ايه الاوراق المطلوبة لاصدار رخصة قيادة شخصية , لانى بصراحة مش فاكر لان رخصتى قديمة وحابب اتاكد منكم لزميلى لسه هيطلع رخصة جديدة
عرض للطباعة
ايه الاوراق المطلوبة لاصدار رخصة قيادة شخصية , لانى بصراحة مش فاكر لان رخصتى قديمة وحابب اتاكد منكم لزميلى لسه هيطلع رخصة جديدة
أنا كنت بجدد من يومين ، كل اللي إحتاجته من بره المرور ، هو شهادة باطنية وشهادة نظر - من أقرب عيادة طبية - وعليهم صورتين شخصيتين - الأفضل أنه يكون معاه صور لبطاقة الشخصية كتير وصور شخصية كمان - وطلبو عليهم دامغة طبية ، ولو هو عاوز يثبت في الرخصة مهنة غير اللي في البطاقة ، يجيب مايثبت .
وبما إني كنت بجدد ، فإحتاجوا شهادة مخالفات ، أكيد الجديد مش هايعملها بس هايعوزوا مكانها اللي يثبت أنه عدى الأختبارات مثلا ، والحاجات دي
وباقي النماذج موجودة جوة المرور ، يعني مش هايخرج بره .
وطبعا ماينساش ياخد معاه فلوس كفاية .
بص يا مكة باشا انا بعملها دلوقتى والمطلوب كالاتى
1. 6 صور شخصية (هما ببياخدواا 4 بس تقربيا بس ياخد زيادة احتياصطى )
2. شهادة باطنة ونظر بصورة شخصية ويكونوااا مختومين بختم المركز دة
3. شهادة مؤهل لو مخلص كلية او شهادة قيد او ثانوية عامة لو لسة بيدرس
4. صورة البطاقة عشان دى الى بيتعمل بيها الاورنية
بس تقربيا كدة كل حاجة ويعمل حسابة فى الفلوس والفكة عشان الحبشتكنانات والذى منة
وان شاء الله ربنا يكرمة ويطلعهااا على طول
شكرا ليكم و بالتوفيق يا mgazaly وان شاء الله تطلعها على خير
الرسوم حوالي 50 جنيه