السلام عليكم و رجالة
الحمد لله على الخبر اللى قريتة فى الجرايد
ان مصر برة موضوع الرشاوى بتاع شركة مرسيدس
فعلا قلبى اطمنى
و حسيت ان الدنيا بخير
و بعد ما عرفت الخبر السعيد دة ابتديت ادقق فى اللى بيحصل حواليا
و دة رد فعلى
.... عربيات كتيرة جدا للناس التقيلة و البشوات فى البلد مرسيدس
.... عربيات السجون كلها بقيت " النفل " مرسيدس
.... عربيات مديرين الامن و مساعدين وزير الداخلية " الجيب المصفحة " مرسيدس
.... عربيات زبالة نقل شفتها امبارح برضوا كانت " النفل " مرسيدس
اللى اقولة اننا الحمد لله بالرغم من كل العربيات دى اللى موجوده عندنا فى مصر
لكننا لم ناخد جنية واحد رشوة
و السبب اقولكم علية
علشان " سواد عيونا " عارفين الكلمة دى . دة اللى حصل فعلا
نتيجة ان الالمان كلهم عيونهم ملونة " يعنى خضرا و زرقة " فهما ادونا العربيات دى علشان خاطر سواد عيونا
و كفاية كلام فى الموضوع دة
و تصبحوا على خير