فلتر التكييف

**Amr_tika88** · 16-04-2010 04:09 PM

عندي سوالين واحد بخصوص فلتر التكيف عايز افكه وانضفه بس هوا مكانه فين وبيتفك ازاي ويتنضف بايه العربية واجا 2006
تاني حاجه
مياة الرايدياتير بتتغير كل قد ايه وايه افضل الانواع واغير فين وايه رايكو في الغسيل بتاع الريدايتير في البنزينه
وفي سوال تاني
محدش يعرف حد بتاع مكن قزاز يكون كويس ونضيف وفي نفس الوقت مش غالي علشان عندي مشكلة في مكنه القزاز انا عموما من مدينه نصر وشكرا لحضراتكم

**ramyar** · 16-04-2010 07:24 PM

المشاركة الأصلية كتبت بواسطة political_tika88

عندي سوالين واحد بخصوص فلتر التكيف عايز افكه وانضفه بس هوا مكانه فين وبيتفك ازاي ويتنضف بايه العربية واجا 2006
تاني حاجه
مياة الرايدياتير بتتغير كل قد ايه وايه افضل الانواع واغير فين وايه رايكو في الغسيل بتاع الريدايتير في البنزينه
وفي سوال تاني
محدش يعرف حد بتاع مكن قزاز يكون كويس ونضيف وفي نفس الوقت مش غالي علشان عندي مشكلة في مكنه القزاز انا عموما من مدينه نصر وشكرا لحضراتكم

استاذي العزيز بخصوص مكان فلتر تكيف الواجا اوعدك لما اخلص شغل هكلم واحد صاحبي واشوف عربيته واقولك مكان الفلتر فين
وبخصوص التنظيف بيكون باستخدام فرشه ولازم يكون شعلر الفرشه حنين عشان الفلتر مصنوع من الكرتون المقوي
وبخصوص مياه الردياتير يستحسن انك تغير المياه في التوكيل لانم مياه الردياتير ليها تركيبه خاصه وان شاء الله النهارده هقولكم التركيبه بتاعت مياه الردياتير المستخدمه في عربيات بروتون و بي النسبه لغسيل الردياتير طالما مياه الردياتير وانتا بتفرغها لقيتها نازله نضيفه يبقي الردياتير نظيف لاكن انتا ممكن تنظف الردياتير في اي بنزينه كويسه يكون عندهم الجهاز الي بيعمل سيركوليشن او بي البلدي تدوير لدائره التبريد
واخير في واحد بتاع مكن زجاج في شارع شمبليون جنب ابو طارق بتاع الكشري الراجل ده كويس جدا وامين

**Amr_tika88** · 17-04-2010 01:50 AM

ياريت حضرتك اسمه ورقم تليفونه يااستاذ رامي لو مفيهاش تعب على حضرتك
وشكرا لردك على استفساري

**ramyar** · 17-04-2010 01:55 AM

والله انا مش فاكر لان عملت عنده شغلانه من فتره لاكن حضرتك ممكن تروح شارع شمبليون وانتا جاي من عند دار القضاء العالي وبعد الشارع الي فيه نقابه المحامين هتمشي علطول واول ماتشوف ابو طارق باين قدامك اركن علي اليمين هتلاقي الراجل ده علي يمينك
او في حاجه تاني اسهل اسال علي جمال الدين انيس بتاع قطع غيار الفور والديهاتسو وهتلاقي الراجل ده امامه علي طول علي الشارع