المشاركة الأصلية كتبت بواسطة amrelsaqqa
ياباشا سنة 2019 هتتلغى الجمارك عن الاوروبى فقط مش اليابانى ولا الكورى ولا الامريكى
طبعا هتقوللى اشطة ده الاوروبى ده اهم حاجة
المرسيدس والبي ام والفيات و الفولكس والبيجو والرينو والسكودا والاوبل و .......
وكمان البورش والفيرارى والرولز رويس والبوجاتى و المايباخ بقى بالمرة ..
بس الموضوع بكل بساطة ان الجمارك هتتلغى وتتحط تحت مسمى تانى اللى هو ضريبة المبيعات ده غير ضريبة العربية نفسها ورسم التنمية و رسم ورسم ... و رسم استعمال راديو !!! زي ما مكتوب في ورق الرخصة
وطبعا لعبة اسقاط الجمارك دي عشان اتفاقيات مع اوروبا بحيث لما ماحدش بيقدر يقول له حاجة لأن الفلوس تحت مسمى ضرايب وده شأن داخلى ملوش دعوة بالاتفاقيات
وصباح الفل والدنيا عال العال ويحيا القانون وتحيا مصر يا عم الحاج
المهم الحل عشان ما تتعبش نفسك ياباشا شيل من دماغك موضوع الجمارك والعربيات ده الى ان يقضى الله امرا كان مفعولا
مانا للأسف عارف أنها على الأوروبى بس نسيت أقول فى الموضوع
يعنى السيارة الأوروبى سعرها فى حدود 200 ألف مثلا بعد خصم الجمارك و أضافة الضرايب سعرها هيكون 170 ألف يعنى كأنه عرض أو خصومات لموسم التصفيه دا السعودية لما بتعمل خصم على عربيه بتنزلها بالأربعين ألف والله يـــــــــا حلاوة الحلاوة السايبه
المشاركة الأصلية كتبت بواسطة bluemaneg
الجمارك هتتلغي 2019 علي كل السيارات علشان دي اتفاقية الجات
جمارك الأوربي هتقل لغاية 2019 و دا استثناء لجمارك الأوربي بسبب الشراكة المصرية الأوربية فبيطبق تخفيض الجمارك تدريجي
طيب ليه مش هيحصل فى الأسيوى مثلا عندك الصين عندك كوريا ليه بقى ؟
ولا هوا خلاص مكتوب علينا أرخص عربيه فى مصر الماروتى أمو 35 ألف جنيه
أنا أة بحب الماروتى و بحترمها و بحترم كل ممتلكينها لكن أنا واحد الناس مش مقتنع بسعرها دى 800 سى سى والله أنا مادفع فيها أكتر من 15 ألف جنيه رغم حبى ليها بس أحنا فمصر للأسف المفروض الجمارك تتحسب بعد الألف سى سى لكن دى محسوب عليها جمارك وضرايب و مكسب وكيل ومكسب مستورد و نقل
نفسى أعرف الماروتى مثلا فى بلدها بكام أو الشيرى كيو كيو أو غيرها و غيرها
و على فكرة الصينى لو أترفع عليه الجمارك بس بزمه و ضمير والكلاء أحترموا نفسهم هتلاقوا الشوارع كلها صينى مع عدم تحيزى للصينى برضة
المفضلات