-
يبقى انت اكيد فى مصر
يبقى أنت أكيد...أكيد في مصر
آه و ألف آه من تلك الجملة...
يبقى أنت أكيد...أكيد في مصر
لو لقيت من كل بيت خارج مدرس خصوصى ..
يبقى أنت أكيد...أكيد في مصر
لو لقيت فى بلد سنه سادسة ابتدائى و سنه خامسة ابتدائى!...
يبقى أنت أكيد...أكيد في مصر
لو لقيت فى كل بيت واحد أو أتنين ماتوا من السرطان ...
يبقى أنت أكيد...أكيد في مصر
لو رحت التأمين الصحى و إدوك حديد و زرنيخ ...
يبقى أنت أكيد...أكيد في مصر
لو لقيت فى بلد البحث العلمى فيها تايه و لسه بيحاول يجد العلاقة بينه وبين المجتمع ...
يبقى أنت أكيد...أكيد في مصر
لو لقيت فى بلد ربع سكانها ساكننين فى عاصمتها ..
يبقى أنت أكيد...أكيد في مصر
لو لقيت فى بلد تعبيرات مثل \"السحابة السودة\" و \"الشفافية\" ...
يبقى أنت أكيد...أكيد في مصر
لو سمعت جملة \"اللى نعرفه أحسن من اللى منعرفوش\" ..
يبقى أنت أكيد...أكيد في مصر
لو رحت \"دار الفؤاد\" و جاتلك الفاتورة و نعشك فى طريقه \"لدار الخلد\" ...
يبقى أنت أكيد...أكيد في مصر
لو رحت تطلع مخالفات عربيتك و لاقتها غير صحيحة لأن بالفعل معندكش عربية ...
يبقى أنت أكيد...أكيد في مصر
لو لقيت عجوز و عجوزة ماشيين و معاهم سلم خشب لزوم طلوع الرصيف ...
يبقى أنت أكيد...أكيد في مصر
لو ركبت مترو الأنفاق و ملقتشى هوا و لا تكييف ...
يبقى أنت أكيد...أكيد في مصر
لو مزنوق و ملقتشى مراحيض عامة ...
يبقى أنت أكيد...أكيد في مصر
لو مرة لقيت رسوم الزبالة على فاتورة الكهربا و مرة تانية على فاتورة الغاز ...
يبقى أنت أكيد...أكيد في مصر
لو سمعت بودانك و شفت بعنيك رئيس نادى محترم بيشتم الكل بدون عقاب أو جزاء ...
يبقى أنت أكيد...أكيد في مصر
لو فتحت التليفزيون و شفت ظرف \"البيت بيتك\"...
يبقى أنت أكيد...أكيد في مصر
لو سألت واحد أو واحدة مين الريس فى كل الألفية الثالثة؟! و رد و قال بدون تفكير \"مبارك\" ...
يبقى أنت أكيد...أكيد في مصر
لو قرأت الصحف فى 2005 و فى 2016 عن توصيل الكهرباء للعشوائيات و لقيت نفس الكلام \"التوصيل عملية مستمرة\" ...
يبقى أنت أكيد...أكيد في مصر
لو قرأت الصحف فى 2005 و فى 2050 و لقيت نفس الكلام \"الأصلاح السياسى و الإجتماعى عملية مستمرة\" ...
يبقى أنت أكيد...أكيد في مصر
لو عرفت أن فنانة سابقة و زوجة لوزير داخلية سابق عمرها فوق التسعين مرشحة نفسها لمجلس الشعب ...
يبقى أنت أكيد...أكيد في مصر
لو رحت الباجور منوفية و سألت مين رئيس الجمهورية و ردوا وقالوا كمال الشاذلى ...
يبقى أنت أكيد...أكيد في مصر
لو رحت تنتخب و معاك بطاقة إنتخابية و ردوا و قالوا إنك متوفى ...
يبقى أنت أكيد...أكيد في مصر
لو سألت واحد أو واحدة ليه بالعربى هيه إسمها \"مصر\" و بالخواجاتى هيه إسمها \"إيجبت\"؟! و رد و قال معرفش! ...
