مش عارف أنا حاسس ان مشاركات أعضاء الدايو قلت عن الأول ... ياترى ده حقيقي ولا أنا بيتهيألي ؟ لان كل ما أروح وأجي الاقي المواضيع هي هي ماتغيرتش الا قليل !! :11:
عرض للطباعة
مش عارف أنا حاسس ان مشاركات أعضاء الدايو قلت عن الأول ... ياترى ده حقيقي ولا أنا بيتهيألي ؟ لان كل ما أروح وأجي الاقي المواضيع هي هي ماتغيرتش الا قليل !! :11:
كل سنة وانت طيب يا عكاوى....عدينا ال6000 موضوع وال 80.000 مشاركة...
افتكر مع غياب الاستاذ ممدوح والاستاذ سمير المشاركات اكيد حتقل..
بس هى فترة وحتعدى بأذن الله...
هو غياب كبار منتدى الدايو هو المشكلة مهندس سمير ومهندس محمد ممدوح
والله أنا عن نفسى موش حفتح المنتدى كام يوم لحد ما يعود الجميع. ده انا حطيت مشاركة بسيطة عليها رابط للمنتدى الإجتماعى الخاص بالمهندس سمير علشان الأعضاء يهنوه إتحذف من الإدارة حتى بدون أن يخطرنى أحد ما الخطأ فى هذا بالرغم إنى كنت بطلب من الأعضاء يهنوه على هذا الرابط زى ما طلبت الإدارة حفاظا على النظام. :I_angr1[1]: و اتحذف.
والله الواحد بقا حريص جدا فى الكتابة لانى اتوقفت اسبوع قبل كده عشان قلت رايى بصراحة الادارة هنا مش بتفرق بين حد وده العدل فعلا وانا بحترم قراراتها ربنا يرجع لينا المهندس سمير بالسلامة ولا يحرمنا من موضوعاته
والله يا بشمهندس حال قسم الدايو ميسرش اليومين دول مش عارف ايه اللى حصل اتحسدنا بجد
ازمة وهتعدى ان شاء الله لاننا كلنا ايد واحدة وبنخاف على بعض
انا لما كانت بتحصلي مشكلة في العربية وانا مسافر الفجر كنت باكتبها وباتفاجئ برد المهندس سمير عليا في وقت قصير جدا...ودة يعتبر تصرف شخص مسئول عارف ان الناس محتاجة راية وانة لازم يكون جنبهم وهو كان قد المسئولية دي ...ودي حاجة باحيية عليها....وكذلك محمد ممدوح اللي لاحظت ان مشاركاتة قلت شوية معانا (لعل المانع خير) هو لازم يبقي واحد برة وواحد جوة؟؟؟؟؟
قله المشاركات معناها قله مشاكل الاعضاء مع السياره دايو معشوقه المصريين
في الاقسام التانيه في عندهم مشاكل كتير مع سيارتهم علشان كده مشركاتهم كتير
تحياتي للجميع
سلام عليكم
و الله انا كنت قلت وجهة نظر ليا من فترة قريبة في موضوع مشابه و كنت بانيها على ان عدد المشاركين في القسم في لحظة معينة بقى اقل من اقسام كتير في حين انه كان دايما متصدر - و دي تحسب للعربيتين و لرجالة القسم - , وجهة نظري خلاصتها , القسم مبني على عربيتين , اللانوس و النوبيرا , و العربيتين بحمد الله القسم قتلهما بحثا و جاب تقريبا كل كبيرة و صغيرة فيهم - و ده يحسب لرجالة و كبار القسم جزاهم الله كل خير - لدرجة ان بقى فيه كلام في التعديلات كمان
مافيش عربيات دايو جديدة , مافيش تقييمات للعربيات الجديدة زي الأقسام التانية , مافيش مشاكل بتظهر في الموديلات الجديدة , و بالتالي القسم مش بيتطور زي الأول
انا عن نفسى مش هشترك فى اى مواضيع لحد ما يرجع م/ سمير ده حتى موضوع المهندس سمير اتوقف ليه شكله كده اتحذف ....والله انا كنت داخل ع الموضوع ده بالتحديد بس مش لاقيه فقلت ادخل مع الاخ elakawy اقول رايى
و ليه متقولش ان تقريبا احنا غطينا كل حاجة ممكن اى مستخدم عادى يبقى عايز يسال عليها؟؟
يعنى لو دخلت قسم اهم الموضوعات حتلاقى لينكات لمواضيع بتغطى استلام العربية الزيرو و جدول الصيانة و اسعار قطع الغيار و اماكن الميكانيكية و الكهربائية و الصيانات الخفيفة اللى بيحتاج الواحد يعملها كل فترة و تعديل كل عيوب العربية و ملف كامل عن الاعطال اللى واجهها كل عضو و طريقة حلها...
