برجاء نصيحة ماقبل الشراء بساعات (رجاء الدخول للاهمية من الخبراء) ربنا يبارك فيكم

**د.محمود صلاح** · 17-04-2010 07:55 PM

ربنا يفك أزمة صيانة الخليجي في التوكيل على خير وكل الامور بعد كده سهلة ان شاء الله

**NoRmAl** · 17-04-2010 09:21 PM

بص طبعا الناس اتكلموا أحلى كلام
كل الى عايز أقلهولك
أبعد عن المحمل دا علشان دول حراميه بمعنى الكلمه
وربنا معاك ونباركلك قريب على العربيه

**M7amD_7amDy** · 17-04-2010 11:53 PM

مفيش حاجة أقولها زيادة :)

بسم الله ماشاء الله الرجالة قامت بالواجب وزيادة

ومبروك مقدما :))

**LeperMessiah** · 22-04-2010 01:27 PM

برضه يا جماعه مش عارف انتوا ليه ماسكين فى موضوع سعودى و اردنى و سورى
الكيا كيا و موضوع اصل ديه ليها مواصفات اعلى و احسن و مش عارف ايه مالوش اثبات الى الان و اللى عنده اثبات يقول

الاخ اللى عايز يشترى ممكن توفر 7000 جنيه فى عربيه فيها كل حاجه عدا فتحه السقف من عند ناشيونال موتورز (هى ب 114) و فيها زياده 10 ايرباج و 6 سى دى لو موضوع فتحه السقف مش فارق معاك

لو حد قدر يثبتلك ان السعودى احسن و يستاهل فرق السعر اشترى السعودى فورا

احب اوضح معلومه مهمه عرفتها من احد التجار مؤخرا و اعتقد انها صحيحه لأنها عقلانيه جدا

مستورد العربيات السعودى بيجيب العربيه من كوريا مكتوب عليها موضوع المواصفات ده (اللوحه الداخليه) لأن الحكومه السعوديه بتشترط ده و بعدين مش بتدخل البلد علشان مايدفعوش الضريبه بتاعتها انما بتتشحن على مصر على طول و المستورد بيستغل ده فى انه يرفع السعر علشان حته لوحه ملهاش لازمه
انما الاردن و لا سوريا و لا الكويت بتشترط الموضوع ده فاباتالى مش مكتوب عليها انما العربيه و الله هى هى

انا مش بسوق لناشيونال موتورز و لا حاجه و لسه بلم الفلوس علشان اشترى و الله على ما اقوله شهيد

**wdramiz** · 23-04-2010 08:31 PM

اخي الفاضل
انا كنت انوي شراء هذة السيارة ذات المواصفات الخليجي
ولكنني قرأت كثير من المواضيع عن هذة السيارة في هذا المنتدي الصريح والرائع وبعد تأكدي من هذه العيوب في عفشة السيارة من اصدقائي من مالكي السيراتو اجمعوا انهم خدعوا في الشكل الجميل والكماليات الكثيرة وبعد ذلك تراجعت تماما عن شراء النتو سيراتو وهذا لنك واحد تستصيع قراتة

http://www.nilemotors.net/Nile/109619-a.html

وتوجد مواضيع اخري تتعلق بعيوب كثيرة ظهرت في السيارة منذ ظهورها من عدة شهور

عموما الامر متروك ليك وربنا يوفقك في الاختيار

**Ahmed Samy** · 23-04-2010 08:46 PM

حضرتك جابر افضل في التعامل

انا بافكر ابيع عربيتي السيراتو و اجيب سيراتو تاني

و غالبا من جابر ان شاء الله برضه

**VAN_XP** · 25-04-2010 11:28 AM

المشاركة الأصلية كتبت بواسطة lepermessiah

الاخ اللى عايز يشترى ممكن توفر 7000 جنيه فى عربيه فيها كل حاجه عدا فتحه السقف من عند ناشيونال موتورز (هى ب 114) و فيها زياده 10 ايرباج و 6 سى دى لو موضوع فتحه السقف مش فارق معاك

انا مش بسوق لناشيونال موتورز و لا حاجه و لسه بلم الفلوس علشان اشترى و الله على ما اقوله شهيد

اولاً اشكرك على كلام العقل
وياريت تقولى انت تقصد اى ناشونال موتورز لان فى اتنين واحد عماد عبد النبى والثانى اسامة عبد النبى
ولو تعرف ارقام هواتف ياريت تكتبهالى

**khalid_fares** · 25-04-2010 02:12 PM

اسمحولى يا جماعه لو ممكن تسمعوا راى متواضع الكيا السيراتو هى عربية ممتازه بكل ما للكلمه من معنى ولكن زياده التعامل عليها اوجد فيها عده مواصفات من عده بلاد وهى الكيا الوكيل والسعودى والعراقى والاردنى
وبالنسبه للاخ الفاضل الى بيقول مافيش فرق فاسمحلى لا فى فرق وفرق كبير كمان كل العربيات دى هى عربيات خارجه من مصنع واحد لكن عشان تروح اكتر من مكان يعنى مثلا العربية الاردنى هى عربيه بمواصفات اوروبية ومعنى كده انها معموله لدرجات حرارة منخفضة فهى غير مطابقة لمواصفات بلدنا واول حاجه ممكن تعطل فيها هى الفتيس
اما السعودى او العراقى فهما عربيات رايحه لدرجه حراره مرتفعه جدا ودى بتكون ليها فوائد كتير مابين الدهان والتكييف والكاوتش والماده المصنع منها التابلوه ده غير ان الناس دى عايزه تدفع فلوس وتلاقى ادامها كفائه عاليه فى التقفيل والاداء وده على عكس الشعب المصرى
اما العربية الوكيل فهى عربية بتفتقر لكل الى قولناه ده ده غير سعرها الغالى
بالنسبه للمواصفات بلاش ننخدع بزيده المواصفات وخلاص يعنى مثلا الجنط ال17 وخاصه فى مصر مش محبوب لانه مكانه اكتر على الطرق السريعه وطبعا ده مش عندنا وده غير سعره الغالى جدا لو حبيت تغيرة وغير مشاكله الكتيرة
الموضوع كبير جدا يا جماعه والمواصفات كتير جدا
وكلامى ده عن ثقة لان ده مجال شغلى وعلى فكره انا بشتغل مع جابر عبد الشهيد وانا مشرف مبيعات سيارات
اما بالنسبه للتامين فاحسن شركه ممكن تامن معاها هى شركه قناه السويس وده لان ليها مزايا كتير جدا مش موجوده فى غيرها
عموما ده رقم تليفونى وانا تحت امر اى حد يفكر انه يشترى عربيه او حتى يامن عليها او يدخلها الضمان
انا خالد فارس 0166687677