ياعم دول قرفوا من شويه دود في منجايه
ههههههههههههههههههههههههه هههههههه
هو انا كنت في طريقي للموضوع ده
بس صاحبي اللي كنا حناكله مجاش سكه علشان ندبحه وطلع مش جدع
طيب ماتسبوا شنورى وتيجوا نروح نرمرم فى هارديز او حتى مؤمن ونجيب ماجنوم كومبو كبير .. ومعاة واحد سى فود بلس بدون خس
شوفوا ..
دة الراجل بجد صعب عليا
اقتباس:
دهون ثلاثيه 690
سكر صايم 386
سكر فاطر 590
نسبه الهمجلوبين السكري 10.8
نسبة الكليسترول في الدم 450
أشتباه بوجود ضيق أو جلطه في شاريين القلب
http://travel.maktoob.com/photo/uplo...37/marsa61.jpg
شكلوا يشرح القلب
هههههه
ربنا يجازيكم خير
فكرتوني بايام ما كنا في الثانوي و بننط من على السور و نطلع نجيب طعمية من بره المدرسة
ايام ما كان القرص بشلن ( 5 قروش )
كان الربع جنيه يجيب رغيف و اربع طعميات و المخلل على حساب المطعم
بصراحة الراجل كان مضبطنا
كنت قبل ما اعمل الموضوع ده كنت بسمع عن الطعمية اللى بتعمل بزيت العربيات
و اول ما جربت الطعمية بتاعت الراجل ده ايقنت فعلا اهمية و فايدة زيت العربيات في الطعمية بالذات
كنت بعصر السندوتش كان بينزل مالايقل عن 10 مللى زيت خام
كانت من وظائفه ساعتها تليين المعده لمواصلة الكفاح في اليوم المدرسي الطويل المكون من لعب كرة القدم فقط لا غير
معلش طولت عليكم
بس كانت ايام حلوة جدا ( الحمد لله اني طلعت منها سليم )
طيب ..لما نشوف يوم الخميس علشان انا ناويها ان شاء الله ...قال عربية فول قال ههههههه ومالة جاداقتباس:
لا فعلا رمرام
خلتني معدتي قلبت من رمرمتك بصراحه
اوكتو:
اللي مالهمش في الرمرمة بياكلوا فاست فوود ..... و احنا مش معاهم !
الى بيحبوا الرمرمة مش بياكلو فاست فود ...واحنا مش معاهم
هههههههههه
الفرافير حترمرم واحنا معاهم
واياك
ايااااااااااااااااك
الاقي حد ماسك ساندويتش حاجه نضيفه في ايده
اول اسس الرمرمه
انك متاكلش من مكان يوجد به شهاده صحيه من اساسه
و الله لهاروقك من مجاميعه
هنشيش فين بعد الاكل
فيه قهوة حلوة و رخيصة و الجو عندها حلو في الرحاب
تيجي هناك؟
على فكره مؤمن ممكن تضمه للرمرمه
و تقريبا مؤمن هو الفاست فود الوحيد اللى معاه شهاده منشأ للجراثيم
بس ده ممكن تقول عليه اول level في ال game و ده بيبقى مش اكتر من مرحلة انتقالية منعا لحدوث صدمة بيولوجية حضارية مركبة يعني ما تجيبليش فرفور سيس بياكل اكل معقم و تاكله من زيزو نتانة مرة واحدة
و عادة بعد احتراف ال game مستحيل تلاقي لعيب رجع يلعب بمؤمن تاني الا لو جت له اصابة ملاعب و قعد فترة نقاهة بيريح المعدة شوية ...... ساعتها ممكن ينزل كام level مؤقتا و بمزاجه !
