اللى يخاف من الكوبلن يطلعلو ويقلووو عووووو

**AHMED1718** · 17-04-2010 12:34 PM

انا مشكلتى انى دلوقتى ف مرسى علم بعربيتى والاسبوع اللى فات وانا ف الطريق كنت سمعت طقطقة كده ..فقلت جايز يكون جلب مقص ولا حاجة

بس الطقطقة زادت شوية فقلت مبدهاش بقا رفعت العربية وحليت العجل اللى قدام يمين

لقيت فيه خلوص او بوش ف الكوبلن من الجهة الداخلية مش اللى نحية العجل

فدلوقتى انا مقلق من انه يفصل منى وانا مسافر ولا حاجة
وللعلم الكوبلن مش بيطقطق الطقطقة المشهورة دى بتاعة الملفات

دى طقطقة كده زى ميكون مثلا التيل بيخبط مش عارف اوصل صوتها ليكو الزاى

ياريت تطمنونى هل ده هيمشينى لغايط موصل القاهرة ولا انا وحظى ؟

فيه ميكانيكى قصدى عجلاتى وشغال ميكانيكى بيقولى احلهولك واعملك وردة واكبسلك مشواره ..... وقعد يرسم كده فهل ده هبل ولا ايه ؟

وهل الخلوص اللى ف الكوبلن ده بيتصلح ولا بيقا عك بردو واريح دماغى بكوبن استيراد ولا جديد؟

**أحمد كمال** · 17-04-2010 12:41 PM

1- بلاش تكبس الكوبلن

2- بلاش استيراد في الاجزاء الحركية اللي ممكن في لحظة تعمل كارثة لا قدر الله (يفرط و انت ماشي بسرعة ..... او يعطل في حتة مقطوعة) و ساعتها هتصرف اكتر من الفرق بين تمن الكوبلن الاستيراد و الجديد

**AHMED1718** · 17-04-2010 12:42 PM

طب دلوقتى هيمشينى لغايط كايرو ولا ايه الناظم انا لسه قدامى مش اقل من اسبوعين هنا والمشوار حوالى 800 كم

**أحمد كمال** · 17-04-2010 12:48 PM

طيب اقول لك فكرة

لو فيه ميكانيكي نضيف في مرسى علم او قريب منها احنا ممكن نشتريلك الكوبلن من الوكيل و نبعتهولك بشركة شحن اسمها ميدل ايست هييجي لك تاني يوم مرسى علم و مش هيكلف اكتر من 10 جند شحن ...... و انت تركبه هناك قبل ما تيجي ........

**AHMED1718** · 17-04-2010 12:51 PM

هوا حضرتك شغال ف التوكيل
؟
اصل انا كمان شغال ف توكيل رينو وكيا

المشكلة دلوقتى ان عربيتى اللى معايا هنا هيا رينو رينبو 97

فصعب الاقيلها حاجة ف الشركة

تانى حاجة هيبقا سعر وهمى اكيد
وحتا لو جبته حوار تركيبه ده حوار كبير وانا مش معايا الامكانيات ولا فيه حد هنا ممكن يبقا معاه

**AHMED1718** · 17-04-2010 12:53 PM

ياريت لو شركة الشحن دى تجيبلي ليها اى تليفونات ؟ لانى بحتاج ابعت حجات يومي تقريبا وزهقت من فيدكس

**أحمد كمال** · 17-04-2010 01:09 PM

المشاركة الأصلية كتبت بواسطة ahmed1718

هوا حضرتك شغال ف التوكيل
؟
اصل انا كمان شغال ف توكيل رينو وكيا

المشكلة دلوقتى ان عربيتى اللى معايا هنا هيا رينو رينبو 97

فصعب الاقيلها حاجة ف الشركة

تانى حاجة هيبقا سعر وهمى اكيد
وحتا لو جبته حوار تركيبه ده حوار كبير وانا مش معايا الامكانيات ولا فيه حد هنا ممكن يبقا معاه

لا و الله انا مش شغال في التوكيل :)

المشاركة الأصلية كتبت بواسطة ahmed1718

ياريت لو شركة الشحن دى تجيبلي ليها اى تليفونات ؟ لانى بحتاج ابعت حجات يومي تقريبا وزهقت من فيدكس

0222413033

ده مكتب القاهرة و ليهم مكاتب كتير في محافظات كتير و خدمتهم رخيصة و نضيفة و سريعة جدا

غير انه ممكن تبعت الحاجة على حساب المرسل اليه و تحصل منه كمان يعني مثلا انا كنت هاشتريلك الكوبلن مثلا سعره 500 جنيه ..... ابعتهولك على حسابك ..... يعني اديهولهم ..... تاني يوم يجيبوهولك و يحاسبوك على 500 + الشحن .... تالت يوم يرجعولي الفلوس مقابل 5 جنيه تحصيل

شركة محترمة اخر حاجة الصراحة

**AHMED1718** · 17-04-2010 02:29 PM

متشكرين لاهتمامك ياباشا

**A.Saad** · 17-04-2010 02:32 PM

ما تشوف مركز خدمة معتمد فى الغردقة طيب ولو عايز اى قطع غيار ممكن نبعتها لك

**AHMED1718** · 17-04-2010 02:38 PM

والله مشكلتى انى بينى وبين الغردقة 300 كم تقريبا

انا خايف وانا ماشى يحصل حاجة ولا يفصل منى ومش هلاقى كلب يعبرنى هبقا زى الراقص مع الذئاب او العفاريت علشان الطريق مليان فمش طالبا ليلة ف حضن العفاريت كفايا هيبقا كوبلن وعفريت كمان

الموضوع: اللى يخاف من الكوبلن يطلعلو ويقلووو عووووو

LinkBack

أدوات الموضوع

عرض

-

-

-

-

المواضيع المتشابهه

كله يخاف علي سماعاته من البيز

الدعاء الذي يخاف منه الشيطان

فى حد برضة يخاف من .........الميه ؟؟

لمن يخاف على مصر تذكر تلك القصة.

ماحدش بقى يخاف من حد (لعشاق كرة قدم)

الكلمات الدلالية لهذا الموضوع

المفضلات

المفضلات

ضوابط المشاركة