عايز اركب تكييف لفيلشيا 96

**amir** · 22-04-2010 12:47 AM

المشاركة الأصلية كتبت بواسطة hishammb

السلام عليكم يا استاذ امير
واضح ان حضرتك خبره في الفليشيا و انا كنت عاوز اخد راي حضرتك في الفليشيا ٢٠٠٠ يعني فكره عامه و عن سحبها و تكيفها
و جزاء الله كل خير

ربنا يكرمك خبرتي كلها من احتكاكي بالعربيه مش اكتر
العربيه الوحيده اللي كرهتني في الفيليشيا بتاعتي كانت موديل 2000 اللي هو انجكشن مش كاربيراتير
سحب متفوق عن اختها تماما
اداء رائع
عاليه سنه عن الكاربيراتير
الزجاج الكهربا ميزه حلوه و هتفهمني لما تقف تسأل علي شارع و انت سايق و قافل القزاز اللي جنبك مع انه قدام بس الا انه مفيد جدا
التكييف فيها اكيد حلو (ليه بقي اكيد لأن اللي جربتها كانت محتاجه شحن فريون) و كون الموتور انجكشن فأكيد التأثر بالتكييف بسيط عن الكاربيراتير

**amir** · 22-04-2010 01:01 AM

المشاركة الأصلية كتبت بواسطة وائل عطية

يا أبو أمير مين قال لا تقربوا الصلاه وسكت ؟؟
الكلام مفسر بعضه وخلاصته "على حسب ما فهمت" إن العربية هاتقرفك وكل شوية عند الصنايعية..وفي أحسن ..مش دا اللي اتقال برده؟؟
ما هو لو الوضع كده فعلاً تبقى عربية فاشلة ...هو مين أصلاً حابب تضييع وقته عند الصنايعية
يبقى من الأولى كنا نقول للراجل ابعد عن العربية دي..علشان يبقى الكلام حاسم وقاطع..
مفيش حاجة اسمها طعام زيد سم لعمرو !! في أبيض أو أسود مباشرة
أرجو أن تتفهم كلامي يا حاج أمير ..والاختلاف في الرأي لا يفسد للود قضية ..ولك كل الود

معلش نسيت ارد عليك
الفيليشيا عربيه حلوه و ممتازه خصوصا بالسعر اللي بتتباع بيه مستعمل
مشكلتها ان في ناس من ملاكها فاكرينها تدور و تركب و تحطلها بنزين
انما يزبط عفشه
ينضف كاربيراتير و يظبطه
علبه الدركسيون
و شويه تظبيط خفيف يعني
كل فتره من 2 الي 3 شهور بس
انا دايما بحافظ علي حاجتي و كنت بعمل كده في الفيليشيا بصفه دوريه حتي لو مش بشتكي من حاجه معينه كنت علي الاقل بنضف فلتر الهوا و اغير فلتر بنزين و ربنا يبارك للراجل اللي اشتراها مني "مستني اليوم اللي يشارك فيه في المنتدي و ييجي هنا و يتكلم عن العربيه و عامله معاه ايه"
و بعدين طعام زيد سم عمرو فعلا
متنساش ان الماديات بتحكمنا تماما في اختيار العربيات
يا كده يا كلنا بكره هنركب x3 x5 x6 316i 318i و باقي اكسات و فئات البي ام و العربيات الفخمه دي
فممكن الفيليشيا تكون عربيه احلام حد في المنتدي بس خايف من اللي سمعه عنها
و بسبب السماع الوحش ده ممكن يرهق نفسه ماديا او يشتري حاجه تانيه بحاله سيئه و يصرف بعد كده عليها كتير كل شويه
و الفيليشيا عربيه مظلومه تماما في النقطه دي
دي عربيه الماني يا جدعان متجمعه في التشيك
و قطع غيارها تركب و تنسي اسم القطعه اللي انت ركبتها
و ثبات و صاج و اتساع و شكل راقي (عن نفسي بفضل تماما وش الاوكتافيا عليها مديها رونق خاص ده غير التابلوه و الطاره المميزين)
فمش معقوله كل واحد هسئله تفصيليا معاه كام و قادر يصرف و ينزل يظبطها و كده اكيد كل واحد فينا عنده خصوصياته اللي ميحبش حد يعرفها عنه مابالك واحد لا شافه ولا يعرفه قبل كده
و للاسباب دي بسئل بس عن امكانيه انه يتعامل مع الصنايعيه لأن لو معندوش القابليه دي يبقي هيتعب مع العربيه خصوصا ان مش كل الميكانيكيه شاطرين في الفيليشيا
و متقلقش انا متفهم كلامك و سعيد بكلامك كله