طيب يا سيدى الوالى ( طبعاا عارف نفسك هه) مؤمن دة مطعم رمرمةاواى بس شكلة حلو مش اكتر واسأل مرمرم ولا تسأل طبيب
ههههه وبما انى اول مستوى فى اللعبة هاخد مؤمن شوية وبعدين نقلب على الاكثر رمرمة تدريجياا
اشطه يا كامللوا المهم انك تجيب احجاري معاك هههههههههههههههههههه
ونصيبي من اخر عمليه ارهابيه في دنيا المعسل
علشان مش مبطنه معدتك صح
وللاسف الاسره المصريه مش بتعد ابنائها الاعداد السليم لمواجهه الحاجات دي في المستقبل
عموما الامل لسه موجود
حنبدا معاكي بجرعات رمرمه صغيره مع الاكل النضيف
واحده واحده حنزودلك الجرعه لحد ما نلغي الاكل النضيف وتتحولي لشخص رمرام درجه اولي
واكيد حنقدر نعمل منك حاجه تشرفنا قدام الاجيال القادمه
نسيتو أكبر واحد بتاع كبده وسجق فى مصر
على بركه الله فى شارع الجلاء
تحت كوبرى أكتوبر لحد وقت قريب كان نص الرغيف ب 25 قرش
رمرمو براحتكم فى المنتدى
كريم منير مظبطكم وعاملكم عياده نايل موتورز
والله ياشنر ياخويا انا كان عندي السكر الأول وده كان بسبب مؤمن بس كان تحت السيطره
بس لما أصدقاء السوق جروا رجلي لبيبو وشكل وملك الكبده وغيرهم
أصبحت مدمن للمحلات دية ولازم كل اسبوع أزورها 3 مرات
وأدي النتيجه اللي وصلتلها لأن تقريبا دواء السكر فقد مفعوله
جنب الأكلات دية ومبقاش يجيب نتيجه لأن الأكلات دية سرها باتع ومبيحوئش فيها حاجه
وبعدين بطل تجري ريقي حرام عليك انا مهري مسلوق وعيش سن
وجبنه قريش وحاسس اني لما باكل الحاجات دية اني بشرب ميه وباكل بقسماط
ونفسي في أكله من الأكلات دية أو اللي انتم هاتكلوها يوم الخميس بالهنا والشفا
وكان نفسي أكون معاكم بس مجبر أخاك لابطل لأني لو جيت
هقعد اتفرج عليكم ودموعي بتنزل غير اني عندي أعادة كشف
وهكون صايم 12 ساعه علشان تحليل الدهون الثلاثيه
هتنورنا وتشرفنا ياشنر والله وابقي رمرملي معاك بالنيابه عني
القهوة دي فين يا م. احمد :d :d!!
المهم حد جرب حمادة شيراتون؟؟
زلط ..... في شارع السوق التجاري في الرحاب ....
حمادة شيراتون ..... بتاع عربية الفول صح؟
ده برنز ...... اخر مرة اكلت عنده جاب لي حموضة لمدة 3 ايام و صحيت بالليل رجعت مع اسهال لمدة يوم ...... بس الصراحة كان يستاهل ..... و زي ما قلنا ....... الرمرمة يوم ليك و بقية السنة عليك ههههههههههههههههههههه
لا مهو ربنا فتحها عليه بقا و بقي ترابيزة كبيرة و مشهور جدا فمصر الجديدة.... تيجي عالترابيزة و تدوس براحتك يا ريس....هههههههههههههههههههه هههههه
بس بصراحة عليه فول و طعمية و بذنجان رهيب....
الله يسامحك يا شنوري
يوم ما تفكر تعمل موضوع عن المطاعم تعمل موضوع عن المطاعم المقرفة
لا وعايز الاعضاء يحكوا حالها
يا بني يا حبيبي معدتنا خفيفة اي حاجة بتقلب
مش ناقصة قرف
يخرب عقلك يا شنوري فتحت نفسي لايام الرمرمة من تاني لاني كنت نسيتها من ساعة ما اتجوزت و بقيت رمرام من نوعية اكتو كده يعني مؤمن و كووك دوور و تشليز - اصل الرمرمة برضه مسئولية يا شنوري عشان لما يبقي عندك اجيال بتربيها لازم تعلمهم الرمرمة بالتدريج يعني مش معقول حاخد مازن اللي عنده 8 سنين و أوديه عند عبده النتن اللي انا كنت من مدمينينه و علي فكرة سر عبده النتن في المرمرمين اللي بياكلوا عنده بصراحة شكلهم و هما بيرمرموا يفتح نفس الواحد و تبقي رايح تضربلك ساندويتشين تلاقي نفسك دخلت عشرة او خمساشر من شكل المرمرمين
و ازاي يا شنوري تنسي جيمي اللي في كليوباترا ده رهيب و ده الوحيد اللي مراتي معترفة بيه من مطاعم الرمرمة ده كفاية ساندويتش (.....*) المشوية اللي عنده مالوش حل ولا الكبده المشوية رهيبة
مرة كنت عنده و مراتي كانت في المتستشفي بتولد مالك و بايتة في المستشفي و كان مازن عنده 4 سنين و الواد مش عايز يبات عند اي تيته من تيتاته و اصر انه يبات معايا فطلعنا من المستشفي و قولت له حعشيك بقي عشوة يا مازن حتعجبك قوي و روحنا عند جيمي و ضربنا بتاع 15 ساندويتش ضربت انا منهم 5 ساندويتشات (.....*) من اللي انت عارفه و الباقي كبده و لحمة و روحنا علي البيت بعد ما ضربنا الكانز و كانت ليلة ما انسهاش الواد مازن يا حبة عيني ما استحملش و جاب كل اللي في بطنه و احتست بيه حوسة ..المهم الواد بعد ما فاق قالي يا بابا مافيش ساندويتش كبده فاضل:fun_36_3_4[1]:
بس بصراحة و الحق يتقال ان التلوث و الرمرمة في مصر ( القاهرة) اجمد و اشد لاني علي فكرة رمرمت في مصر كتير من اول فرع لمؤمن اللي في جسر السويس سنة 90 لغاية واحد كان في مدينة نصر في الحي السابع كشك كده بتاع ساندويتشات مش فاكر اسمه كان اول من اخترع السكلانس و ده كان عبارة عن ساندويتش حلاوة بالقشطة بالمربي بالعسل بالكريمة بس مالوش حل و كمان كان فيه واحد في مصر الجديدة قرب مول الحرية بس ده كان حلواني انما كان تحفة برضه يعمل كنافة بالبسبوسة باللبن و القشطة و المكسرات
و طبعا الركيب ما يتنساش بتاع الكوارع و الكرشة و الممبار و الفشة بس انا ماليش في الفشة اللي في السيدة زينب
يعني في مصر رمرمة اصلي بصراحة و اكل يكيفك بجد
انا عايزك يا شنوري تفتح معهد لاعداد المرمرمين من الاجيال الجديدة وحبقي ابعتلك مازن و مالك عشان تأسسهم صح زي ما اتأسسنا كده لاني عندي رقابة طاغية في البيت منعاني من ممارسة اي رمرمة و بصراحة الواحد فعلا صحته اتدهورت من اكل البيت و المطاعم الخمس نجوم و بقي كل لما يحن لاكلة من حودة جندل او عبده النتن ما يقدرش يكملها ..قال ايه قرفان...
