ربنا يوفقك لما فيه الخير
الفيليشيا زي اي عربيه بتحتاج صيانه و ده اللي الناس مش بتاخد بالها منه
موضوع السخونه بيكون بسبب كسر ترموستات الكوعه نتيجه غسل دوره التبريد في البنزينه و ده بيخنق دوره المياه و لازم الترموستات دي تتفك و تتشال
ساعات كتير الرادياتير بيكون منتهي و محدش بيهتم انه يشتري ماركه نضيفه
طبعا الميه الخضرا و بلاش ميه الحنفيه نهائي
مراجعه ترموستات الرادياتير و تغييرها بالاقل ان كان متاح
خد بالك برضو العيب التاني الشهير
تقل الدركسيون
معظم ملاك الفيليشيا بتكون علبه الدركسيون عندهم محتاجه شغل عند العفشجي ولا هما هنا
و طبعا تزبيط الكاوتشات من تغيير او ملئ بالهواء بصفه دوريه
العيب الاخير المشهور صوت الماتور و دجه بيحتاج تغيير سير الكاتينه الجنزير بواحد جديد
شفت بقي ان مشاكل الاسكودا فيليشيا نابعه من اهمال ملاكها؟
الفيليشيا مظلومه مظلومه في مصر و خد بالك و انت بتشتري تحط رجل علي رجل و مترضاش بحاجه وحشه
طبعا لو هينفع تزود ممكن تفكر في الفابيا لأنها انعم و احدث
المفضلات