يعنى من الاخر اللى حيحتاج يسال حيبقى اما مقراش قسم اهم الموضوعات او عندة حاجة معدتش على حد قبل كدة... صح؟
MMamdouh
يا جماعا انا ملاحظ ان اغلبية الاقسام التانية فيها شغل عننا لانهم ساعات بيدخلو مواضيع تعديل عربيتهم و الكماليات في قسمهم بدل ما يطرحوها في القسم بتاعها و احنا طبعاا مابنعملشي كده لان ببساطة قسم التعديل و الكماليات واقف بيئدنا و بمساعدتنا و اسائلو محمد ممدوح دا هو الشايل القسم هناك مش عارف نعمل زيهم ولا ايه؟
علشان كدة أنا عايز نبتدى ننظم كم المعلومات القيمة اللى فى القسم ده بالتحديد. يعنى نبتدى نجمع عناوين المواضيع فى مشاركة واحدة بحيث أى واحد مثلا يسأل عن الفرامل يجد مشاركة واحدة مجمع فيها كل المواضيع عن هذا الشأن. و كمات الرشاشات. البنزين..... وهكذا . و ده حيريح استشارى القسم بحيث يدخلوا عند اللزوم فقط.لأنى عارف أنهم أحيانا بيرضوا على أسئلة متكررة زى ما قلت يا باشمهندس محمد. بس بصراحة موش عارف إزاى:11: حفكر فيها قريبا بإذن الله.
فكر و دكتور و قوللنا اقتراحاتك و احنا معاك
MMamdouh
مش هانختلف بالتأكيد , بالعكس انا شايف ان الموضوع ده بدأ من زمان مع باشمهندس ممدوح الله يكرمه بتعديل الفرامل , و بعد كده تعديل فرامل ورا كمان
لكنه وقف شوية بعد كده - طبقا لمعلوماتي - و اظن انه ممكن يستمر , و لو تلاحظ انا و انت اتكلمنا في تعديلات الشكل , و نفسي في حاجة تزود التسارع :))) , فيه ناس اتكلمت في كده فعلا , فيه ناس اتكلمت في فرامل abs , و هكذا , المهم ان التطوير في سكتين , التنظيم , بمعنى اننا نوصل فعلا لأن اللي يدخل القسم يبقى مش محتاج حتى يعمل سيرش , و بالتعديلات , بس تبقى منظمة شوية
الله ينور يا باشا , ده اللي انا باقوله بالظبط
:)
عارف بقه بالاضافه لكلامك انا نفسي ف ايه ؟؟ :E_braces[1]:
من فتره وانا بفكر ف حاجه وهو ان الاداره تخصصلنا اقسام فرعيه داخل قسم الدايو والشيفروليه ويكون اسمه مثلا (خدمات الأعضاء للأعضاء ) وده يكون بعيد تماماً عن مجال السيارات , انا اقصد انها زي خدمات عامه احنا نقدمها لبعضنا ,,, لان احنا في مننا كتير شغالين (محامين , اطباء ( بمختلف الفروع ) , محاسبين , مهندسين ( بمختلف الفروع ) , .... الخ )
وبالتالي الاقسام الفرعيه هتكون مثلا :
1- قسم الإستشارات القانونيه
2- قسم الإستشارات الطبيه
3- قسم الإستشارات الماليه والمحاسبيه
4- قسم الإستشارات الفنيه والتقنيه (ويخدمه اعضاء منتدى الدايو من مهندسي الحاسبات و و و و)
................................ الخ
وكل عضو يكون عنده استفسار او شئ محيره في مجال معين يدخل على القسم الخاص بالنقطه مجال حيرته ويطرح موضوعه للنقاش العام مع المختصين , والاعضاء المعنيين بالموضوع يدخلو ويردو على المواضيع دي
وبالتالى حركه النشاط داخل قسم الدايو هتزيد وكمان الاعضاء هيحسوا انهم فعلا بيعملو حاجه كويسه جدا في خدمه بعضهم , خاصه و ان في بعض الأعضاء وانا واحد منهم 95% تقريباً من تصفحهم لنايل موتورز بيكون في القسم المهم بالنسبه لإحتياجهم وبس !!!! يعني انا شخصياً معظم معرفتي وعلاقاتي الطيبه بالاعضاء هم اعضاء قسم الدايو والشيفروليه فقط !!!
