باركولي وشاركوني فرحه+ تقييم

**حماده المصري** · 17-04-2010 12:05 PM

انا الحمد لله ياجماعه تخلصت من النيو اكسنت بتاعتي والحمد لله

وجبت النترا الشيب القديم 2005 ماشيه 90 الف كيلو اوتومات اعلى فئه فابريقه برا وجوا وحاله صالون زيرو خلصت على 67 فيها رخصه سنها بالنسبه للشغل الي فيها مفيهاش حاجات كتير بطاحه وسيرفس عادي اتمنى تفيدوني في السعر

بالنسبه لتقييم العربيه

العفشه مريحه جدا لكل الركاب على كل السرعات والحمد لله ودي اهم نقطه بفكر فيها

بس الحركه الغبيه الي عملتها كاوتشها 15 185/65 غيرته خليته 195/60 ف بقت انشف سنه

وبالمناسبه حطيت نيتروجين لرجعه للهوا العادي واشوف اذا هنتعم ولا لا

السحب بقى للاسف الموتور القديم والفتيس برضو القديم ف السحب مش ولابد شويه اولاني وتاني حلوين الثالت بطيئ ك عاده كل العربيات الاوتو

فيها سنسور خلفي فبريقه مفيد جدا

الدركسيون في ايدي حلو مش ميا ومش تقييل

بصراحه العربيه دي زي ما قالوا عليها من انضف عربيات هيونداي

الثبات بتعها فعلا حلو جدا جدا لا يقل عن العربيات الجديده كلها وشنطتها مش بتلعب تماما

جبت بيها لحد 160 على الدائري ممتازه بعد كده بدات تخف شويه بس 180 على الدائري كتيير جدا كلها مطبات هوا كتيره جدا بس مع ذالك مكنتش وحشه ابدا

اتمنى تدوني رايكم في السعر واي حاجه انا تحت امركم