لازم نطبق من سياسة من منكرا فليغيره بيده علي مطبات الطريق اللي بقت شيء فوق الوصف الصراحه
عرض للطباعة
لازم نطبق من سياسة من منكرا فليغيره بيده علي مطبات الطريق اللي بقت شيء فوق الوصف الصراحه
الافضل دهان المطب و عمل يافطة قبلية لأن لو المطب انشال بالطريقة دى اهل البلد هيعندوا و يعملوا 3 مطبات
بس اكيد لازم تشوف حد من الوحدة المحلية او مجلس القرية للتنسيق معاه عشان لما تيجى تدهن المطب ماتلاقيش اللى يضايقك و ياريت كمان همه يعملوا يافطة وعمود انارة .
للاسف المشكلة دى قابلتنى فى المنطقة بين كفر الزيات و طنطا مكان اعوذ بالله من مطباته لكن الحمد لله ربنا ستر وجت سليمة
على فكره حوادث الطريق ده كتير اوي اوي اوي ............ لسه واحد زميلي عامل حادثة برده بالعربية من اسبوع على الطريق المنيل ده والعربية ادمرت وهو قاعد ف البيت مركب شرايح
لما يحبوا يعملوا مطب ..علشان الناس تهدي السرعة
يبقا على الأقل يعرفوا الناس إن هنا موجود مطب
مش يسيبوهم يموتوا على الأسفلت
وحسبي الله ونعم الوكيل
طيب أعمل إيه..؟؟؟
أعمل يافطة قبل المطب
وللا أكلم حد من الوحدة المحلية(وطبعا مش هييجي بفايدة)
ولا أعمل إيه؟؟
والله ياشباب أنا عاوز أكون إيجابي..بالذات مع المطب المنيل ده
لاحول ولا قوة الا بالله
المطبات فى العالم كله الهدف منها تقليل الحوادث
عندنا العكس
ممكن تكلم حد من الوحدة المحلية و على الاقل يزبطوا المطب و يبقى مطب ابن حلال كدا ميدمرش العربية
و ممكن بال30 جنية تجيب شوية اسمنت و تساوي المطب كدة من الحروف بتاعتة بحيس انة يبقى طويل شوية و ميكسرش العربية
عندنا فى الاسماعيلية فى واحد جازاة الله كل خير
كتب على العمدان ب الدهان الفسفور و عمل عليها علامات
و كتب يفطة خشب (كاتبها ب ايدة) و علقها على العمود
و كاتب عليها مطب
عشان مكانة غبى جدا و عالى و ف حتة ضلمة و العدب لله و الحمد لله طبعا لبسة قبل كدة لبسة حلوة
ف ممكن حضرتك تعمل كدة لو ينفع طبعا ..