موضوع جديد حبيت اطرح الموضوع بصيغه سوال وجواب
وكمان حبيت اغير طريقه التوبيك عشان الناس ماتزهقش
اتمني ان التوبك يفيدكم ويعجبكم
جاهزين نبتدي:E_braces[1]:
بسم الله الرحمن الرحيم
ماذا تعرف عن دائره التزيت في بروتون ؟؟؟
طبعا كلنا بنغير زيت للعربيه وكمان فلتر لكن ايه الهدف من الزيت وايه مكونات دائره التزيت ؟؟؟
الغرض من عمليه التزيت هو : وضع غشاء رقيق من سائل لزج بين سطحين متلامسين واحد منهم متحرك والتاني ثابت وطبعا السائل ده هو زيت التزيت وده لمنه او لتقليل تلامس الجزئين مع بعض ومن التاكل الناتج عن الاحتكاك .
الهدف من التزيت :
1- بيمنع الزيت تلامس الاجزاء المتحركه والثابته اللي بدوره بيمنع الاحتكاك والتاكل وعدم حدوث خدوش .
2- تقليل درجه الحراره والتبريد حيث يمتص الزيت الحراره الناتجه من الاجسام المتحركه والي بدوره بيطول عمر الاجزاء المتحركه وكمان بيساعد علي عدم تمدد الاجزاء ونقل الحراره الي الجو وعشان كده دايما نلاقي ان حوض الزيت المسمي بـ(الكرتير) دايما بيكون اسفل الموتور في اتجاه مرور الهواء ولزياده سرعه فقد الحراره من الكرتير , دلوقتي الكرتير بقي مصنع من سبيكه الانتيمونيه وطبعا المعروف عنها سرعه فقد الحراره وخفه الوزن .
3- الاحكام وده عن طريق وجود غشاء رقيق من الزيت بين الاجزاء المتحركه والاجزاء الثابته .
4- التنظيف حيث تلتصق ذرات الكربون والمواد الصمغيه في الزيت الي بيقوم الزيت بنقلها الي الكرتير وبعد كده الفلتر بينقي الزيت من الشوائب قبل ما تتم دوره زيت جديده .
5- تخفيف الضجيج حيث يقوم الزيت بعمل وسائد لامتصاص الاصوات الناتجه عن الاحتراق والعمليات المختلفه داخل الموتور .
: طيب ايه المواد والاضافات الي بتفرق الزيوت عن بعضها وبتخلي في فروق سعريه :
1- مانع الاكسده
2- مانع رغاوي
3- مانع شمع او صمغ
4- مانع تاكل
5- اضافات التنظيف واضافات تحسين معامل اللزوجه
6- وده الاهم مانع صدا
-----------------------------------
- طيب ايه هي اجزاء دائره التزيت -
1- حوض الزيت او الكرتير وده مش اكبر من حوض لتجميع الزيت .
http://www.9ower.com/uploads/images/...ea6015feec.jpg
2- مصفاه الزيت وظيفتها تنقيه الزيت من الرواسب الي حجمها كبير .
http://www.9ower.com/uploads/images/...554ebc93f5.jpg
3- طلمبه الزيت ودي عشان ترفع الزيت بضغط معين وبتقوم بضخ الزيت من الكرتير لاعلي نقطه في الموتور .
http://www.9ower.com/uploads/images/...614f95d028.jpg
4- فلتر الزيت وطبعا ده عشان ترشيح وتنقيه الزيت من ادق واصغر الرواسب والجزيئات المصاحبه للزيت .
http://www.9ower.com/uploads/images/...bdab0aeb1b.jpg
الصوره التانيه بتوضح دخول وخروج الزيت من والي الفلتر
http://www.9ower.com/uploads/images/...a0b6fc8fa5.jpg
الصوره التانيه بتوضح دخول وخروج الزيت من و الي الفلتر , وطبعا في جزئين تاني مهمين وهما :-
1- نظم الضغط الي بيحافظ علي ضغط ثابت لدائره التزيت .
2- حساس ضغط الزيت : وده المسئول عن تشغيل لمبه الزيت الي في التابلوه وده بيكون راكب علي دائره الزيت بعد الطلمبه وبيشتغل عن طريق الضغط يعني لما بنفتح الكونتاك بنلاقي لمبه الزيت منوره عشان مفيش ضغط زيت والموتور لسه ما اشتغلش وبمجرد ما الموتور بيدور بيتولد ضغط زيت عشان طلمبه الزيت ابتدت تدور مع الموتور وطبعا لانها متوصله مباره مع عمود الكرنك وعند توليد ضغط زيت يمر الزيت الي حساس الضغط وبيبعد نقاط التلامس عن بعض والي بدوره بيطفي لمبه الزيت الي في التابلوه
3- مقاس الزيت والهوايه
http://www.9ower.com/uploads/images/...b141d5ef30.jpg
طيب ياتري ايه الاجزاء الي محتاجه تزيت ؟
طبعا انا هتكلم عندنا في بروتون لان في عربيات تاني بيكون ليها اجزاء تاني محتاجه تزييت
1- عمود الكرنك والسبايك
http://www.9ower.com/uploads/images/...8f42f9c690.jpg
2- البستم والبنز بتاعه
http://www.9ower.com/uploads/images/...cc3e3041a7.jpg
3- الشمايز او الاسطوانات
http://www.9ower.com/uploads/images/...0df9a4d84f.jpg
http://www.9ower.com/uploads/images/...7642ac85a1.jpg
4- عمود الكامه والدلايل
http://www.9ower.com/uploads/images/...9fad9f4c19.jpg
http://www.9ower.com/uploads/images/...1783f20901.jpg
كده خلاص موضوع التزيت خلص
تعبت:fun_36_3_4[1]: كفايه كده النهارده يا تري حد فهم اي حاجه
في انتظار تعليقاتكم واي سؤال انا في الخدمه
تم تظهيــر الصور , ودمج المشاركه
شكرا جزيلا لصاحب الموضوع على جهده المميزه فى افادة الاعضاء
مشرف القسـم , ب8
1:06am
17/4/2010