مساعده فى موضوع تغيير الجنوط والكاوتش بحجم اكبر

**mikology** · 17-04-2010 03:48 AM

مساء الخير يا رجاله
مش هاطول عليكم
انا المقاس الاستوك عندى 175*65/14
والمقاس اللى ناوى اغيرله هو 205*50/16 او 17 كمان
دلوقتى طبعا العربيه هتعلى جامد لان النسبه اتغيرت خالص
دلوقتى لو حبيت اهبط العربيه
1- اهبطها ازاى ؟
2- و اعرف اهبطها للحد الطبيعى عن طريق ايه بالظبط ؟
3- وهل التهبيط ده هايأثر على العفشه او العربيه عاما ولا لأ ؟
4- وهل التأثر ايجابيى ولا سلبى ؟
5- وهل هايزيد ثباتها ولا لأ؟
و مستنى ردودكو بقا

**tommys** · 17-04-2010 03:59 AM

التهبيط هايزيد من ثبات العربية كتير ولاكن هايأثر على العفشة وهايخاليها ناشفة ..... أما موضوع الجنوط مش هايعلى العربية ولا حاجة لأنك كل ماتكبر في الجنط بتقلل في الكاوتش .. ولو العربية عليت هايبقى بنسبة صغيرة جدا ومش ملحوظة ده لو ركبت المقاس الصح ...ونصيحة خليك في الجنط 16 وماتزودش عن كده

**mikology** · 17-04-2010 04:46 AM

شكرا لردك السريع يا tommys
بص يا سيدى دلوقتى انا عشان احط ال 16 لازم يبقى البروفايل 45
وده انا مش متقبله لسببين هما
1- الحفر و المطبات بتاعتنا
2- الكاوتش هايبقى رفيع و هايبقى التجويف الى حوالين العجل باين كبير بالنسبه للكاوتش وهايبان الكاوتش بالجنط عاما شكلهم بايخ قوى وصغيرين كده ( انت فاهم اقصد ايه ؟)
عشان كده انا قولت اكبر فى الجنط و الكاوتش سوا - بحيث يملو الفراغ مابين الكاوتش و تجويف البودى وفى نفس الوقت ماقللش بروفايل الكاوتش عشان الحفر و المطبات و اهبط العربيه شويه بحيث اوصلها للطول الاصلى - لانها عليت عشان انا خرجت من المقاسات الاستوك بتاعتى لان قطر العجله بقى اكبر
انا استخدمت كذا موقع لمعرفه النسب
وكان انسب حاجة ليا هى 205*45/16 و البروفايل ده مش هاينفع فى بلدنا
عشان كده فكرت فى التهبيط
بس بردو عاوز اعرف ازاى اهبط و ياريت تقولى رأيك فى الكلام ده و تنصحنى بايه

**mikology** · 18-04-2010 02:09 AM

فين التفاعل يا رجاله المنتدى

**magyver** · 18-04-2010 03:41 AM

بالنسبة للتوطية قدامك كذا حل

اول حاجة العفشة الكوني وماظنش انك تلاقي لعربيتك
الحل التاني تقص من السووست وتركب صدادات في المساعد
الكلام دة هايعلي الثباات قوي وهاينشف العربية معاك ودة الاداء الرياضي

**tommys** · 18-04-2010 03:56 AM

ال 16/45/205 محتاج طريقة سواقة خاصة عشان تحافظ على الجنط يعني تعمل حساب كل كبيرة وصغيرة على الطريق ومحتاج تركيز شديد منك ..لو عملت كده ممكن الجنط يعيش معاك وماتقلقش نفس المقاس ده أنا مركبه عندي في عربيتي وبعرف أتعامل معاه كويس وماشي زي الفل ... بس المهم زي ماقولتلك لازم تحافظ والمقاس ده مش محتاج تهبيط العربية لأنه كبير وهايملى التجويف ألي تاعبك ده وإلا هاتدفع مبلغ محترم عشان تغير العفشة المساعدين واليايات والعربية هاتبقى ناشفه معاك غير الجنوط ال 16 هاتنشفلك العربية كمان وممكن توصل لدرجة إنك هاتكره عربيتك لانك هاتفقد عامل الراحة في القيادة ودي نصيحة وأنت حر

**mikology** · 18-04-2010 10:37 AM

ممممممممممممم
شكرا لنصايحكم يا رجاله
بالنسبه للعفشه فعلا انا لسه مغيرها بعفشه مونرو غاز و فعلا العربيه بقت انشف بس لسه مغيرتش اليايات
وكلامك صح يا توميس بالنسبه للراحه انا مش عاوزها تقل اكتر من كده