"" يا حسام يا بدري ابوتريكة بيلعب صانع العاب مش مهاجم ""

**TaoTao** · 18-04-2010 01:07 AM

المشاركة الأصلية كتبت بواسطة olaosman

بعيدا عن الفنيات انا حاسة ان الروح الحلوة اللي المفروض تكون موجودة بين المدرب و لعيبته مفقودة بين البدري و لاعبي الأهلي.

يمكن أكون غلط، بس حاسة إن البدري بيعاملهم معاملة الرئيس و الأتباع، مش القائد و فريقه، و ده بيبان في ردود فعله لما حد من لاعبي الأهلي يضيع فرصة، و ده معنويا مثبط جدا.

طبعا - و لا زلنا برضه بعيدا عن الفنيات - غير إنه إتم و خايف إنه يضحك لا وشه يشقق.. عمري ما شفته مبتسم أبدا، حتى أيام جوزيه.

توصيف 100% كان رأيي إن اللعيبة مش مبسوطين وهما بيلعبوا وحسام البردي مش عارف يتعامل معاهم كويس .. حسام -رغم إحرازه البطولة- لسة بدري عليه عشان يدرب الأهلي

**CryptonX** · 18-04-2010 01:29 AM

المشاركة الأصلية كتبت بواسطة olaosman

بعيدا عن الفنيات انا حاسة ان الروح الحلوة اللي المفروض تكون موجودة بين المدرب و لعيبته مفقودة بين البدري و لاعبي الأهلي.

يمكن أكون غلط، بس حاسة إن البدري بيعاملهم معاملة الرئيس و الأتباع، مش القائد و فريقه، و ده بيبان في ردود فعله لما حد من لاعبي الأهلي يضيع فرصة، و ده معنويا مثبط جدا.

طبعا - و لا زلنا برضه بعيدا عن الفنيات - غير إنه إتم و خايف إنه يضحك لا وشه يشقق.. عمري ما شفته مبتسم أبدا، حتى أيام جوزيه.

يعني هو حسن شحاتة الي ابتسم ابدا !

بس انا معاكي فعلا ...

مش بحس باي نوع من العاطفة بينه و بين اللعيبة ...

**mynameh** · 18-04-2010 06:00 PM

المشاركة الأصلية كتبت بواسطة badblood

+1111111111
ازاي مدرب سيء وهو الاول من اول اسبوع في الدوري
لو في مقارنه بينه وبين جوزيه يبقى حرام
جوزيه كان بيجيب لاعيب تقيل وهاجز مليون في الميه وواحد ولا اتنين شباب وده مش دايما صح
اللي بيعمله الاهلي ده دلوقتي صح شباب لازم ياخد فرصة

هو الاول من تاني او تالت اسبوع في الدوري لان مكنش فية غير الاهلي
ولو نفتكر اول اسبوع في الدوري كل الناس قالت الزمالك هو اللي هياخدة بعد مافاز علي انبي 3 /1

ولولا تعثر الزمالك و الاسماعيلي و .... و .....
كان زمانا دلوقتي بنبارك لاي نادي فيهم دلوقتي

**aif** · 18-04-2010 06:22 PM

المشاركة الأصلية كتبت بواسطة skybird

الاهلي كبير جدا على حسام البدري
والكل ملاحظ انه بيعك طحن

والاهلي فاز بالدوري بعدة عوامل ليس من بينها حسام البدري وبالعكس ممكن يكون هو سبب هبوط مستوى الاهلي
اهم العوامل
1- افضل مجموعة لاعبين في الاهلي (متعب- تريكه- معوض- بركات- جمعه)
2- بقايا فكر جوزيه
3-جمهور كبير متحمس
4- حظ فظيع
5- حكام

انا مش معاك في موضوع الحكام
لو الاهلي فاز مرة او مرتين ببعض اخطاء الحكام .... لكن برضه اتظلم من الحكام اكتر من مرة
وبعدين حتى لو فاز مرتين مثلا بالحكام .... ده واخد الدوري قبل نهايته ب5 مبرايات
...
كمان احب اضيف نقطة للنقاط اللي حضرتك ذكرتها
6 - عدم وجود منافسين ....... وذلك لانخفاض مستوي معظم الاندية ... وكذلك لتفريغ الاندية من المواهب اولا بأول .... وده برضه يرجع للأهلي في المقام الاول
....
.............

رأيي المتواضع ..... الاهلي افضل فريق في مصر يلعب بمدرب اجنبي وليس مصري
لأن الاهلي غير الزمالك .... ادارة الاهلي لا تتدخل في شئون الفريق وتترك الامر بالكامل للجهاز الفني ..... واحنا في مصر بنحترم المدرب الاجنبي .....يبقى الافضل انهم يجيبو مدرب اجنبي محترم على مستوى جوزية مثلا ويشيل الليلة كلها
....
ابو تريكة لاعب في منتهى الاخلاق والالتزام وده لايختلف عليه اثنين ولو كانو مش اهلاوية .... انا شايف ان حسام البدري وقع في نفس غلطة حسن شحاته في مباراة الجزائر في السودان ( والقاهرة كمان ) ...
وهي انه لعب ابو تريكة مجاملة وعلشان الضغط الجماهيري ....
واضح جدا ان ابو تريكة لسة مش في المستوى اللي يخليه يلعب ماتش القمة بالكامل ..... ابو تريكة اما انه لسة محتاج وقت عشان يقدر يلعب كويس
واما انه قدم كل مايملك وليس لديه ما يقدمه اكتر للفريق ( واتمنى يكون ده غلط ) ... قد يكون الكلام ده مش ح يعجب الكتير من عشاق ابو تريكة ..... لكن لو بصينا للأمر بالعقل ح نلاقيه صح ....
وطبعا اللي زود الطين بله ان احمد فتحي مالعبش والاهلي افتقد المجهود الوافر بتاعه .... مع وجود ابو تريكة في مستوى ضعيف .... خط وسط الاهلى اهتز بشدة
لو كان حسام لعب حد جاهز بدنيا وفنيا مكان ابو تريكة اعتقد ان كفة الاهلي كانت ح ترجح بشدة
مع الاعتذار لمحبي ابو تريكة .... اللي انا واحد منهم أكيد

**Abo_Lina** · 18-04-2010 11:35 PM

معلش إيه فايدة الشباب لو هاقعدهم في الماتشات المهمة ?
على ما أتذكر الوحيد الشاب أمام الزمالك كان عبد الله فاروق و كان من أسوأ ما يكون و مستقبله في بلدية المحلة
كل عتاولة الأهلي كانو في الملعب