هوه احنا ليه سيبنا مضموون الصورة ومسكنا في ان الراجل من حقه يكتب كده او مش من حقه
ليه منقولش ان الناس اللي وصلت بيها البجاحة انها بتقوم بأفعال غير لائقة في الموصلات لدرجة ان الراجل زهق من الموضوع ده واضطر يكتبه كده علني
هوه احنا ليه سيبنا مضموون الصورة ومسكنا في ان الراجل من حقه يكتب كده او مش من حقه
ليه منقولش ان الناس اللي وصلت بيها البجاحة انها بتقوم بأفعال غير لائقة في الموصلات لدرجة ان الراجل زهق من الموضوع ده واضطر يكتبه كده علني
ربنا يخليك ...... بس فعلا انا تعمقت و الله ..... و ردي كان باختصار المقصود منه ان من كتر الظواهر المهببة دي و من كتر ما الناس بتعمل حاجات مش تمام في التاكسيات الراجل اتخنق و كتب كده عشان كده انا بادافع عنه
و فعلا انا ردي ما كانش انتقاد لاي كلام و لا كان حكم بالظاهر بدون تعمق ........ انا ردي كان مغزاه ان اللي معترض قد يكون معترض لانه ماشافش البلاوي (و ده من رحمة ربنا بيه) ..... الواحد بيبقى واقف في اشارة و جنبه تاكسي و فيه اتنين ورا عايشين حياتهم اخر حاجة و لا كان فيه اشارة واقفة حتى و لا سواق قدامه و لا حاجة .......
بالظبط ...... هو ده كان قصدي
لا حول ولا قوة الا بالله
يعنى عشاتن كاتب كدة بقى فعل فاضح
امال اللى بيعمل كدة يبقى ليه فعل ساتر!!!!!!!!!!!!:ma(30):
و كمان الراجل كاتب كدة فى التاكسى او الميكروباص بتاعه مرحش يعنى قدام كباريه فى شارع الهرم و وقف بيها
و الله انا خايف كمان شوية حد يتهم الراجل بالجنون
ماهو انا مش بشجع الغلط لاسمح الله..........انا اعتراضي كان علي الطريقة ليه ماستعانش بكتاب الله مش كان افضل!......ده غير انه كاتب اللوحة برجله ان جاز التعبير هي دي مش تشويه للذوق العام برده......يعني مانصلحش الغلط بغلط ......وتحياتي.
انا الي اقصده ان حطت الايد علي كتف المراة (حسب قصده من المكتوب) في عرف القانون تندرج تحت درجة من درجات الفعل الفاضح في القانون سواء مفعلة فعلا او غير مفعلة.....وبعدين لما البنات والستات يقرأوا اللوحة دي ياتري ايه احساسهم ساعتها ومستوي الاحراج الي هايحسوا بيه وايه ذنبهم يقروا تلقيح كلام بالمستوي ده..........في وسائل المواصلات سواء ملكية خاصة او عامة في قوانين منظمة لهم ماينفعش يعمل الي علي مزاجه ودي نقطة ماشية في كل دول العالم مايختلفش عليها 2.........ده غير النقطة الاهم للقصة دي ان الي مكتوب ده كان في اتوبيس فين ردة فعل الناس الي راكبين جنب الي بيعمل كده!!!!!
سعادة الباشا عندي فكرة مش بطالة عن الي بيحصل بس مايوصلش لدرجة انه زي ماحضرتك قلت الي مامرش عليه او عليها موقف من دول نحطله اعلان زي كدة علشان الي مايعرفش يعرف......نظام فضيحة يعني وكل الركاب متهمة الا ان تثبت برائتهم......وشكرا يابيه علي حسن النية والتوضيح.:S_thum1[1]:
و الله رجل محترم ربنا يكتر من امثاله .
كل واحد عرف واحدة زميلته بقي من حقة يحط ايده على كتفها و الباقى ميصحش انى اذكره و لكن المعنى واضح .
اساسا لو ماشي مع خطيبتى مش همسك ايدها , لكن الوضع اللى وصلنا له بقي حاجة تعلى الضغط و تحرق الدم :((
الرجل حط اللوحة دى علشان اللى يركب يحترم نفسه من غير ما يقوله , ده انا ببقي قاعد فى الجامعة اللى هى مكان دراسة مش مسخرة و الاقى كل واحد حاطط ايده على كتف واحدة و اللى بيهزر مع واحدة و يضربها و البنات اللى بقت تروح مع زميلها فى العربية .
ايــــــــــــــــــه مبقاش فى اهل خلاص ! يا رب خرجنى من البلد دى .
مافيش حد فينا مختلف على إن اللى هوة عامله ده مخالف للذوق العام ... لكن برضه هوة أكيد شاف بلاوي
والبلاوي دي إحنا بنشوفها دلوقتي في الشارع العام عادي جدا مابالك بقى بمواصلة سواء أتوبيس أو ميكروباص واللى راكب حاسس بشيء من الخصوصية أكتر شوية من الشارع
ناس كتير خلاص مابقاش عندها دم ولا إحساس ولا أخلاق ... وللأسف ناس كتير غيرهم بقت تشوف وتسكت عشان خايفة من رد الفعل
طب وهاتروح فين ده في النقطة دي بالذات البلد دي أحسن من غيرها كتير
ربنا يرحمنا ويصلح حالنا
السواق ده شكله ملسوع من مشكله حصلت عنده فى الأتوبيس قبل كده
ايه المشكله ؟؟؟