المشاركة الأصلية كتبت بواسطة ayabooy
و المعلومات ديه بقي من خلال تجارب شخصية مش بتوع قطع الغيار
الاسطى رمضان مغلواني و يبيعك لاي واحد بتاع قطع غيار علشان ياخد كومشن و ركبلي جوز مقصات من عند الخليل مكتوب عليهم ايطالي و محدش شافهم غير و قالي واحد مشغول و التاني تركي و دفعت فيهم مبلغ محترم زي الباشا
الاسطي حمدي شاطر فيما يخص العفشة و شغل فك و تركيب بس تشخيص اعطال من النوع التقيل زي رمضان برده انساهم و في التعمير معرفش اخبار الاتنين ايه
احمد فرج و ليس فودة ميكانيكي شاطر طول ما العيب ظاهر و فك و تركيب زي الفل و اجدع واحد يغير مواتير حتى لو ممكن تمشي
قطب مبيقبلش حد و الصراحة انا مرتاحتش في ركوب العربية غير بعد ما اتعرفت عليه و طبعا معظم بتوع قطع الغيار المتخصيين في المضروب بتسب فيه علشان مبيشتغلش للناس غير بمنتج اصلي و لو روحت ورشتة و اتقلبت او اي حاجة ضايقتك يبقي انا مسؤول اجيبلك منه حق عرب