متابع وشكرا
عرض للطباعة
متابع وشكرا
يااااااااارب
الكلام ده صحيح فعلا النهارده كنت فى توكيل رينو عملت تخفيض لأسعار بعض قطع الغيار للوجان و كنت بحاول اجيب لسته الأسعار الجديده بس مسئول قطع الغيار فى التوكيل مرضيش
اعتقد ان الموضوع ده مرتبط بان العربية نازلة ضمن مشروع تاكسي العاصمة...
الليلة دي شرفني العقيد / محمد ياسر لتركيب الفانوس الأمامي يمين و الحلية الفضية الموجودة أعلى الشبكة الأمامية .
شوفت فاتورة التوكيل
الفانوس 400 جنيه ، الحلية 575 جنيه
إجمالي :3_3_102[1]: 975 جنيه + 97.5 جنيه ض مبيعات = 1072.5 جنيه .
سيادة العقيد خالد ازيك يا باشا قسم اللوجان منور .... وبعدين معاك بقى فين يا باشا فرع اسكندرية
..........................
وان شاء الله نتطمن على سيادة العقيد ياسر وعلى عربيته وان شاء الله خير
..........................
فى نقطة عايز اتكلم مع حضرتك فيها ... وهى التخبط الادارى فى توكيل رينو وهو اكتر حاجة مضايقة ملاك العربية
ومش عارفين التوكيل كويس ولا لأ ولا عارفين يقيموه بسبب المواقف المختلفة اللى حصلت .. مثل
1- صيانة 5000 كيلو عملتها فى التوكيل بشكل جيد جدا وكانت الامور ماشية زى الفل الحمد لله
يجى ناس تانية تقولك صيانة ال 5000 سيئة جدا فى نفس التوكيل اللى عملت فيه الصيانة
2- سعر الفانوس اللى حضرتك كاتبه 400 جنيه .... انا شاريه من فرع العامرية النهاردة ب 500 جنيه
3- صيانة ال 1000 مجانية فى فرع وفروع تانية لأ
فين التنسيق وفين المصداقية ... يوم تلاقيهم كويسين وعشرة تلاقيهم فى الضياع
..............................
تخيل النهاردة مش عارفين يركبوا فانوس امامى للوجان واروح لحتة ميكانيكى جنب البيت عندى يركبه ب 20 جنيه وكان فرحان بيها جدا وشرحلى بالتفصيل كيفية ظبط الفانوس مع الرفارف
...............................
هل دة يرضى حد .... مش عارفين يركبوا فانوس .. يا لهوى .. بصراحة كدة انا النهاردة بعد اللى شوفته هناك عرفت ان ساعت الجد مش بتلاقى الخدمة المطلوبة
على الرغم من اعجابى الشديد بتوكيل رينو الا ان السلبيات زيادة عن اللزوم والسلبيات تحولت الى خيبة تقيلة بصراحة
النهاردة يقولى اصل الرفرف عايز سمكرة ... اقوله يا عم سمكرة ايه ما الرفرف زى الفل اودامك اهو يقولى لأ لازم سمكرة وتستلم العربية يوم الخميس ... عارف الراجل اللى روحتله عمل ايه فك المسامير بتاعت الرفرف شوية خلاها مريحة وركب الفانوس زى الحلاوة وراح رابط الرفرف تانى وكل حاجة زى الفل
...............................
الحمد لله ان العربية الصيانة بتاعتها مش صعبة ومش معقدة وسهل ان اى حد دماغه كويسة يشتغل فيها وان شاء الله دة الاتجاه اللى انا ناويه .. بالذات ان فى اماكن محترمة وناس عندها ضمير زى حضرتك كدة ممكن الواحد يتعامل معاهم
...............................
سيبك بقى من اللك اللى انا كاتبه فوق وقولى عامل ايه واحشنا كتيير ومش حتنازل عن فرع اسكندرية
انا ماليش دعوة عايزين فرع اسكندرية :fun_36_3_4[1]:
اتصل تانى بالتوكيل يا عمرو ووقلهم سعر الفانوس نزل عشان ممكن ميكنش عندهم علم - ده استعباط بس مش موضوعنا دلوقتى - ويتأكدوا من الاسعار عشان تأخذ الفرق
أنا اعتقد أنه مهما قلنا على التوكيل فى الكام يوم الى فاتوا لكن مش معقول هتوصل انهم ما يرجعوش الفرق ده مهما كان توكيل رينو برضه