السلام عليكم ورحمة الله وبركاته....
كنت عايز اعرف العمليات بتاعت الشرائح والمسامير الحد الأقصي لتكلفتها كام العملية هتتعمل في الساق لسواق مصاب في حادث وهل تتحمل الحالة السفر لمسافة طويلة لأجراء العملية ولا لازم عند اقرب دكتور ارجو الأجابة بسرعة ضروري .
هي اي المشكلة بالظبط؟؟ والكسر فين؟
الحقيقة معرفش الكسر فين بس الموضوع وما فيه ان فيه واحدة زوجها حصلتله حادثة وقفت بيه امام المسجد الجمعة اللى فاتت وتم تقديم مساعدة ليها جات خبطط علينا من شوية بتقول انها محتاجة فلوس علشان زوجها هيعمل عملية بكرة سألتها ايه هي العملية دي بتقول تركيب شرائح ومسامير قولتلها العملية هتتعمل فين بتقولي في منيا القمح:8954[1]: طب العملية هتتكلف كام قالت 500ج :colsmil:الصراحة انا شاكك فيها من كلامها يعني زوجها يقعد اسبوع واكتر وبعد كده هتعملله عملية هتنقله من العبور لمنيا القمح انا اخذت رقم تليفونها وقلتلها لما الحاج ييجي هخليه يكلمك ومش عارف لسة هتصرف معاها ازاي.اقتباس:
المشاركة الأصلية كتبت بواسطة أم حمـــاس
على فكره انا اعرف ناس برده كده
فى كسر فى الرجل والدكتور جبس على طول وبعد كام يوم ركب شريحه
انا الموضوع ده حصل لوالدي من 4 اشهر وفعلا عادي عمل العمليه بعدها ب6 ايام تقريبا بس اهم حاجه رد الكسر وحط تحت كلمه رد الكسر ديه ميه خط والعمليه كانت شريحه ومسمارين في الكاحل اتكلفت 8 الالف جنيه في مستشفي الحلميه العسكريه للعظام
تركيب الشريحة ممكن في أي وقت بعد الحادث لأن ممكن يكون بعد إعادة الكسر لسوء الالتحام .
500 جنيه ده أساسا ما يكملش تمن المسامير و لا الشريحة
الشرايح الميني بتاعة الفك اللي بنشتغل بيها تمن الخرم من 80 -150 جنيه
و تمن المسمار حاجة كده برضه
يعنى الشريحة بتاعة الفك لو طولها 5 خرم تعملها مستريح فوق ال1000 بندق .
شوف بقى فرق الحجم في الساق و حجم الكسر و احسب انت
يا اخى العزيز انا واحد صحبى عمل حادثة واضر يركب شرايح ومسامير
ركب شريحه واحدة و11 مسمار تكلفتهم 65 الف جنية غير تمن العملية
فمابالك بقى
يا صحبى دى ولله اعلم بتبقى حركات شحاته جديدة بس برضة لله واعلم لانى مش عايز اقولك اكيد شحاته احسن اكون غلطان بس برضة اسئل واستفسر
بص ياباشا لو انت قلقان من كلامها قول لها روحي مستشفي الجامعه في الزقازيق ولو عاوز حد يساعدها في دخول المستشفي انا ليا واحد قريبي هناك
العمليه بتاعتي اتكلفت حوالي 20,000 جنيه او ازيد (عمليه + شراء مسمار نخاعي) فقط...
بس لو خدت المسمار زي (استعاره) و مضيت تعهد انك بترجعه تاني للمستشفى بعد سنتين او ثلاثه
(على حسب الحاله) لأن المسمار ممكن يتشال تاني بعد فتره, ممكن السعر يقل لكن مش كتير...
يعني انا المفروض بعد سنه و نص من دلوقتي اعمل عمليه تاني و اشيل المسمار اللي في رجلي..!!
500 جنيه ده رقم مستحيييييييييل بكل الأشكال اللي في الدنيا... في حاجه غلط كده
عمليات المسامير و الشرائح طبعاً بتكون على حسب الحاله لأنها بتحدد كمية المسامير و الشرائح المطلوبه
و لكن بشكل عام من 6000 او 8000 جنيه, و انت طااااااالع....
ربنا يشفيه و يقومه بالسلامه يا رب....
بفضل الله ثم بتحرياتي وكلامكم الست طلعت صادقة علي حسب كلام اناس ثقة سألتهم عليها وبالنسبة للمبلغ اللى قالت عليه فأنا معرفش هي دي التكلفة الأجمالية ولا ده اللى ناقص من الفلوس بتاعت العملية انا كنت فاكره مبلغ مبالغ فيه لكنه طلع صغير اوي بالنسبة للي انتم قلتوه وجزاكم الله خيرا علي حسن تعاونكم الواحد والله فعلا حاسس انكم قاعدين معايا في نفس البيت محدش بيتأخر في المساعدة.:stink[1]:
ربنا يشفيه يارب
بص يا باشا فيه كسور لازم تتعمل في اول 8 ساعات اخرك 24 ساعه دي نوع من الكسور في مفصل الفخذ
وفيه كسور ممكن تقعد كام يوم عادي بس الاحسن قبل اسبوع
500 جنيه رقم مستحيل تماما اقل سعر ممكن تجيبه لابسط كسر حوالي 3 او 4 تلاف
التجبيس بالاشعة في مستشفى حكومة بيعدي المتين جنيه
خمسميت جنيه ما يعملوش عملية اللوز اللي هي مش عايزة مستلزمات جراحية زي المسامير و الشرايح