وكلامي وتفكيري ده نتيجه لاننا وبشكل منطقى مفيش فينا حد ميكانيكي مثلا , وده مع كامل احترامي للمهنه واصحابها
وبالرغم من كده فكلنا بنتكلم في السيارات وصيانتها وتعديلها كمان , والحمد لله في شغل حلو جدا بيتعمل في المواضيع دي والمشاركات الخاصه بيها
فما بالكم لو بدأنا نتكلم كمان في مواضيع احنا فاهمينها جدا , وده سواء من خلال دراستنا او خبراتنا او او او او او ..............
انا عن نفسي في حاله تنفيذ حاجه زي دي , اقدر افيد اخوتي في الله في مجال الحاسبات والكمبيوتر بشكل عام بإذن الله , بالإضافه لبعض المعلومات العامه حول مجالات تانيه
مع خالص تحياتي ...........
كدة حنخرج عن تخصصنا كا منتدى يارات الى منتدى استشارات... و على فكرة الموضوع دة موجود برضة بالفعل كجزء من القسم الاجتماعى لكن لو عملناه لكل قسم متخصص حتلاقى اعضاء المنتدى تحولوا الى تكتلات صغيرة بينهم و بين بعضهم بدل ما يبقى منتدى فىه مجتمع واحد بيجمع كل الاعضاء
MMamdouh
و انا مع محمد الشامى طبعا
وليه متقولوش
أن ده مؤشر كويس جدا
فقلة المشاركات أو المواضيع المطروحه
بتدل دلاله كبيره
على أرتفاع الوعى الفنى لدى جميع الزملاء بالدايو
وهو ده المطلوب أثباته
وأعتقد كده الحكايه خلصت
كله عرف الكلمتين بتوع مشاكل السيارات الدايو ( نوبيرا ولا نوس )
وكده المفروض نقفل المحل
ونشوف محل تانى
فهنيئا لكم على تقدمكم جميعا فى المستوى الفنى
والذى أنعكس فى صورة ملاحظاتكم بقلة المشاركات
يبقى نريح شويه بأه
الله يخليك ياحمو
وتحياتى الحاره لك
ولكل من جئت على باله وتذكرنى
عارف اللى عندك كويس والله ياحمو
وألف سلامه ليك ياباشا
ووقانا الله وأياك وكل الزملاء شرور الأمراض
حمدالله على السلامة يا باشمهندس سمير ... رجعت لبيتك التاني ووسط اصحابك حبايبك .. والله العظيم المنتدى كان مضلم من غيرك .
نسيت اعتذرلك لأن كل اللي حصل ده كان بسبب موضوعي عن قربة المياه .. الله يخرب بيت قربة المياه على سنينها ... لان الكلام جاب بعضه وعرفنا انك كنت مريض وحصل اللي حصل ... بس ماقولتليش كنت بتابع المنتدى في الفترة اللي فاتت ؟؟
:C_laugh[1]:اقتباس:
الله يخرب بيت قربة المياه على سنينها ...
بالعكس دا قربه بنت حلال
كفايه أنها عرفتنى غلاوتى عندكم جميعا
قدر الله وماشاء فعلاقتباس:
لان الكلام جاب بعضه وعرفنا انك كنت مريض وحصل اللي حصل
فلعله خير
من خلال حساس وحدة التحكم بتاعتىاقتباس:
بس ماقولتليش كنت بتابع المنتدى في الفترة اللي فاتت ؟؟
تقريبا حساس أسمه
بضاعه أتلفها الهوى
الله يخليك ياهندسه
وأرجومن الله أن تكون أنت والأستاذ / يوسف وجميع الأسره
بخير وسعاده