بين القاهرة والاسماعيلية فى ترخيص العربية..(ينفع مطلع كتاب)ومواقف ودروس ياريت تعرفوها
بسم الله الرحمن الرحيم
هحكى خبرة حصلتلى فيها حاجات لازم الكل يتعلمها ويعرفها
الاول انا اشتريت عربية ملاكى الاسماعيلية اونو موديل 99 اشترتها فى شهر 10 وكانا لترخيص لحد شهر 4
نبدء بقة الرحلة
اول يوم
روحت الاسماعيلية اجيب شهادة بيانات ومخالفات
جبت المخالفات وخدتها ومشيت ((وعندهم هناك نظام غريب انه الملاكى ايام سبت واتنين واربع-واجرة ونقل ايام حد وتلات وخميس))وانا كنت روحت يوم الاحد بس عشان جاى من القاهرة رئيس النيابة وافق وادانى الشهادة ومشيت عادى بس مش راجعت الرقم ((الى مكتوب باللغه العربية مش الارقام)) لقيت فى رقم غلط بدل 103 كاتبين 102 وفى الارقام المكتوبة بالعربى مائة اثنين بدل مائة ثلاثة رجعت تانى صلحوها فى دقايق....
ومشيت روحت المرور ((لان المخالفات مش فى المرور))وبينهم مسافة 5 دقايق ليس الا
روحت اطلع شهادة بيانات الراجل قالى هتسلم النمر هنا ولا فى القاهرة. قولت له لا ((لانه ممكن اسلمها فى القاهرة على حسب كلامه ولانى صعب امشى من غير نمر..قالى ماشى وطلعت شهادة البيانات فى ساعة ونص)) بس مكتوب فيها موديل العربية 94...
أوبا هنا بقة عملت ليهم مجنون
ياجماعه العربية موديل 99 والرخصة اهى
يقولى لا الرخصة غلط اقولة ازاى دى طالعه من عندكم يقولى لا هى 94 وصلح الرخصة
ومشيت على كدا
تانى يوم
مرور القاهرة بقة
روحت افحص وخد البصمة وكل حاجة واول ما شاف النمر قالى لا دى لازم تتسلم فى الاسماعيلية قولته ليه قالى عشان دى ((دق محلى))مش بارزة فـ لازم ترجع وشهادة البيانات بتاعتك دى ملهاش لازم كدا...واعملنا مطابقة بصمة كمان
انا كنت معتمد على انى اسلم النمر واخلص الورق بالرخصة الى فيها العربية 99 وخلاص...لانها فعلا 99
تالت يوم
رجعت الاسماعيلية وكلى احباط وقولت لا قاتل لا مقتول بقة
خلعت النمر وسلمتها وجبت مطابقة بصمة وحظى كان حلو وشوفت كل ملف العربية
لقيت الرخصة القديمة مكتوب فيها 94 والعربية اصلا كانت متحولة من مرور فى القاهرة وشهادة البيانات كانت 94 برضة يبقةكدا دى غلطة رخصة..طيب قولته فين الافراج االجمركى لانه ممكن يكون غلطة لان العربية 99 ومكتوب فى الرقم الشاسية كدا...قالى لا دا مجلناش
المهم كان لازم اسلم شهادة البيانات الاولى عشان اخد واحدة تانية مكتوب فيها
غير مطالب بالنمر
غير مطالب بالرخصة
غير مطالب بالمخالفات
بس الشهادة الاولى ضاعت منى
روحت القسم اعمل محضر
قالى لا لازم المرور يكتب ورقة يقول فيها انك عايز شهادة بيانات جديدة
رجعت المرور جبت الورقة ورجعت القسم عملت المحضر ورجعت المرور اخد الشهادة
رئيس الوحدة قال لا ومضى افادة من مرور القاهرة يقولوا انا رخصت ولا لا
طيب يا مؤمن انا لو رخصت فى القاهرة هاجى اخد شهادة بيانات ليه تانى؟
طيب يا مؤمن انا لو رخصت فى القاهرة هيكون معايا رخصة العربية القديمة ازاى؟
طيب يا مؤمن هو انا لو رخصت فى مرورين مع بعض هاخد bouns وهدية يعنى؟
يقولى مليش دعوة
وكان للحظ العفش واحد الى خلع النمر لانه تبعتى قصها بسرعة فـ العربية بقت من غير نمر
اضطريت اركنها قدام المرور من غير نمر ((دعوة مفتوحة لاى حرامى))واسافر
وروحت الشهر العقارى عشان اعدل العقد لان مينفعش يكون العقد 99 والعربية 94 مع انهم فىا لمرور ولا خدوا بالهم اصلا بس قولت ابقى فى السليم ودا كان مشكلة وفضلنا نتكلم ويقولوا محدش بيعدل موديل لو شاسية ماشى ويكلموا ناس من مصر ويعملوا البدع لحد ما واحد الى تولاه الموضوع وقالى انت مظلوم من كله ودى هعتبرها مشكلتى انا والحمد لله قضيت ودفعت حوالى 80 جنيه رسوم تبديل موديل وحاجات
رابع يوم
روحت الصبح مرور القاهرة خدت الامضاء انى مش رخصت بسهوله ((لان فى واحد كنت مظبطة فى الاسماعيلية-كتبتلى كل بيانات العربية جنب امضاء رئيس الوحدة الى فيها افادة بانى مش رخصت عشان الى يعمل بحث يكون سهل)) ورجعت تانى على الاسماعيلية....
