أنا معترض على سجود حسام حسن لفانلة الزمالك
وكما طريقة كلامه بأن ما فيش غير الأبيض وبس الزمالك وبس ( وهذا من حقه) ولكن أن يقول عبارة " مش المحظوظين" طبعا يقصد الأهلي !!!!!!!!!!
يعني أنا مش فاهم التناقض في هذا الإنسان، في الأول يصافح الجهاز الفني وروح رياضية ممتازة وعالية، وبعدين يعمل كده. الدنيا كانت ماشية وجملية والناس مبسوطة زمالك وأهلي والمزاج عال العال.
كمان أنا عندي سؤال : ماذا كان سيفعل الكابتن حسام حسن لو فاز اليوم بالمباراه ، مش بس كده كان هيعمل أيه لو فاز بالدورى.

كان المطلوب منه أن يعبر عن فرحته بأسلوب محترم ويشيد بأداء لاعبيه ويشكر الفريق الاخر ، وكده نعيش يومين وإحنا مش شايلين من بعض ، إنما نقول ايه طالما فيها حسام حسن وأخوه إبراهيم الأبيض، سيستمر الإحتقان بين الناس لأمر أعتقد أنه لا يستحق.

وأؤكد أن سجودة لفانلة نادي الزمالك أمر غير مقبول على الإطلاق