ده انا كنت لسه في حلقة السمك اللي في النايل سيتي اللي في الزمالك علي الكورنيش انا و العيال واكلين اكلة سمك و جمبري و بدون حلو و الفاتورة 700 جنيه - حرااام ده و لا حلال
اسمحولى بأول رمرمه وثائقيه مثبته بالصور
Big G اللى جنب مودرن اكاديمى المعادى ( حسب ما اتذكر ) , ساندوتش 70 سم أو اكتر ب 20 جنيه فيه كل ما تتخيل بقا سواء فراخ او لحمه او كبده
تمسكه من اوله وتبقى قاعد بتتمنى تجيب اخره بس بصراحه مفعوله سريع جدا ومع امثالى انا واصحابى المرمرمين من الدرجه الاولى كانت بتظهر الاعراض تانى يوم ودى حاجه مكانتش بتحصل مع اسوء عربيه كلاوى فى مصر
http://img88.imageshack.us/img88/1893/78030103.jpg
( معلش الصوره صغيره علشان ضحايا الساندوتشات تم استقطاعهم )
تانى حاجه بقا ده حلو , اسمه الدارج سكلانس بس كل محل ليه خلطه وبيعيش فيها حياته
التالى ده مكوناته : حلاوه بالشيكولاته , بالقشطه , بالعسل , بالمربى , بالكمبود اناناس , بالفراوله , ومصدره احد محلات الاكل فى الباطنيه
بصراحه انا مجربتوش حتى بس اصحابى بياكلوه وبيقولو انه تحفه , انا اللى بطلب النسخه الصغيره منه , حلاوه بالشيكولاته بالقشطه بس
http://img685.imageshack.us/img685/1307/dsc02335m.jpg
رمرمه سعيده :)
يا باشا بنت اختي اللي عايشة في امريكا اكلناها من زيزو نتانة و هي عندها سنتين ..... ده اسمه تطعيم يا اخواننا ..... تطعيم .....
ما شاء الله مشروع رمرام أصيل ..... لا تثنيه العقبات عن العزيمة على اتمام مهمة الرمرمة
اسمه ابو رامي يا باشا
بالظبط تقريبا انا اللي ما كنتش في الفورمة وقتها
فكرتنى بزيزو النتن
كان فيه واحده روسيه خدتها هناك ضربت 4 سجق و اتنين كبده وواحد مخ و كان ناقص تقوم تاكلنى و عايشه و زى الفل هيه بس وشها احمر و ودانها نطرت دم وبقت بتقول كلام مش فاهمه
حد يعرف بتاع الكبده اللى فى الضاهر
هوه محل مخصص بس لللكبده
بس رهييييييببببب
بص يا سيدى
هوه شارع بيطلع على رمسيس من قبل النزينه بشويه كويسين
و فيه جنينه و مراحيض عامه و بيفرع على بتوع السيراميك
هوه محل فى شارع فيه كذا واحد بتاع عربيات سمكريه و ميكانيكيه
و هوه نوعا ما شكله نضيف و محل مش عربيه و مش بيشتغل غير فى الكبده و بس
و فيه برضه واحد مش عارف اسمه عنتيل فطير
-
يارجالة فى واحد فى العتبة وانت جاى من الموسكى على موقف الاتوبيس
الشارع اللى اتقفل دلوقتى
بيبيع كفتة باللية ومشهور اوى المية اللى بيحط عليها ماء ورد
وبعد ما تضرب من عندة طبق الكفتة التمام تطلع على ويلسن اللى قدامة تضرب لك واحد سوبيا بالصودا وبالشفا
مين ليه فى سهره فى الالفى و نضرب اكل من هناك او من حاتى الالفى و نقعد على القهاوى اللى فاتحه 24 ساعه او من الراجل الجبار بتاع الحواوشى اللى فى الاول من ناحيه دار القضاء العالى