في موضوع سابق طرحت بعض المعلومات عن اللانسر الجديدة و ما جمعتها كلها بنقس الموضوع
و اليوم هتابع ببعض المعلومات يمكن تكون معروفة أو بسيطة بس ممكن تفيد البعض ....
- السيارة يجي فيها KeyLess Operation يعني فيك تشغل السيارة دون المفتاح
- لما تفتح السيارة بالريموت كونترول ا ذا ما فتحت الباب بعد 30 ثانية تقفل وحدها
- بعد الدخول للسيارة و تشغيل المقفتاح ( على البطارية دون مارش ) شاشة الكومبيوتر ترحب بيك و تقول HELLO
- اذا حاولت تدور المحرك و الفيتيس على D , 2,3,L الشاشة تنبهك و تقوللك انتا حاطط D ياشاطر (هي من عندي يا شاطر)
- طبعا أول ما تمشي ينبهك زمور الحزام , و اذا طنشت و ما اهتميت بتصير الشاشة تضوي و تطفي و ترسملك حزام كبير طول ما انت ماشي
حتى تربطه ( طبعا أنا حليت المشكلة بوضع الحزام من وراي )
- الشاشة تعطي المعلومات التالية طبعا تنقل بينها بزر ال Info :
lموعد الصيانة التالي + عدادين رحلة + تقدر تشوف معدل صرف البنزين بالرحلة + تعطيك مصروف البنزين حسب ما انت داعس ( متل الفيكترا ) +ممكن تعرف معدل سرعتك من وقت ما مشيت + ممكن تشوف عن طريقها نظام الانذار و معلومات تانية ما اتعمقت فيها صراحة
- طبعا مكيف الأوتو متل كل السيارات
-نظام الصوت و هو أروع شي و هو CD Mp3 مع 4 سماعات و 2 تويترز و السماعات صوتها رهيب و المسجلة متل أي مسجلة ستيريو حديثة و هي 140 وات و فيها كل مواصفات مسجلات ال Mp3 من Equalizer و أنماط تشغيل + ذاكرة لحفظ الإعدادات + تعطيك أسماء الأغاني و المجلدات اللي انت عاملها + فيها نظام التحكم بشدة الصوت حسب سرعة السيارة و عفكرة صوت ال Bass بالسيارة اذا رفعته على الاخر السيارة بتصير ديسكوتك و تصير ترقص من جوة و تخلي كل مين بالشارع يدق قلبه طبعا كل هاد بموديل اللانسر 1.5 فكيف اذا الواحد أخد ال 2.0 Gt واللي بيجي فيها نظام روكفورد 650 وات + السيارة فيها كونترول على الدركسيون بالأوديو سيستسم
و نسيت قول ان السيارة تنبهك بس يصير في احتمال ضباب في الطريق ( على الشاشة ) و تنبهك اذا في احتمال طريق متجمد على الشاشة كمان و الشاشة لونها الطبيعي أحمر و إذا في أي شي طارئ أو تنبيه يصير لونها أصفر
و إذا بتذكر أي شي جديد رح ضيفه ..... شو رأيكم
المفضلات