المشاركات : n/a
الحالة :
بالظبط كلامك مظبوط واقعى جدااااااااا
انا اللى خلانى انزل السعر بالطريقه دى
انى اصلا كنت عارضه العربيه من شهر 10 تقريبا و نزلت اعلان فى الوسيط لكن اللى حصل كالاتى
فى اول يوم للاعلان:
اتصل طبعا ناس كتير
اول واحد جه قالى انا ظابط و معرفش ايه عربيتك جميله لو حتديهالى ب 30 حخلص دلوقتى
قلت له شكرررررررررررررا
تانى واحد جه مهندس شاب حوالى 25سنه و معاه ميكانيكى
العربيه جميله ووووووووووووو و سبتهم طلعوا بيها رغم ان ده غلط لكن بينت حسن النيه و انى ضامنه عربيتى
الناس تاخدها و يطلعوا يجروا عالبحر
اووووك مفيش مشكله
المهم بدأنا شوط الفصال انا اخوكى الصغير حلاوه و بابا مش حيدينى الا 35 الف و بابا و بابا و بابا
قلت له مينفعش
المهم من هنا لهنا قالى اوك 39
قلت اوك و انتهى من الفيلم ده
الكلام ده الساعه 6 و كان واقف هو و الميكانيكى حوالى ساعه و نص قبلها فحص للعربيه
و قالى مبروك و نقرأ الفاتحه ههههههههه
و قالى بس الساعه 8 علشان بابا دقه قديمه اجى اخد العربيه و نرفعها فى البنزينه
قلت له ماشى
جبت له ابن خالى راح معاه من 8 ل 11
و لاحظ ان طول الفتره دى كل اللى يتصل او اللى يجى و فعلا فى واحد جه اقوله خلاص اتباعت
رجع لى البيه و معاه ابوه و اخوه الكبير
بصراحه ابن خالى كلمنى قالى انزلى انا توقعت جاب الفلوس او عربون و حيخلص
لكن هيهات
فصاااااااااااال
و ابوه راجل كبير يقولى انا دكتور زى والدك حتنزلى لى كام
و اخوه بكلمه و هو بكلمه
و اكرمينا و معرفش ايه قلت لهم و انا لما اشترى زيرو مين حيكرمنى و اكمل مين انا عامله حسابى على مبلغ معين
المهم قلت لهم هو كان اتفق معايا و بوز لى البيعه و بقيت اقول للناس انها اتباعت عموما مش مشكله
يجى باباه يدينى موبيله و لو حتبيعى ب 37 كلمينا
قلت له عنيا
تانى يوم 9 الصبح الولد مكلمنى
ملكيش دعوه بكلام بابا انا اللى حشترى و حدفع و حكلمك الساعه 2 اقولك جى امتى
يتصل 2 اصل بابا مش موافق ب 39
بقيت اقول انا اللى غلطانه انى بصدق عيل
بتاع بابا
رجع بعد يومين اخوه يتصل
بصراحه بهدلته
كنت سايقه و فى الشارع بقيت اصرخ و الناس بتتفرج عليا
مش حبيع
انا مش مرتاحه لكم
و قفلت فى وشه
دى عينه الناس اللى بتشترى
و كتير بقى زى ما انت قلت يبص للباب او القايم يقولى دى مخبوطه
احس بصدمه
مخبوطه فين حرام عليكم
طب حنكلمك تانى
طب لو نزلتى السعر كلمينا و هكذا
و ده اللى خلانى اخلص مع الراجل ده
لان مرارتى اتفقعت من كلام و افعال الناس
و من كل واحد يقعد يجرب و يهز فيها و يسوقها بتهور
عايز اشوف الموتور عايز اسمع فيها كبالن و هكذا
و قدر الله و ما شاء فعل
المشاركات : n/a
الحالة :
رقم العضوية : 1862
تاريخ التسجيل : 22Aug2007
المشاركات : 5,726
النوع : ذكر
الاقامة : Cairo Elobour
السيارة: maruti
السيارة[2]: Gen-2
دراجة بخارية: no
الحالة :
كلامك صح جدا بس دا مش حديث خالص
بالنسبة لموضوع العربيات انا لسة بايع عربيتي لواحد جاب اتنين يتفرجو عليها رغم انها في الاخر كانت 128 المهم قعدو يفاصلو و بعدين اتفقنا على السعر و الولد قاللي انه عايز توكيل عشان العربية محتاجة سمكرة و دوكو على بال ما يرشها (قاللي شهر واحد و اكون مسجلها متقلقش) كلمته من يومين قاللي انا مش هسجل قبل 2009 عشان ممعييش فلوس ارشها ........حسبي الله و نعم الوكيل