يبقى أنت أكيد...أكيد في مصر
مع الإحترام والتقدير لكل اهلنا وأخواننا وأحبائتنا
خير أجناد الأرض
أهالي مصر الأفاضل
منقول
-
يبقى أنت أكيد...أكيد في مصر
-
لو البلد تعبانة و44% من سكانها يعيشون تحت خط الفقر وفيها عبارة غرقانة وانفلوانزا الطيور ومع كده رئيسها يطلع في حوار صحفي والمذيعة تسأله انت مرتاح لوضع البلد ...فيكون الجواب مرتاح اوي ......يبقى انت اكيد في مصر ( يلا .... حتة من ورا ظهر الرقابة واللي يلحقها يلحقها )
لو لقيت الظابط ماسك شيخ عمال يديله على قفاه في مظاهرة ....يبقى أنت أكيد في مصر .( مظاهرة من مظاهرات الأصلاح في طنطا ظهر فيها ظابط يضرب شيخ معمم ...بجلباب وكاكولا ويضربه على قفاه )
لو لقيت نص شبابنا بيضرب بانجو وحشيش عـ القمة ......يبقى أنت أكيد في مصر .
لو صندوق زبالة فاضي والناس رامية الزبالة جنبه ...يبقى أنت أكيد في مصر .
لو لقيت غطيان البلاليع في الشارع مسروقة وصناديق الزبالة مسروقة ولمض النور عـ السلالم مسروقة وشارع بحاله في محطة الرمل لبيع الموبايلات المسروقة ...يبقى أنت أكيد في مصر .
لو لقيت بلد تعبانة وموجوعة وشبابها همه في الدنيا روبي وهيفاء ......يبقى أنت أكيد في مصر .
لو لقيت رغيف العيش فيه دبارة ومسمار وجناح صرصار ..يبقى أنت أكيد في مصر .
لو لقيت البطيخ مسموم والعنباية قد التفاحة والتفاحة لا طعم ولا ريحة والخوخة منقعوة في الكلور والمية اللي نازلة من الحنفية ريحتها مجاري .....يبقى أنت أكيد في مصر .
لو حبيت تعرف اللي بيحصل في بلدك لازم تشتري دش وتعرف من بره بلدك عن طريق الفضائيات ....يبقى انت أكيد في مصر .
لو البلد تعبانة و44% من سكانها يعيشون تحت خط الفقر وفيها عبارة غرقانة وانفلوانزا الطيور ومع كده رئيسها يطلع في حوار صحفي والمذيعة تسأله انت مرتاح لوضع البلد ...فيكون الجواب مرتاح اوي ......يبقى انت اكيد في مصر
لو مشيت على طريق مصر اسكندرية ولقيت مدن وبيوت طويلة عريضة وقرى سياحية ...فاضية ومهجورة وصحابها ما بيسكنوهاش غير اسبوعين في الصيف ....ومشيت في شبرا ولا الحضرة ولا كرموز ولا غيط العنب ولقيت الناس عايشين في اكشاك خشب وصفيح .....يبقى انت اكيد في مصر .
لما 90 % من الموبايلات اللي بتقع من صحابها في الشارع او في المواصلة اللي بيلاقيها ما بيرجعهاش وياخدها ويقبلها حرام على نفسه ....يبقى انت اكيد في مصر .
لو لقيت شعب عمال يفتخر انه شعب متدين وبتاع ربنا واكتر بلد فيها الأسلام وبلد الأزهر ...ومع كده سب الدين شيء من العادي انك تسمعه في الشارع يبقى انت اكيد في مصر
لو لقيت الأتوبيس فاضي ..والشارع نظيف ...والناس إيجابية ...والأكل نظيف ....يبقى أنت أكيد مش في مصر .
منقول
-
نعيب زماننا و العيب فينا
و ما لزماننا عيب سوانا
----------------------
انا معاك فى كل هذا
و لكن الى متى سوف نظل نبكى و نتحسر
لو كل واحد غير ما يمكن تغييره فى حدود سلطاته و مسؤلياته "حتى لو كل ما حوله احبطه و لم يغير اى شئ"
اكيد سوف نكون محترميييييييييييييييييييي ييين
فى بلد محترمه
-
و تقوللي لييييه انا عاوز اسيب مصر .. علماُ بان انا معايا جنسيه سويسريه و مع ذلك قاعد هنا ..
بص يا سيدي التعليق بتاعي .. في التوقيع بتاعي .. و اضيف عليه الاتي ..
الناس اللي بتقول .. البلد مافهاش خير ... و الكلام ده .. و العيب في الزمن ...
انا باقولهم الاتي .. البلد و الزمن فيهم خير كتير .. لكن الناس هيا الليمافهاش خير .. انا بقالي 10 سنين في مصر .. و العدد اللي لقيته (ماشي عدل نسبياً) لحد النهارده .. 3 بني ادمين ! (ومش من العيله ..)
Content Relevant URLs by
vBSEO 3.6.0 PL2