اديتهم الورقة وخدت شهادة البيانات بموديل 94 ورجعت تانى القاهرة وماشى من غير نمر
خامس يوم
روحت مرور القاهرة ((السلام بالتحديد الى هو اسوء مرور))
وصلت المرور 7.10 تقريبا
الفحص الراجل جه على 7.30 قولته انا طابقت بصمة وطالع عينى وكدا وهو كان فاكرنى قالى خلاص مضالى على الورق وقالى دور كدا دورت قالى تمام وخد الى فى النصيب
روحت اشتريت مثلث واسعافات ب71 تقريبا ومكنوش ضروريين هو مضالى وقالى اشتريهم براحتك بس انا قولت اخلص
الطفاية كان واحد هناك ظبطنى فيها واتختمت انها شغالة
دخلت المرور الناحية التانية وكل ورقة جاهز حتى استعلام البطاقة ودا كان على 8 كدا وخلصت ورقى على 8.10 او8.20 بالدفع الضريبة بكل حاجة
الموظفة خدت الورقة وظبطته وخدت الى فى النصيب برضة وقالتلى استنى تاخد الرخصة
فضلت مستنى من غير زحمه ولا قرف لانى روحت بدرى
وخد الرخصة على 10.30 واكن فيها غلطة فى الشاسية والاسم الرابع رجعت تانى اتصلحت وخدتها تانى على 11 ومشيت
ومشوفتش اى مشكلة فىا لمرور فى يوم الفحص والترخيص على عكس ما الكل بيقول...لانى روحت بدرى ولانىشوفت كل البلاوى الايام الى فاتت
يبقة كدا الموضوع خلص برخصة جديدة بس موديل 94 والعربية 99 اصلا
فاضلى امل واحد انى اروح المرور الاولانى بتاع العربية الى كانت تبعه واشوف الافراج الجمركى ولو فى حل تانى ياريت حد يقلهولى ؟؟؟؟
وواحد قالى اعمل قضية نصب لصاحب العربية انه كان عارف واستغل انه الرخصة اتعدلت وخلاص
لانه فى عقد البيع بتاعة مع المالك الاول كان فيها الموديل 94
بس انا مستحرم برضة هو شاب وحرام يتبهدل مع انه اتصلت بية وفضل يقولى انا معرفش ومش ببص على الموديل وكلام ولا يدخل العقل
اجرى عند الله ولا نتم اية رائيكم
؟؟؟؟؟؟؟
الدورس المستفادة
1- حتى لو الرخصة سارية اعمل شهادة بيانات للعربية
2- روح المرور بدرى على قد ما تقدر 7 او 8 بالكتير تبقة هناك عشان تنجز ومش تتبهدل
3- حاول وانت بتشترى العربية لو فيها حتى سنه ونص رخصة او اتنين تنقلها ليك لو من محافظة تانية لو على الاقل تجيب شهادة بيانات العربية
حد عنده فكرة ازاى اقدر اعدل موديل العربية بخلاف ورقة الافراج الجمركى فى لجنه فحص بتتعمل او اى حاجة؟؟؟
وشكرا جدا ليكم
وبجد قمة البهدله والاهانه فى المرور فى مصر
تكلفة الموضوع دا معايا كان حوال 1200 متضمن الضريبة والحاجات الى هى رسمى مش عدت
500 او 600 والباقى رشاوى وتسهيلات وبهدله طرق وسفر
نقل لقسم الورش بواسطتي
170410
12:40pm
مشرف فيات ١٨ب