انامن رايي ان الواحد لو ناوي يبيع لما ييجي يعمل رخصة للعربية يعملها سنوية بحيث لما ييجي يبيع ميقلقش من موضوع التوكيل اما لو مش ناوي بيع ممكن يخلي الرخصة سنتين تلاتة زي ما هو عايز
ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس
رقم العضوية : 1162
تاريخ التسجيل : 24Jun2007
المشاركات : 411
النوع : ذكر
الاقامة : Mansoura/Canada
السيارة: none
السيارة[2]: Tiggo CVT
دراجة بخارية: none
الحالة :
رجاء ياخوانا لاتندرجو فى الشتائم على احد وحتى لو كنت متاكد من ظلمة وكذبة وحسابة عند ربة ودرس من دروس الحياة حتى لا نجعل العاطفة تحكم تصرفاتنا = يجب ان نتفحص جيدا من يستحق المعروف ومن لايستحق = وربنا يعوض على السندرلة
اللهم ما أصبح بى من نعمة أو بأحد من خلقك فمنك وحدك لا شريك لك فلك الحمد ولك الشكر
المشاركات : n/a
الحالة :
المشاركات : n/a
الحالة :
رقم العضوية : 2452
تاريخ التسجيل : 04Oct2007
المشاركات : 8,022
النوع : ذكر
الاقامة : ج ع ع .... للآسف الشديد
السيارة: Proton Gen2 ...2007
السيارة[2]: Proton Gen2 ...2007
دراجة بخارية: لا يوجد
الحالة :
رقم العضوية : 3478
تاريخ التسجيل : 28Nov2007
المشاركات : 1,656
النوع : انثى
الاقامة : الهــــــــــــرم
السيارة: تويوتا ياريس
السيارة[2]: هوندا سيفك
دراجة بخارية: لا يوجد
الحالة :
الصـــــراحه الموضوع ده بئه كثير اوووووى لدرجه انى زهقت وحسيت ان ده طبع فينا كمصريين
يعنى الفهلوه دى متعه انك تاخذ شى باقل من سعره مع ان ده مش من الدين ( ولا تبخسوا الناس اشيائهم )
واللى يغيظ اكثر بئه ان البنت لما تيجى تبيع لواحد يقعد يتمسكن ويتقطع وشويه هيشششحت عشان خاطرى ده انا ذى اخوكى دى هديه منك لاخوكى
انا فى واحد اعرفه جيت ابيع وهو عارف انى مزنوقه فى فلوس محتاجه كاش و اتفقنا على سعر وهو مقتنع وعاررررف ومتاكد انى ببيع وانا خسسسسرانه فى السعر يعنى هو كسبان اكثر من حقه
اليوم اللى هيدفع لى الفلوسسسسس بهدلنى يقولى ده انا مزنوق وهتجوز ومعرفش مليون قصه وفيلم عشان انزل فى السعر اللى اتفقنا عليه مسبقا ( اللى هو سعر بخساره عليا طبعا )
ومرضيش ابدا والله العظيم اتكسسسسسفت واتحرجت من كثر ما اتحايل عليا ووصلت لدرجه انى هقوله خلاص خدها وخلصنى
قالى انا هاخذها هديه لمراتى واعتبري السعر اللى هتنزليه ده كانك جبت لى هديه جوازى
احرجنى اكثر وعشان انا محتاجه لكاش وقتها بعت ونشف ريقى على ما دفع لى باقى الفلوس
وبعدها باسبوع لقيته عارضها للبيع بسعر اعلى من سعرها فى السوق
الصراحه كان نفسى اولع فييييييييييه
والصراحه الاكثر بئه
ان الرجااااااااااااله بيسسسسستغلوووووا الستات فى اى بيعه
والصراحه اللى تغيظ ان الرجاله برضوه بيشتغلو ا الستات فى الشراء يعنى فى الحالتين بيع او شرا الستات بيضحك عليهم
ده انا ليا 4 شهور عاوز اشترى عربيه ومش قادره عارف ان مليون واحد هيعملى فهلوى ويعمل لنفسه مصلحه
احنا لو نلغى قصه مصلحه وسبوبه وفهلووووووه وشطاره دى كانت مصر بقت بخير
المشاركات : n/a
الحالة :
رقم العضوية : 3233
تاريخ التسجيل : 16Nov2007
المشاركات : 4,415
النوع : ذكر
الاقامة : El Haram
السيارة: FSO Polonez 1990
السيارة[2]: Hyundai Verna 2008 LS
الحالة :
انا بأه شفت الويييييييييييييييل في بيع عريتي ال 127
مواعيد ملخبطه وفصال بايخ و ناس ترجع في كلامها و سمسره و بصراحه بتكره نفسك و الدنيا
للاسف هوه ده حال البيع و الشرا في بلدنا
المفضلات