الموضوع: صيانة الألف

معلشي يا جماعه استحملوني شويه اليومين دوول
كل شويه اسأل اسئله جديده بخصوص البيكانتو
انا عملت 900 كيلو لغاية دلوقتي ومفيش وقت اروح اعمل الصيانه عند الألف بالضبط
ينفع اعملها امتى بعد الألف ولو هتأخر في حاجه المفروض اغيرها عند ميكانيكي او في محطة بنزين لغاية ما اروح ولا استنى لغاية ما اروح الصيانه وهل ده ليه تأثير على الضمان
وكمان عايزه اجيب ريموت واركبه في الوكيل وسمعت ان بتاع الوكيل سىء
الوكيل بيوافق يركب حاجه مش من عنده ولا لأ؟
ومتشكرره جدا جدا جدا

المشاركة الأصلية كتبت بواسطة samir_adel

بالنسبة للصيانة الأولي و هي صيانة الألف, هي سهلة جدا و تتعمل في اي حتة. يعني محطة بنزين محترمة.. تغيير زيت و فلتر و تنظيف فلتر الهواء و تربيط عفشة. بس في حاجات تانية زي عمل تشيك علي باقي السوائل و تنظيف التيل..الخ. بس بالنسبة لموضوع الأنذار اسف مش هقدر افيدك فية.

المشاركة الأصلية كتبت بواسطة normal

يفضل تحطى الصيانه on the top of your to-do list
يعنى لما تعمليها عند 1000 أفضل من 1200 وهكذا
طالما ضمان متغيريش أى شىء برا التوكيل
لا زيت ولا فلتر ولا الهوا
الناس دى دماغتها تعبانه وممكن تطلعى برا الضمان فى مسمار مش فلتر
يبقى فى أقرب فرصه تعملى الصيانه "ياريت تحجزى من دلوقتى"
وكل مايكون أقرب أفضل ليكى وللعربيه

متشكره جدا لكم
انا افضل اعمل الصيانه في التوكيل بس انا كنت عايزه اعرف لغاية ما اروح عادي ان انا اتأخر في تغيير الزيت وتغيير المطلوب ولا لأ؟
ينفع احدد اليوم اللي عايزه احجز فيه ولا ده حسب المواعيد بتاعة الحجز
وبخصوص الإنذار الوكيل بيوافق يركبه لو انا جايباه من بره الوكيل ولا ده مرفوض