يكمل معاه تعليم
وبعدين اللي بيستفز الواحد الإندفاع اللي بيشوفوا من الطالب هوا لازم يعرف أن السواقة ممكن تكون سهلة جدا بس لو ماشي فشوارع فاضية مش ممكن أي حد يطلعلوا من اي حتة بجانب أرواح اللي معاة واللي حوالية وخسارة الفلوس كمان وبعدين الغريب أن الواحد يجيب الحاجة وبعدين يتعلمها دا أستهلاك ليها غير عادي مش مهم أني أقتني التكنولوجيا وبجملة مش مهم اني أصنعها بس المهم أستخدمها بأحترام ووعي وبعدين الكلام دا كلوا خوف على صاحب الموضوع لان فعلا ممكن على ميخلص تعليم على عربيتوا الجديدة ممكن لاقدر اللة يفقد زهوتها أنها زيروا وربنا يوفق وكل واحد صاحب مسؤلية قراره