السلام عليكم
مبدئيا لو انت فى مسطرد هاتكمل فى طريق شركات البترول كأنك رايح على الخصوص وتعدى مدخل مدينة الخصوص اللى على اليمين وتكمل هاتلاقى الطريق الدائرى فى وشك هاتعدى من تحتيه وتطلع الطلعة بتاعته اللى على اليمين
كده انت ماسك الطريق الدائرى فى اتجاه الهرم وميدان الرماية هاتاخد الطريق على طول هاتقابلك نزلات كتير(بهتيم ثم نزلة شبرا الخيمة طريق مصر اسكندرية الزراعى ثم نزلة القناطر الخيرية ثم نزلة الوراق ثز نزلة القومية العربية وبعدين هاتلاقى نزلة المحور وطريق مصر اسكندرية الزراعى وهى ديه اللى هاتنزلها هاتخد النزلة يمين وخلى بالك علشان النزلة ديه هاتلاقيها مستخبية شوية مش ظاهرة قوى بس انت كده مسكت محور 23 يوليو اتجاه طريق مصر اسكندرية الصحراوى ومدينة 6 اكتوبر هاتكمل على طول هاتلاقى نزلة يمين بتاعت طريق مصر اسكندرية الزراعى سيبك منها وهاتكمل على طول هاتلاقى هاير وان على يمينك وده على اول المدخل لمدينة الشيخ زايد هاتكمل على طول لغاية لما تدخل مدينة 6 اكتوبر
ديه حدود معرفتى لغاية لما توصل مدينة 6 اكتوبر ومن هناك تسال على هدفك
ارجو ان اكون اوضحت
المفضلات