فكرة جديدة عملتها من شهر كدة وقولت اقولكم عليها لو حد عايز يعملها بس هيا عايزة واحد صبور حبتين
كنت بعاني من طارة الدركسيون انها بلاستيك وبتتزحلق في ايدي ونزلت شوفت الطارات معجبنيش حاجة منهم مع اني اشتريت كذا واحدة
لدرجة ان البنت كنزي مجمعاهم وبتلعب بيهم تويست بتاعت زمان
المهم بعد ما شوفت طارة اللانسر الجلد الطبيعي روحت لسروجي كويس قولتلة عايز واحدة زيها قاللي 200 جنية وهافك الطرة من مكانها وهاتسيبلي العربية يوم
طبعا معجبنيش ولا حاجة منهم وسيبتة ومشيت جاتلي الفكرة دي ونزلت اول شارع الازهر جبت شلة خيط اللي انتم شايفنها ودي كفت تمام
واخترت لون فاقع عشان عربيتي حمرا وجبتها صناعي مش قطن عشان اللون يبقي زاهي وتمنها 12 جنية

وقعدت مرة تحت البيت بعد صلاة الجمعة وجبت كوباية شاي وهاتك يا شغل خلصت علي صلاة العصر
متعبة بس بتدي تحكم رهيب في الطارة
اقل لمسة تحركها وكمان ماتخليش العرق يزحلقها
اسيبكم للصورة

كريم