طب يا ريت لو حد هيروح يسألي على مرايات النوفا موديل 1997
لأن الي عندي باظوا وهموت وأجيب زيهم
عرض للطباعة
طب يا ريت لو حد هيروح يسألي على مرايات النوفا موديل 1997
لأن الي عندي باظوا وهموت وأجيب زيهم
فيه بيع فى منفد الشركة اللى فى وادى حوف وبنصف التمن
وموجود هناك الاستاد مجدى وومكن تروحوا وتسالو
هل يا جماعة عندهم قطع غيار الريجاتا برده ولا دوجان وشاهين بس؟؟؟؟؟؟؟؟
السلام عليكم
انا لسه شارى من حوالى شهرين طقم سرفيس كامل سيور وبلى وفلتر وبوجيهات للعربيه بتاعتى من عندهم فرع غمره قطع الغيار اصليه طبعاً بس السعر اعلى من بره بحوالى 25% يعنى تيل الفرامل عندهم 70 بره ب45 جنيه بلية الشداد 70 جنيه بره ب50 قيس على كده كل الحاجه بس انت ضامن انها الأصلى والى اكدلى كمان انها اصلى مش مضروبه كنت عايز كاوتش كوبلن امامى مع الحاجه الى كنت بشتريها والموظف الى هناك الى بيكت الطلبات بتاعتك قالى لأ مافيش طب ما تدور قالى بص حضرتك هو فيه عندى كاوتش كوبلن بس مش هقدر ابيع منه طب ليه يا عم قالى انه غير مطابق للمواصفات الى الشركه طلبها من المورد عشان كده مابنبعش منه وده الى طمنى انهم بيبيعو قطع غيار اصليه بالنسبه للأخ الى بيسأل على مرايات النوفا انا كنت سألت عليها فى فرع غمره قالى هتلاقيها فى فرع وادى حوف حلوان والى اعرفه انه عندهم قطع غيار نوفا وشاهين فقط والراجل الى هناك قالى انهم مستنيين شحنة قطع غيار جيالهم اه فى حاجه تانى هما بيضيفوا ضريبة المبيعات عليك كمان غير تمن قطعة الغيار
شكرا لحضرتك على التقرير الوافى
بس ممكن اعرف البوجيهات نوعها ايه وبكام
ومن كلامك ومن تجاربنا طبعا
الافضل نشترى قطع الغيار من عندهم حتى لو غاليه
بس اصليه اشتريها مره غاليه
احسن مااغيرها 3 مرات مضروبه
والله يا ابو هاشم بك انا مش فاكر نوع البوجيهات ايه بس هى يوغسلافى وهى 4 فى كارت زى البوجيهات اليابانى الى اسمها ان جى كى وفعلاً تشترى حاجه غاليه حبتين عن بره احسن ما تشترى مضروب اكثر من مره
محدش يعرف حاجه الفترة دى ؟؟ هل منفذ البيع اللى فى وادى حوف شغال وفى حاجات ولا خلاص بطلو يبيعو ؟؟؟