**amir** · 22-04-2010 01:40 AM

المشاركة الأصلية كتبت بواسطة hishammb

شكرا علي الرد السريع
هوا بيقولي انوا لسه مغير موتور العربيه علشان الموتور القديم كان فيه مشاكل و كان حيكلفوا ٢٥٠٠ فقال اجيب واحد استعمال ب ٣٠٠٠ احسن و بيقولي ان الموتور الجديد كفاءته ٩٠ في الميه
و بيقولي انوا مجهز لي التكييف بس لازم اشتري تكييف ب ١٠٠٠ جنيه
انت ايه رايك في الحوار ده
و لو ممكن لو سمحت تقولي علي واحد كويس في القاهره اكشف علي العربيه عندوا علشان انا من اسكندريه و حنزل اشوف العربيه في القاهره ان شاء الله

شامم ريحه حوار
بالنسبه للموتور الراجل عداه العيب طبعا و شرا احسن من تصليح
بس واضح انه كان بيتعامل مع ميكانيكيه نص لبه و بوظوله الموتور " الا لو كان هو اللي جاب اخره" و هل ده مثلا من سواقه ولا رادياتير فاضي و طير وش السلندرات و خد بالك ان موتور الفيليشا من الالومنيوم و مفيش امكانات فيه للحامات و الدق
بس انهو تكييف دجه اللي بي 1000 ده كلام مصاطب
التكييف ب 3000 جنيه شامل الكمبروسيور "روح التكييف" و السربنتينه و باقي الاجزاء و اغلاهم الكمبروسيور
و علي فكره كل العربيات فيها فيش التكييف في التابلوه فبلاش كلام المصاطب بتاع مجهز تكييف
كلامك معاه ينشف شويه و تسأله قبل ما تخبط مشوار
العربيه ايه الكماليات اللي فيها فابركيه مش تركيب
الفيليشا كان بينزل منها:
سنتر فابريقه لوحده
تكييف لوحده
و بالنسبه للموديلات الانجكشن فكان بينزل منها بالتكييف و القزاز الكهربا
فكده التكييف عنده متشال من العربيه
حاسس بحوار و مش متطمن
بس خد نمره الميكانيكي ده 0124264832 اسمه علي الزفتاوي جنب الوفاء و الامل طريق الحي العاشر
قوله اني باعتك و متقاوحش معاه لا في شغل ولا في فلوس و هتاخد منه الخلاصه

**amir** · 22-04-2010 02:08 AM

المشاركة الأصلية كتبت بواسطة hishammb

الف شكر يا باشا علي المعلومات الجامده دي انا كده عرفت انا رايح فيين و جاي منيين
اصل انا لسه طلعه في دمغاي امبارح اجييب العربيه دي للبيت و عمري حتي مساقلت عليها
انا عجبتني اوي موديل ٢٠٠٠
بس انا مش لقيها خالص في السوق مش عارف لييه
طيب لو العربيه دي طلعت اوت ايه رايك في الفليشيا ٩٨ هوا فيه منها وش اكتافيا فعلا

من اول 98 وش اوكتافيا
و المودبلات الانجكشن كانت 2000 و 2001 تقريبا
و مش هتلاقي منهم للبيع كتير لأن اكيد اصحابهم مش بيفرطو فيها زيي
بس ان شاء الله توفق في بحثك