سلام عليكم
لو سمحتوا ياجماعة الكبالن عندي بايظة وبيحصل طقطقة مع لفة الدركسيون يمين او شمال وانا مش هغيرها غير كمان شهر مثلا ولا حاجة فهل في خطر م المشي بوضعها الحالي ولا مجرد صوت الطقطقة بس؟؟؟؟؟ والف شكر
عرض للطباعة
سلام عليكم
لو سمحتوا ياجماعة الكبالن عندي بايظة وبيحصل طقطقة مع لفة الدركسيون يمين او شمال وانا مش هغيرها غير كمان شهر مثلا ولا حاجة فهل في خطر م المشي بوضعها الحالي ولا مجرد صوت الطقطقة بس؟؟؟؟؟ والف شكر
هوا الخوف انها تملص من مكانها و تطلع و تبهدلك فى الطريق لا سمح الله انت قلل استخدام العربية للضرورة القصوى و لو هاتخرج بيها يبقى امشى هادى و خصوصا فى الملفات و اليوترن و ما تسكتش عليها يعنى غير فى اقرب فرصة
انا كان فيه توصية من ميكانيكي ان لو العربية محتاجة كبالن يبقي تحاول في الملفات انك تدوس دبرياج للاخر
طب معلش ياجماعة يعني هو الخطر منها في الملفات بس؟؟ولا ممكن وانا ماشي مستقيم تعمل حاجة؟؟؟؟
لو حالتها متدهورة قوى هاتقطقط و انت فى الطوالى مش فى الملفات بس و ممكن تخرج من مكانها و تقف فورا فى الشارع و انت وحظك بقا تعرف تقف على جنب و لا حد يكون جاى من وراك السيناريوهات كلها مش حلوة يعنى زى ما قلتلك قلل استخدامك للعربية و لما ربنا يسهل غيرهم على طول و ما تخاطرش بنفسك و اللى بيركب معاك
و ده زميل فى المنتدى اتلسع من موضوع الكوبلن ده
http://www.nilemotors.net/Nile/14241...post3872566432
الف شكر ليك يااحمد باشا علي الافادة والناس اللي شاركت
بص يا باشا طول ما في الطوالي مافيش طقطقة يبقي لسه ما وصلتش لمرحلة الخطورة انما مجرد ما تسمع طقطقة في الطوالي يبقي لازم تتغير